عندي مشكلة !

مرحبا بنات ..
بقول لكم انا الحمدلله مملوحة كثير .. و شخصيتي محبوبة و جذابة ..
بس مشكلتي نفسها اللي تدور حولها اغلب المشاكل هنا للبنات ..
انا خطبني ولد عمي بس رفضته .. و امه عينها علي .. امه زي العسل و طيبة .. بس الولد حبوب لكنه متسلط بحكم انه هو اللي اهتم باخوانه لما عمي طلق امه ..


رفضته لانه زعول .. و مو مالي عيني بالعربي :(
اعرف بتقولون شين و قوة عين ..

رفضت اخو صاحبتي و هالولد طييييييييييب و حبوب .. و اهلي يحبونه و يثقون فيه كثير.. بس والله ودي بس ماقدرت اتقبله كزوج .. مع انه يحبني من كنا صغار حب برئ طاهر .. بس اتعامل معه كانه اخوي لانا رابين مع بعض .. حتى مرة جلست معاه بالمطعم لوحدنا ابي اتقبله و اتخيله زوج ماقدرت ..
هو مادياً مو مرة .. و مسئول عن اهله لان ابوه متوفي .. بس مو هذي مشاكل ..
مدري ليه .. بالنسبة لي تشكل مشكلة ..

هل هذا خطأ اني اطمح بالافضل و الاجمل و الاكثر علم وثقافة ؟؟


حالياً فيه شخص بحياتي بشكل برئ يعني لا تقولون علاقة محرمة .. اصلاً ماشفته ولا شافني بس حديث عمل .. مواصفاته حلوة ولا تنعاف من ناحية اهلي لانهم راعين تشرط بخصوص النسب ..!!!

هل هذا غلط .. و هل ينفع اني اتزوج شخص احس بداخلي انه اقل مني ؟
لا تقولون غيري نظرتك . لاني من ثلاث سنين ماقدرت !!
انا معاي شهادة جامعية و هم مامعاهم غير ثانوي .. و فعلاً ماكان يخطبني ناس يستاهلون .. لكن فيه اشخاص حبوني و انا كنت اهرب برفض الخطبة
اتذكر وحدة عجوز قالت انه البنت لما يحط رجل عينه عليها ما تتوفق مع غيره !

انا خايفة .. و ماني قادرة اشيل هالافكار من بالي و متعقدة من الزواج .. وانا عمري 26 داخلة على 27
و الله صرت ادعي الله اني اتزوج مع انه مب من مبادئي اني ابحث عن الزواج لاني قايمة بنفسي بس و الله كثير يستغربون وحدة مثلي ما تزوجت بما اني موظفة و حلوة ( زي مايقولون ) و بنت ناس ! بس مايهمني الامر .. بس انا صرت ابي اتزوج بس عشان ارتاح من قلق امي و اخواني ..


دلوني على حل .
و تكفون ادعولي الله يرزقني هالرجال اللي يملى عيني و يكون لي صدر حنون لاني مابي غير الحنان !!