مساء الخير
كل عام وانتم بخير
ابشركم ياحوائيات ولدت وقمت بالسلامه اللهم لك الحمد
والقصه بدأت يوم 13ـ9 الفجر كنت اتصفح عالم حواء وقريت وحده تقول انها اخذت شور دافي وركزت على منطقة الظهر وجاها الطلق بعد ساعتين قلت خليني اجرب مو خسرانه وفعلا اخذت شور دافي وركزت على الظهر لمدة ربع ساعه وطلعت ونمت وقمت العصر وكل نصف ساعه الجنين يتحجر بقوه ويضغط على المثانه واستغربت قلت يمكن الوضع عادي المهم بعد الفطور رحت للطوارئ بمستشفى الولاده علشان اوريهم الاشعه اللي سويتها بالمطبقاني عشان اتأكد من كلام الدكتور احمدوه لمن قالي ان رأس الجنين كبير شوي وربي خفت وقتها وماقدرت انام ليلتها المهم دخلت على دكتورة الطوارئ كانت سودانيه الله يذكرها بالخير طمنتني وقال رأس الجنين طبيعي لاكبير ولاهم يحزنون
وسألتها عن التحجر قالت هذي علامه ع قرب الولاده وكان باقيلي اسبوع واخلص التاسع المهم رجعت البيت على الساعه 2 بالليل وكل ماله الجنين يزيد بالتحجر ولمن اذن الفجر الساعه 4 ونصف جاني الم من تحت وخاصة في مكان العمليه وكان الالم يجيني كل ربع ساعه حسيت بانه الطلق ورحت اجهز شنطتي وخلصتها ونمت
وانا نايمه اذا جاني الالم اصحى من النوم لمن جات الساعه 10 ونصف الصباح ماقدرت اصبر قمت وجهزت اغراضي واتصلت على امي عشان تجهز نفسها وصحيت زوجي وبعد صلاة الظهر رحت لمستشفى الولاده وصلت الساعه 2 وقالت الدكتوره الرحم مفتوح 2سانتي ونصف ودخلوني كشك الولاده لانهم كانوا خايفين على العمليه وخلوني تحت الملاحظه من الساعه 2 الين الساعه4 العصروطول هالمده الالم يجيني كل ربع ساعه قوي بس محتمل وربي الشاهد كل ماجاني الالم ادعي لخواتي بعالم حواء ولنفسي بتسهيل الولاده وبعد العصر الالم اشتد علي ولاقدرت اتحمله وقمت اصارخ:icon33:
وصار الطلق كل خمس دقايق بس كان مررررره قوي بشكل لايحتمل وكذبت على القابله وقلت العمليه توجعني عشان يسوولي عمليه وراحت المسكينه ونادت 2دكاتره اخصائين واحد هندي هو اللي ولدني والثاني مصري ورفضوا يسوولي عمليه يقولون الجنين راسه بالحوض خلاص راح تولدي طبيعي وجلست ابكي واصارخ والحمدلله لمن جات الساعه 6 قبل المغرب ربي سهل علي وولدت وجبت احلى بنوته وسميتها جنى
وصدق من قال ان طلق البنت حااااااااااااار
وابصم على العشره بعد والحمدلله على كل حال
وان شاء الله ربي يسهل عليكن ويسر لكن الولاده الطبيعيه الميسره بحوله وقوته
ويرزق كل اخت محرومه اللهم امين
قبل لاانسى هذي نصيحه لاخواتي بالذات اللي بالمدينه واللي تفكر تولد بمستشفى الولاده
بالنسبه للطوارئ تعاملهم ممتاز وكمان كشك الولاده مره طيبين ويصبروا عليك لكن المشكله بقسم التنويم بالدور الثالث وربي ياخوات تعاملهم مرررررررررررره زفت الممرضات والمنظفات وحتى الدكاتره كل وحده تنفخ وتزعل واذا ناديت الممرضه تعصب وتهاوش وربي انرفع ضغطي وطلعت على مسؤليتي للبيت
نصيحه اللي راح تولد عندهم وبالذات اللي مقررين عليها عمليه تجيب معها مرافقه لانه وربي اهماااال ولااحد راح يساعدك
وامي الله يطول بعمرها تقول يمكن عشانهم برمضان وصايمين تعب عليهم قلت مو عذر هذا شغلهم وياخذون راتب عليه
طولت عليكم سامحووووووني بس حبيت تشاركوني فرحتي
ومن العايدين ومن الفايزين :26:
جمول خالد @gmol_khald
عضوة فعالة
يلزم عليك تسجيل الدخول أولًا لكتابة تعليق.
ام تميم66
•
الحمدلله على سلامتك .. ويتربى بعزززك .. وعقبااااااال لماا اشووووووف ضناااي .. دعواااااااااتكم
الله يبارك فيكم ويسهل عليكن اخواتي ام تميم واختي سهام الليل وينولكم كل مافي بالكم يااااارب
الصفحة الأخيرة