محل حلويات او مشغل

الله يبارك لك فهم شوفي من مدينتك وش ينقصها وتتمنين يكون موجود مثلا مكتب منسقة افراح ومناسبات صاله لياقه وكوفي شب نساء اوروضة اطفال وحضانه خاصه وعلشان الله يبارك لك لاتنسي الصدقه واذاتحبي الراحه ومالك بالتجاره احسن شي تشتري دور اوشقه وتاجرينهم

اهلين حور انا اشوف حايل مافيها نوادي نسئية كلها اثنين او واحد نادي مرة ممتاز بس ترى الاجهزة غالية ممكن الواحد سبعين الف واكيد لازم تجهزة ممتازه تتحمل جميع الاوزان ومدربات ممتازات واجري اركان بالصالة كوفي او مشغل وزي كذا زسزنا اما الراضي تقريبا اشوف حايل قريبة من اسعار الرياض اقل شوي العقارات عندكم والشقة والارض ممكن تحفظ لك فلوسك وممكن اذا اشتريتي ارض بحي راقي وكبيرة ممكن تجيك ارباح ممتازه وانا انصحك بهذي علشان شئئين اولا تحفظين فلوسك ثانيا العقار ولد بار ومثل مايقولون العقار يمرض بس مايموت يعني اشتري لك ارض ارضين وبيعيها اذا حصلتي مشروع او شئ اقل شئ تحفظين فلوسك وصدقيني الاراضي سوقها ماشي مره او سواق وباص لقرى حايل اشوف مرة شغلها مربح بس مشكلتهم يشترطون سواق سعودي الا داخل حايل الشغلة الاخيرة اي حاجة فيها حريم مربحه جدا جدا جدا وانا اشوف حريم حايل ماشاء الله عادي ماهمهم الاسعار يدفعون مثل المشاغل وزي كذا والفساتين الممميزه جدا او سوي مشغل كبير راقي وكثري العاملات وخلي اسعارك ثابته ورخيصة زي مشغل لبنى بالرياض اشوف الزحمة مره والشغل تمام مراقبتهم لكوفيراتهم وحرصهم على ارضاء الزباين وكذا

مشكووورات الله يسعدكن ويرزقكن

المشغل صعبة افتحه
المشاغل بحايل صارت بالهبل .. وبعدين يبون شهادة تخصص علشان يوافقون لك تفتحين !!

و صراحة مابي اشتري اراضي ابي مشروع بوووه دخل ثابت ومن هالدخل بإذن الله أشتري ارض وابني بيت وشقق وأأجرهن

فهمتن علي !!! انا ابي مشروع دخله حلو ومضمون و مصاريفه قليله