هلا بنات
شخباركم؟؟؟؟؟؟؟؟؟ انشالله تمام..
بنات عندي لكم شامبو ممتاز يناسب كل أنواع الشعر.. وميزته مايخلي الشعر يتساقط ويعطي الشعر ريحة تجنن وغير النعومة والنظافة.. طبعا كل أنواع الشامبو تنظف وأكيد مستغربين ليش ذكرت النظافة ويزيل الدهون والترسبات اللي على الشعر.. لأنكم بتنصدمون يوم تعرفونه..
ألا وهو
الطين الأحمر..
الطين الأحمر اللي ينباع في الأسواق أو العطار.. بس طريقته إنج تنقعينه في الماس من الليل لين الصبح ويوم تبين تسبحين تغسلين في شعرج وينفع بعد ينحط على الجسم يعني حق الشعر والجسم...... 2 في 1..
ومهما تغسلين في شعرج مايخرب الشعر والمعروف إنه أي شامبو تركيبته صناعية نحن نستخدمه لازم نغيره بعد شهرين بالكثير.. أما هالشامبو لو طول عمركم تستخدمونه عادي وبالعكس مايضر... أحلى شي فيه إنه طبيعي وريحته حلوة تجنن وينظف.. يعني شغله شغل الشامبو بالضبط وأحسن بعد... بمجرد ماتروحون عند العطار قولوله طين أحمر اللي نغسل فيه شعرنا أو في السوق بتحصلونه...
للأمانة ماجربته بس شفت ناس استخدموه ونصحوني فيه وهالشامبو يداتنا كانوا يستخدمونه قبل يعني أيام الشعر الغليظ... أما ألحين نادر ما نلاقي مثل شعورهم...
آسفة لأني طولت عليكم وايد ونصيحتي لكم تستخدمونه وصدقوني بتفرون كل الشامبو اللي عندكم... ومابتغيرونه...
سلام..
Autumn_Leaves @autumn_leaves
عضوة جديدة
يلزم عليك تسجيل الدخول أولًا لكتابة تعليق.
زهرة الشمس
•
:26: :26:
om salom
•
اختى له اسم ثانى وشنو فايدته بالضبط ولازم ننقعه من اليل واكيد ينضف الشعر وهل يطلع رغوه مثل الشامبو العادى
الصفحة الأخيرة