عندي 3 مشاكل كانت متعبتني ...
والحمد الله خف هذا التأزم ولقيت الحل بفضل الله ..
::
::
::
الاولى ..
احيانا انزل موضوع بعدين اخاف وابدأ اقول اللي
يقرأ موضوعي او ردي يحسب فيني خير ..
وانا الله اعلم بحالي.. وابدأ انواع القلق ..
واخاف من الرياء اخاف يدخل فيني وانا مدري ...
لان في حديث انه اخفى من دبيب النمل ..
اقسم بالله انواع الوسوسه ،،، لاتضحكون ربي يبتليكم ..
طبعا انحلت مشكلتي قبل فتره ،، استخرت وقلت الدعاء ومن ضمنه ..
*اللهم ان كنت تعلم ان في ردودي ومواضيعي خير في ديني ودنياي وعاقبة امري*
وكملت الدعاء...
والحمد الله بعدها ارتحت ،، ولو بديت اوسوس اذكر اني استخرت واكيد
أي رد او موضوع في شر لي ربي بيصرفه عني ..
وبالطريقه هذي اضمن ان ردودي ومواضيعي وفلسفتي :42:
ان مانفعت ماضرت .
الثانيه
لو صار بيني انا :arb: زعل اقوى شي :crap: ،، وابي اكلمه ،،
او عارفه انه هو بيفتح معي الموضوع ،،،
طبيعي اشيل هم ،، واذا كلمني يكون احيانا ردي اهبل وممكن
اركب نفسي الغلط او....؟؟
بس مؤخرا صرت الجأ للاستخاره في بعض المواقف اللي اشيل همها ...
وياسلام على الراحه والثقه بالنفس حتى ربي يسهل الكلام على لساني ..
واطلع من المشكله بسلام.
اذكر مره غلطة وعرف زوجي ،، وشلة هم يعني موقف مستحيل انساه ،،
لاني انا الغلطانه ،، وزوجي كان مره معصب ..
رحت بسرعه وصليت استخاره ودعيت .. بعدين رحت عنده ..
وماتصدقون كيف الموضوع عدى ... يمكن لو ما ستخرت كبرت المشكله..
اللي صار بكيت واعتذرت وبس وانحلت :32:
لا تحقيق ولا كبر السالفه ولا قال شي ..... وبالعاده امور تافهه يسوي منها محاضره .
اكيد بتقولون وش تستخيرين عليه ؟؟ تسوين مصايب وتستخيرين ؟؟ :biggrin2:
طبعا استخير لاني مادري كيف اتصرف اتكلم والا اسكت ؟؟
ابي ربي يدلني على التصرف السليم ويسهل اموري ..
الثالثه
برضوا فادتني الاستخاره اذا عندي موضوع بكلم
أحد فيه ومتردده ومحتاره ...
على طول استخير وبعدها ربي يسهلها ؛؛
يا اتكلم مع الشخص ويتسهل حتى الكلام على لساني..
او ربي يصرفني عن الموضوع بكبره .
واي شي اتردد والا ماني ضامنة النتيجه استخير قبل اتصرف ..
وبعدها ارتاح ... لاني ادري ان تصرفاتي بعد الاستخاره بتكون صح .
وطبعا الامور المعروف فيها الاستخاره لاتنسونها ،،
السفر او الزواج او وظيفه معينه او عمليه او ...
الا الحرام والمكروه لا يستخار فيهم...
عن جابر بن عبد الله رضي الله عنه قال :
" كان رسول الله صلى الله عليه وسلم يُعلمنا الاستخارة في الأمور كلها كما يُعلمنا السورة من القرآن "
وهذا الرابط بيفيدكم باذن الله من موقع الشيخ ابن باز رحمه الله
وهو كيفية صلاة الاستخاره والدعاء ..
http://www.binbaz.org.sa/mat/15407
فرناز @frnaz
عضوة شرف في عالم حواء
يلزم عليك تسجيل الدخول أولًا لكتابة تعليق.
أم جودي وحمودي
•
جزاك الله خيرا
بارك الله فيك فعلا الاستخارة مهمة جدا وتقريبا طريقتك مثلي وسبحان الله تتيسر الاموار
جزاك الله خير الأستخاره من الأمور المشروعه
... حتى لو كانت من الأمور البسيطة في حياتنا اليومية قال النبي صلى الله عليه وسلم: " ليسأل أحدكم ربه حتى في شسع نعله "
... حتى لو كانت من الأمور البسيطة في حياتنا اليومية قال النبي صلى الله عليه وسلم: " ليسأل أحدكم ربه حتى في شسع نعله "
فرناز
•
لا يمكنك مشاهدة هذا التعليق لانتهاكه شروط الاستخدام.
حياكم الله ...
شرفني حضوركم بارك الله فيكم .
شرفني حضوركم بارك الله فيكم .
الصفحة الأخيرة