عندي كذا موهبة بس مو عارفة احدد مساري ساعدوني

مثل ما ذكرت انا عندي مواهب كثيرة بس مو عارفة من وين ابدا او اي موهبة انمي

من مواهبي اعرف للمكياج بس مو محترفه فيه يعني الرسومات والتلطيخ على الوجه ما اعرفها اسوي مكياج مرتب وحلو يعني اساسيات المكياج اعرف لها بس يبي لي تكثيف على الشغلة وتمرس علشان اكون محترفة

استشوار وصبغ الشعر فنانه في الاستشوار بحكم استشواري لخواتي ولنفسي وكثرت استعمالي له بشكل يومي تقريبا والصبغ اصبغ لون واحد والخصل اسويها بس يبي لي زيادة خبرة فيها لانها تطلع معي ذهبي الثلجي مثلا

اعرف لتشقير وصبغ الحواجب والكل يسألني عنها بالرسومات اللي تناسب اشكال الوجوه

خلصنا من مجال الكوافير

نجي لمجال الطبخ اعرف عمل انواع الفطائر والحلويات والسلطات والاكلات الرئسية وبعض انواع الصياني بس جربت هذا المجال ما ناسبني لاني ما عندي شغالة تساعدني فبكذا راح اهمل بيتي ويتجمع علي الشغل

وكمان عندي موهبة الرسم بس رسم على الورق وتنفيذ اعمال فنية مدرسية

احب التجارة بس مو عارفة من وين اجيها ومن وين ابدا لان صراحة ما عندي احد يشجعني ماديا ومعنويا يعني يبي لي راس مال محترم وانا ما معي

فكرت في حضانة منزلية بس للاسف ما قدرت بحكم حملي الاخير وصار عندي طفل ويبي لها دعاية وافكر اذا كبر ابني وسكنت شقة سويتها لان بيتي كبير ولا احس اني افضى اسوي شي الا انظف فيه

حلمي كان هندسة ديكور بس ما كتبه الله احب تأثيث الغرف والكل يشهد لي بذوق في بيتي او بيت اهلي لما افرش غرفة من الى لاطلاعي على كل جديد في عالم الديكور الداخلي

بس هذي ميولي وهواياتي ومواهبي بس على قولت المثل سبع صنايع والبخت ضايع وهذي انا

فاللي تقدر تقنعني بموهبة من المواهب اللي عندي انها مربحه وممكن استفيد منها لو نمتها اكون ممنونة لها وبدعي لها من كل قلبي

اتمنى اذا فيه وحده دارسة كيفية تحديد الميول تفيدني بعد علشان ما تجي كذا اختياري

اتمنى تفيدوني لاني بحاجه اني ازيد دخلي بس موعارفة كيف حاليا افكر باني اجيب بضاعه من الصين واتاجر فيها او ادور على موردين هنا بالجملة واشتري واعطيها لاحد يبيعها لي لاني ابد مو شاطرة بالتسويق

افيدوني مشكورين