عندي كم سؤال لامهات الخدج والناقصي النمو،،الرجاء نصحي ومساعدتي

السلام عليكم اخواتي
راح ادش بالموضوع على طول،،انا ولدت في الاسبوع 34 بولادة قيصرية بتاريخ 4/12/1434هـ وطفلي دخل في العناية المركزة بسبب نقص النمو ونقص السكر وجلس فيها تقريبا اسبوعين وبعدها تحسنت حالته الحمدلله ونقلوه للعناية المتوسطة وجلس فيها كمان اسبوعين وامس الحمدلله طلع من المستشفى،،وبما اني بكريه وماعندي خبره سابقه مع الاطفال وخصوصا ناقصي النمو والخدج عندي كم سؤال اتمنى منكم مساعدتي واكون شاكره وداعيه لكم بالخير والتوفيق بأذن الله..
سؤالي الاول:
كيف احسب عمر طفلي والتطعيمات بتكون على اي عمر يعني المعدل ولا ايش؟
السؤال الثاني:
الممرضة قالت لي اعطي طفلي الحليب كل ثلاث ساعات 60 مل،،هل جرعة الحليب تكفي او لا يعني افضل كل ثلاث ساعات او كل ساعتين؟
السؤال الثالث:
صرفوا لطفلي شراب فيتامينات ونقط فيتامين دال ونقط الحديد والجرعة مره وحده في اليوم،،متى اعطيه الادوية هذي كلها يعني قبل الرضعه او بعدها وهل اعطيهم كلهم بوقت واحد او اخصص لكل علاج وقت محدد في اليوم؟ وهل يصير اضيفهم مع الحليب داخل الرضاعه؟
السؤال الرابع:
هل يصير اعطيه يانسون او كمون علشان المغص؟ومتى اقدر اعطيه حلبه وهل تنصحوني فيها؟وايش ممكن تنصحوني فيه اعطيه علشان تقوى مناعته ويكبر؟

وهذا الي اتذكره من الاسئله واذا خطر ببالي شي ابسألكم يا اغلى خوات،،،
الله يجزاكم خير ويوفقكم ويعطيكم الف عافيه يارب..