عندي مستحضرات نيتروجينا كيف استخدمها ؟؟؟

مرحبا نبض..
انا اموووووت على هالماركه...مرررره حلوه ..و الحمد لله من استخدمتها لي سنتين يمكن و انا ما اعرف الحبوب ..
انا كنت استخدم الصابونه بس اللحين استخدم غسول ديب كلين +السكراب((كريم مقشر)) +التونك <<انظف فيه رقبتي
..
1. يصير استخدم الغسول اليومي مع غسول حب الشباب و صابونة الوجه كلها بنفس الوقت ؟!؟!؟!
انا انصحك تستخدمين واحد منهم ..و لو فيك حب شباب استخدمي غسول حب الشباب..
بس لا تستخدمينهم مع بعض لان شدة التنظيف تتعب البشره.


. الماسك متى بستخدمه قبل استخدامي للغسول و الا بعده ؟......... و انا قريت مكتوب عليه ينحط على الوجه لمدة (( 5 دقايق )) اللي استخدمه كم من الفترة تحطونه على ويوهكم و و عادي احطه قريب لمنطقة العين ؟؟؟!! و هذي اهم نقطه منطقة العين ينفع احط عليها الماسك ؟!


الي انا اعرفه و اسويه عشان تستفيد البشره من الماسكات لازم تكون نظيفه لان الدهون المتراكمه تمنع البشره من امتصاص اي ماده مفيده توضع عليها..
يعني نظفي بشرتك بالغسول او االصابونه همن حطي الماسك للمده المكتوبه بس لايجي منطقة العين لانها حساسه جدا..و هي لها كريمات و منظفات خاصه فيها

3. صابونة التقشير ,,,, كم مرة باليوم أستخدمها ؟؟ و كم يوم بالأسبوع ؟؟
ما انصحك بالاستخدام اليومي ..لانه يضر البشره..انا اقشر بشرتي بكريم من نيتروجينا كل 3 ايام او 4

اتمنى اني افتدك...لان هالماركه مرررررره احبها

تسلمين الغاليه على ردج و الصراحه و نستيني واااااايد واااايد يزاج الله خير دنيا و آخره حبوبه

بالنسبه لغسول حب الشباب ......

تعرفين انا عندي حب بويهي بس بنسبة قليله جدا و عندي ندوب بالبشره خفيفه بعد ما تبين وايد .... بس ابي احسن مظهر بشرتي و ان شاء الله بيفيدني

و الماسك ما بقربه من العين خلاص اكتفي بالبطاطا :27:

اما بالنسبه لصابونة التقشير ...... يعني بستخدمها يومين بالاسبوع ؟؟؟

احس انه شويه و انا عندي اسمرار بالابط و المنطقه الحساسه بس مب وااايد يعني لاني بيضه و يبين شوي الاسمرار :icon33:

و انا اللي سمعته توحد لون الجسم خلال شهر ...؟!


اذا استخدمها مرتين بالاسبوع هل بييب نتيجه بشهر ؟؟

اسمحولي على كثرة الاساله بس انا عروس و لازم اهتم شوي :icon33:

السلام عليكم

أنا شفت كلمة نيتروجينا على طول دخلت هههههههه , بما اني جربت تقريبا كل شي عندهم برد على اسئلتج مع ان اجوبتي ماتختلف عن الأخت دونا امونيتا

يصير استخدم الغسول اليومي مع غسول حب الشباب و صابونة الوجه كلها بنفس الوقت ؟!؟!؟
يفضل استخدام نوع واحد فقط , اذا بشرتج دهنيه ومافيها حب شباب استخدمي الغسول اليومي مرتين في اليوم أو ثلاث , اذا بشرتج فيها حب شباب استخدمي الغسول المخصص لحب الشباب مرتين في اليوم .. وعلى فكرة أعرف وايد استخدموا الصابونة وماعجبتهم , استعملي نوع واحد من الغسول أفضل واتركي الصابونة

الماسك متى بستخدمه قبل استخدامي للغسول و الا بعده ؟......... و انا قريت مكتوب عليه ينحط على الوجه لمدة (( 5 دقايق )) اللي استخدمه كم من الفترة تحطونه على ويوهكم و و عادي احطه قريب لمنطقة العين ؟؟؟!! و هذي اهم نقطه منطقة العين ينفع احط عليها الماسك ؟!
حبيبتي الماسك هذا مب مهم المده اللي ينحط فيها على الوجه , أهم شي ان لونه يتحول أبيض , هو عبارة عن سائل أبيض شفاف , اذا حطيتيه على وجهج حطي طبقه خفيفة ولا اتكثرين , وبعد 5-10 دقايق الماسك بنفسه بيتحول لونه أبيض وبيصير جاف , بعدها غسلي وجهج بماي فاتر
استخدمي الماسك مرتين في الأسبوع بعد غسل الوجه , ولا تقربين الماسك حول منطقة العين , لأنها حساسة فممكن تصير جافة وتتكون تجاعيد مبكرة

صابونة التقشير ,,,, كم مرة باليوم أستخدمها ؟؟ و كم يوم بالأسبوع ؟؟
الصابونة ماتعمل كمقشر للجسم , عادية , ممكن تستخدمينها كل مره تستحمين

تحياتي :)

أنا رديت قبل لا أشوف تعليقج , خخخخخخخخ
المهم , ترى الصابونة ما توحد لون الجسم , هذا الكلام أول مره أسمعه ! أنا استخدمها تقريبا كل يوم عاديه , الفرق الوحيد ان داخلها صابونة وهذا الشي يخلي فيها رغوة حلوة للتنظيف وتكون سهلة الاستخدام

شوفي اذا عندج اسمرار في هالمنطقتين اللي ذكرتيهم , في مقشر روعة للجسم من ماركة st.ives ممكن تستخدمينه مرتين كل أسبوع , ممتاز ولا يسبب حساسية , انصحج تاخذينه .. سلام

I_Luv_Sweets

مشكورة الغاليه على ردج .................... و اكيد استفدت منه وااااايد

بس بالنسبه لصابونة التقشير فيه بنات استخدموها و قالوا تفتح لون البشره و انا بستخدمها لمدة شهر بواضب عليها و بشوف ان شاء الله و برد عليكم خبر :)

بس اسالج الغاليه ان راحوا الحب من ويهي ابدا باستخدام غسول الاستعمال اليومي..؟؟؟

و الا بستمر على غسول حب الشباب ؟؟؟ لانه انا فيني حبوب قليله جدا بنسبة بسيطه و فيني ندوب خفيفه محمره ....... و مب مأثره على ويهي لاني بيضه و مورد خدودي :27:

يزاج الله الف خير انتي و الاخت دونا على مجهودكم الطيب