عندي مشكلة البق!! في حل ؟

بسم الله الرحمن الرحيم


السلام عليكم ورحمة الله وبركاته ..

أخواتي الحبيبات ..


حابة اعرض عليكم مشكلة حلت بي .. وهي البق في غرفة نومي بس ولله الحمد ..

كنت اذاكر فجاة لقيت على حافة المرتبة في الزاويا قمت صرخت جاني زوجي و قلب السرير و انا مو فاهمة اش البق و كيف شكله قام زوجي قالي دا بق مررة انفجعت قمت بحثت في النت و كثير حريم يقولوا تغير الاثاث افضل طرقة للتخلص انا بغيت ابكي و الله لسة تونا كملنا سنة وما تهنينا في غرفة النوم تقولوا نغير الاثاث ..

المهم كلمنا الشركة وجات و بخوا غرفة النوم و ماخلوا مكان الا وبخوا فيه حتى الدواليب حق الملابس بخوا جواتها مع الملابس وكل شيء و ضمان 6 شهوور لسنة لو رجع وهم واثقين انه ما حيرجع .. ولما كشفته اول مرة شفته قليل مرررة يعني تقريبا لما بحثن في كل اطراف السرير لقينا متمركز اكثر شيء في الزوايتين الي فوق راسنا والطرف الي تحت شيء بسيط مررة ممكن حبة حبتين ..و لقيناهم تقريبا 5 او 7 حبات ..

وبعد ما بخوا جبت شغالة تساعدني في التنظيف والترتيب و من قبل زوجي ما خلا شيء الا وسواه كرات النفثالين ووزعها في الغرفة و بخ جميع انواع المبيدات مع بخ الشركة ..

لما جينا النظف وتحت السرير كل العفش شلته .. ولقينا تقريبا خمس كبار كلهم ميتين الا حبة و حبة صغيرة مرررة لونها بني فاتح .. كلمنا الشركة لانه عدا اسبوع وبقيوا ماماتوا قالوا لازم اسبوعين عشان يتم مفعول المبيد ..
ولو لقيت كلمنا .. المهم

انا رشيت زيادة من باب الاحتياط قاز في كل الغرفة من دواليب و سرير و ركزت على الزوايا و نضفنا غرفة النوم من الى و كنسنا حتى تحت السرير و الكنبات حق الصالة و ف كل مكان ..و جعت وزعت كرات النفتالين تاني مررة و فرغت دوليب لملابس ..والحمدلله

سؤالي .. بعد قصة حياتي ..


هل ارجع الملابس مثل ماهي ؟؟ لانها كثييييييييييييرة و لا لازم اكويها و اغسلها ؟؟ والله مشوووار ..

تاتي شيء ..
هل ممكن يرجع تاني ؟؟ بعد الشغل هذا كله ؟؟ وهل هذي الكمية الي الناس يخافون منها والي يحكون عليها و لا اكثر من كدة ؟؟

مع انه حتى مرتبة السرير اخذت كلور وفانيش وديتول وبالفرشاة دعكت عليها كلها وحتى الي مافيها بقع مسحتها .. والبقع راحت والمرتبة عن جد فل و بيضا .. بس اختكم في الله موسوسة مرررررررة .. والتفكير هامني كثييير ..

اش رايكم .. بالله الي مرت بنفس تجربتي تقول واش سوت بس اهم شي مارمت عفشها .. ابغى وحدة لقت حل من غير ما تتخلص من الاثاث نفسه .. واقول كيف واش لون الله يسعدكم و يخليكم .