الصناديق مايجوز الدخول فيها بناءا على فتوى

أختي 10 آلاف ما تسوي شي.. في البداية حاولي تجمعين مبلغ يصل بك إلى 30 ألف على الأقل.. وممكن تشترين محل أو تموينات أو مغسلة ملابس أو غيرها تدر عليك مبلغ شهري..

أما الصناديق وتجارة العملات فحتى أبرئ ذمتي أقول لك أن صدرت كذا فتوى بعدم جوازها وأن فيها شبهة ربا أبعده الله عنا وعنك.. والله يوفقك..

اختي انا نفس هذا المبلغ كان معي ورحت بنك الرياض وحطيته

في صندوق استثماري وهو صندوق الرياض2 ومشرفه عليه هيئه شرعيه

بعدين ماهي كل الصناديق حرام .........رسيل كيف10 آلاف ما تسوي شي؟؟؟؟؟؟؟؟؟؟؟؟؟؟؟؟؟؟؟؟

اختي اضمن شئ لك انك تحطينها في احدى صناديق الاستثمار المشروعه
وبالنسبه لي حاطه في الرائد اللي بسامبا بعد دراسه لها واقل مبلغ 7500 ريال
ويعتبر بالنسبه لمبلغك كويس.جربي فتره وشوفي الله يوفقك.

الصناديق التي تشمى شرعية صدرت كذا فتوى بأنها محرمة.. لأنها تتعامل مع الشركات الربوية وتمنتنع فقط عن شركات الدخان وغيرها من شركات النشاط المحرم..

وما فيه أي أحد أجاز هذه الصناديق غير هيئة البنوك الشرعية بسسسسسسسسسس!!..
بينما أتحدى تجيبون فتوى وحدة بإباحتها من عالم معروف.. من الشيخ بن باز رحمه الله إلى الشيخ ابن عثيمين وغيرهم حتى هيئة كبار العلماء كلهم لم يبيحوها.. فاتقوا الله..

و10 آلاف في عالم الأعمال بصراحة كأنها 100 ريال.. ولا شي.. ما تقدرين تشترين فيها مشروع.. ولا عقار.. وحتى لو دخلتي الأسهم الحلال ما راح تجيب لك إلا ربح بسيط يا دوب 500 ريال بالشهر إذا كنت شاطرة بعد..
اللي يبي يدخل الأسهم أقل شي 100 ألف علشان يشعر بالفائدة فعلاً..

والله يوفق الجميع..