مهرها بريال واحد ..!
--------------------------------------------------------------------------------
السلام عليكم ورحمة الله وبركاته
ابغي اقول لكم قصة واقعيه
حدثت في السعوديه تقريبا قبل سنه صارت هالقصه
كان في قبيلتين ساكنين مع بعض بنفس الفريج
القبيله الاولى شدوا راحوا لمكان ثاني اسكنوا
يعني كانوا يعرفون بعض
ويوم من الايام القبيله اللي شدوا جاوا للقبيله الثانيه
على العموم لغرض الزواج يبون يزوجون ولدهم لبنتهم
ويوم جاوا كلموا ابوا البنت وابوا البنت قال انزين عطونا مهله خلنا نسأل عن ولدتكم
فقال ابو الولد مايحتاي ياخوي ترى ولدنا اهو ولدكم مايحتاي تسأل عنه
وخذه بالشيمه
ويابوا الملاج الملا اللي يكتب عقد الزواج
ولما كتب الكتاب قال الكاتب كم المهر قام ابو الولد طلع ريال واحد من مخباه
وقال هذا المهر ومابينا مهر احنا خذه بالشيمه ابو البنت
ووافق ابو البنت قال بريال
ولما انكتب العقد وتزوجوا الحمد لله
وراحت البنت عزيزه مكرمه بيت زوجها
وكان الزوج كل يوم يعايرها
كل مايشرب ماي او قوطي بيبسي كان يستهزء بالبنت يقول لها هذا مهرج
انتي نفس هالقوطي او الغرشه
كان يذلها الله يسامحه
وكانت البنت تحط في خاطرها
وكان مايخليها تروح بيت اهلها مانعها حتى من شوفة اهلها
وماعندها الا الله وحطت في تفكيرها لازم تخضع له للامر الواقع
وكانت تدلعه وتمدحه بس حتى يرضى انه يوديها بيت اهلها
كانت تمر بأيام صعبه
ووافق الزوج على اخذها لبيت ابوها لشوفة اهلها
ولما راحت بيت اهلها
على طول قالت حق امها الموضوع انه يعايرها بقوطي بيبسي ومن هالاشياء الله كان يذلها
وقالت السالفه لأبوها
وبس
قام ابوها واتصل بالريال زوج البنت وقال له افلان خبارك
عساك مرتاح قال له تمام قال له ابو البنت
اليوم تمر انت وابوك بيتنا تقهوو بيتنا
وبس قال له ان شاء الله راح نجي بيتكم
وبس جا الولد وابوه
ولما ادخلوا
دخلهم المجلس وكرمهم
ابوا البنت قال حق ولده الاصغير ياولد قم روح جيب حق عمك بيبسي لان الجو حار على الاقل يبرد على قلبه
وقام الولد وجاب له البيبسي وشرب ابو الولد
وقام مره ثانيه ابو البنت وقال لولده قم روح جيب لعمك بيبسي الجو حااار
خله يبرد على قلبه
وقام الولد وجاب له بيبسي استغرب زوج البنت حس ان في شي صاير
وقام ابو البنت وقال روح جيب لعمك بيبسي ثالث مره
وجاب له بيبسي
ولما حس زوج البنت انه غلطان قام قال ياعمي حق ابو البنت
شالسالفه عسى ماشر صاير شي
قام قال ابوا البنت حق ابوا الولد اللي متزوج بنته
ولدك يعاير بنتي ويقول لها انتي نفس البيبسي وانتي نفس غرشه الماي بريال واحد
وانا قمت رجعت مهركم ثلاث مرات
وبنتي ماتطلع من بيتي الا بثلاثمائه الف ريال تجيبون مهرها
واشترط عليه هالشرط
وبالفعل قام ابوا الولد وقال له ابشر
ومع طلوع الشمس الفجر جاب المهر
وراحت البنت عزيزه مكرمه بيتها
وهاذي كل القصه
يلزم عليك تسجيل الدخول أولًا لكتابة تعليق.
زي الشوكولا
•
فعلاً أنا سمعت هالقصة وطلعت عندنا بالجرايد
والله روعه , يستاهل الزوج يوم تساهلو معه ولا كلفوا عليه قام عايرها >>> يعني لازم ينكسر أظهورهم بالمهر الكبير عشان يتأدبون...
الصفحة الأخيرة