عندي لكم افكار رووووووووووعة للزواجات!!!!!!!!!

السلام عليكم ورحمة الله وبركاته
عندي لكم افكار رووووووووووعة للزواجات
أسألكم بالله(الذي اذا سئل به اجاب)... يابنات ولا وحدة تنقلها لمنتدى ثاني اوتنسبها لنفسها بدون استأذاني
لانها قسم بالله من تصميماتي شخصياً........

فكرة إستقبال الضيوف ......

اولا ...نص قصور الطائف فيه صالتين 1- عربيه يكون بها جلسه عربيه فقط للي يحظرون الزواج من بدري
2- اما الثانيه فهي اللي بها الكوشة وطاولات الجلوس...وطبعا ماتفتح الا عقب صلاة العشاء........

(وهذي الفكرة في زواج ولد اخوي)

-- قبل مانفتح الصالة اخذت مظلتين صغار ولبستها بقماش عنابي وهي طبعاً مفتوحة ونزلت منها شرايط عنابي وسكري وطبعاً المظلات مقلوبة وبنات اخوي(مهب صغار باولى ثانوي) خليتهم يمسكونها مقلوبه (والعصا اللي راسها مثل الخيزرانه معلقه بيدينهم مثل السوارة..فهمتوااااااااااااااااااا)
وجوا المظلات تل سكري مقصص صغير ومحشي به ورد مجفف ملون ولفيته بشرايط عنابية...... وأول مايدخلون الناس ياخذون منها حبة بس (لايكثرون عشان ماتخلص عليكم وتتفشلووون)

-- و جبت طاوله كبيرة فرشتها بمفرش دانتيل لونه عنابي وسكري لان القاعة كان ديكورها عنابي وسكري وحففت الطاوله بورد طبيعي كبير عنابي وورد سكري على ابيض(بس والله دخت لحد مالقيته) وعند صاحب الورد لقيت افكار شموع صغيره(فنطت في مخيخي فكرة كتابة الاسماء) فطلبت منه كتابة اسم العروسة ويطلع من كل حرف (فتيلة الشمعة)....طلبت اسم (مشاعل )وحط بها الفتيل فطلع شي خرافة وطلبتها كبيرة
وحطيتها بالوسط....... زين فهمتوا............
وحطيت بطرف الشمعة صندوقين خشب (معتقه وقديمة) وفرشت في واحد تل عنابي والثاني سكري
واخذت تل لونه سكري وحطيت جواه( عودة خشب)(اللي يتبخرون به لاتحطون خشب من الشارع)هههه
واخذت بلاستك الاكل وحطيت به( لبان مستكة ) وحطيتها جوا التل السكري ولفيت عليه شريطة عنابية (وتطلع صغار بس كثيره) وحطيت التل السكري في الصندوق اللي غلفته بتل عنابي
وسويت الثاني مثله بس قلبت الالوان (بنااااااااااااااااااات فهمتوا والا لا لاتحبطوني) وبينهم مبخرة كبيرة فيها عودة (والله يعينك كل شوي تغيرينها عشان تبقى ريحت العود بالمدخل) وخليت ثنتين من خواتي يوزعون على الناس وهم داخلين (طبعاً المدخل بابه كبير عشان كذا لازم ضيافه حلوة.....
وعلى دخلتهم مشغلين شريط كامل كله ( غطاريف.... زغاريد.. بجميع اللهجات)

-- وسويت زفة للمطربة(لان كانت العروسة والعريس عيال اخواني) فكله على راسي

وفي نفس القاعة درج طويل نازل من فوق بشكل دائري........فخليت فرقتها تدق وهي نازلة طلبت منها تغني لنفسها( الليل قرب ينتهي لاكنه بحظوري بدا).....
وخليت وحدة من بنات اخوي كبيرة فوق واعطتها الميكرفون وهو مغلف بورد طبيعي
وثانية تستقبلها في نهاية الدرج ومعاها باقة ورد اعطته لها وكملت الزفة لين وصلت الكوشه وبصراحة طلع زواج يهببببببل و وجناااااان

هاااااه بنات وش رايكم ؟؟؟؟؟؟ انشالله يكون اعجبكم ...........
لان باقي عندي افكار اذا اعجبتكم كملت..
بنات تلاحظون ماحطيت ولا بنت صغيرة لاني بصراحة ماحب شكلهم يكون كانا في حفل مدرسي او روضة ...... فشكل البنات الكبار يجنن.........
محبتكم دلع.......

:41::27: