عندي مشكلة

وعليكم السلام يا اختى .. ربنا يرزقك حفظ القران ويثبته فى قلبك ويجعلك تقرأيه عن ظهر قلب بفضل الله .
بالنسبه لموضوع النسيان سبحان الله القران مختلف عن أى شىء تانى فى حياتنا وأنا شوفت حوليه كتير بينسوا الحاجات العاديه بس القران يختلف ومنهم معلمتنا اللى علمت الدار كلها بتنسى الأمور العاديه لكن اللى يتعلق بالدار والقران أمر مختلف .. فما تقلقيش واستعينى بالله وادعى كتير أوى ان ربنا يثبت القران فى قلبك ..
وبعدين المخ عندنا متقسم ذاكرتين .. ذاكرة قريبه ودى اللى بيسجل فيها أحداثنا اليوميه .. أنا لما أصحى هكلم فلانه .. هروح أشترى كذا .... وهكذا
والذاكرة التانيه ذاكرة عميقة اللى يدخل فيها بفضل الله ما يتنسيش أبدا .. فصفحة القران لما بتحفظيها تيجى تسمعيها تلاقيها تمام وتسمعيها كويس أوى لكن لو جيتى تانى يوم تسمعيها تلاقيكى بتقفى وتغلطى ده لأنها فى الذاكرة القريبة تتنقل للذاكرة العميقة بكتر التكرار ثم التكرار ثم التكرار .
قللى الكم اللى بتحفظيه عشان تقدرى دايما تاخدى معاه حاجة تراجعيها من الماضى يعنى لازم مع الحفظ الجديد يكون فيه مراجعه مستمرة للماضى .. يعنى كل أسبوع لازم تمرى على كل اللى انتى حفظاه .. يعنى الموضوع فى الأول متعب شوية لكن بعد فترة بتتنقل السورة للذاكرة العميقة وبفضل الله ما تتنسيش أبدا .. ربنا يوفقك واوعى أبدا تغفلى عن الدعاء وأنا تحت أمرك فى أى مساعدة
نسيت أقولك ان السمع كمان مهم أوى شغلى السورة اللى عايزة تراجعيها واسمعيها وانتى بتشتغلى فى البيت أو وانتى فى العربيه ودى وسيله كويسه أوى لربط الايات ببعضها .. ربنا يكرمك ويوفقك

الله يريح بالج ويرزقج الفردوس الأعلى كلامك ريح بالي وانا احاول وادعي ربي اني
ما انسى بس اللي غفلت عنه هو اني اذا حفظت ما استمع واحفظ يمكن تفيد معاية
مثلا ان كل اية احفظها اسمعها صح كلامك وجزاج الله الف خير
وربي يسعدج يااااااااااااااارب

والله جزاكى الله كل خير .. دعوتك بكتنى .. ربنا يكرمك وييسر لك حفظ كتابه ويثبته فى قلبك يارب .. ويجعلك من العالمين العاملين به