عندي مجموعة أفكار لرمضان إدخلو حياكم .

السلام عليكم ورحمة الله وبركاته
شوفو ترى سلمت يعني لازم تردو السلام هذا واجب ﻷني دائما أشوف البنات
على طول ترد طيب ردي السلام أول وبعدين ردي براحتك المهم حبايبي عندي أفكار حلوه قلت أقول لكم عليها ونتعاون جميعا عليها ونعتبره من التعاون على الخير بالبدايه يامشرفات لاتنقلو موضوعي ﻷني بتكلم عن الاكل والطبخ وهنا البنات مستعدات لشهر الخير الي فرزنت والي مجهزه قائمه وجدول لها وناويه تسوي أطباق جديده وتبدع فيها ومواضيع البنات الحين تقريبا كلها عن رمضان وش يصلحون فيه وجبات متنوعه عاد بنات حواء مبدعات جدا المهم فكرتي إن كل وحده فينا لها مطبخها تدخله تصلح فطورها تحتسب اﻷجر وتنوي الصدقه من فطورها كيف مو بعد ماتخلصون واذا بقى شي تصدقتي وإذا مابقى ماتتصدقين لا لا فكرتي تجيبي صحون بلاستك المربعه او الدائريه صحن واحد بس وقبل صلاة المغرب بنص ساعه ايش تحطي بالصحن هذا من كل شي سويتيه للفطور حبه لين يمتلي الصحن مثلا مسويه سمبوسه وكبه وورق عنب وفطاير ومكرونه باشميل حطي حبتين سمبوسه وحبتين ورق عنب وحبتين كبه وفكاير وقطعه من المكرونه أو أي شي انتي مصلحته وغلفي الصحن بالتغليف وطيران اعطيه زوجك أو أخوك أي أحد يعطيه أي عامل بالشارع ويرجع ولو كان مسلم أفضل عشان يفطر عليه ولو مو مسلم بعد عادي واحتسبي الأجر وأفضل يكون قبل تفطرين مايكون فضله بعد الفطور وسوها بنات كل يوم برمضان والله ماتكلف شي ولاتتعب والنعمه يارب لك الحمد كل يوم يبقى كميه زياده لليوم الثاني وبرضوه بعد لاتكبون شي من النعمه والله فيه ناس ماتلقى تاكل الي يبقى بعد الفطور وماتبغوه أعطوه عمال ياكلوه بس لاترموه واتمنى موضوعي يعجبكم وعطونا أفكاركم وابداعاتكم سواء للدعوه لله برمضان او الصدقه او اي عباده نستفيد منكم وجزاكم الله خير ...