عندي مبلغ من المال ومحتارة فيه >>> متعوب عليها

السلام عليكم


بنات عندي تقريبا 40000 ريال وابي اسوي مشروع صغيرون على قدي استرزق منه من بعد ما تخرجت من الجامعة وجلست في البيت بدون شغل وآنه ضايق خلقي ابي اشغل نفسي بأي شي .

المشكلة إني مو شاطرة في ولا حرفة يدوية حاولت اتعلم تريكو وتعلمت الخطوات الاساسية الغرزتين بس احس يبي له طولة بال ويوجع الظهر كثر القعدة وما يسوى شغله

فكرت اتاجر مثل البنات بالنت اشتري بضائع صينية وابيع بس احس النت صار مليان وسوق هالأشياء ميت .. وكثر ما سمعت عن المواقع الصينية النصابة خفت وتراجعت هاي غير ما سمعت عن انه تكاليف الشحن ماتسوى تطلع البضاعة اغلى من بيع السوق

شاطرة في الكبة وفي المعكرونات البشميل اللازانيا والمعجنات بس بطيئة في الشغل وما عندي مساحة وما عندي خدامة أو أحد يساعدني

امممممم افكر اطبع رواية مو من باب الربح من باب اشغل نفسي لإني أكتب حلو وحلم حياتي يكون عندي رواية بأسمي بس ما ادري عن الخطوات اللي ممكن يآخذها الشخص حتى ينشر رواية تكاليف النشر كم تكون ووين اروح واتصرف وتراني مو سعودية بس مو مشكلة لو عرفت التكاليف تقديرية .


أدري الموضوع مشتت بس محتاجة مساعدتكم