عندي مشكلة الله يخليك ويسعدكم تساعدوني

حبيبتي جوري جده أنا بكلمك عن عمري أنا بنت بعدني ما عرست وجت فترة مرت علي كانت عندي الدوره تقطع ومرات ما تجي ولخبطه الله لا يراويكي المهم سرت عند الدكتوره ويوم سوتلي فحص حصلت إنه هرمون الحليب عندي واااااااااايد مرتفع الصراحه ما ذكر كم بس كان شي في الميات وهو مفروض يمكن الحد الأقصى 35 ما عرف الصراحه كم بالضبط وبعد حصلت تكيس على المبايض لكن صغار وقالت إنهم ما يأثرون أبداً وفعلاً عطتني دوا حج هرمون الحليب عشان ينزل ودوا ثاني عشان ينظم الدوره وفعلا الحمد لله الحين ما اشتكي من شي بالنسبة لاسم الدوا حج تنظيم الدوره إسمه primolut N والدوا الثاني مال هرمون الحليب ما ذكر الصراحه شسمه لأنه خلص من عندي بس هو وايد غالي كانت الغرشه بــ 120 وتستعملينها لمدة 14 يوم وجلست ثلاث شهور وأنا استعمله وقالت لي الدكتوره إنه هذا الدوا جديد في الصيدليات بس أحسن شي نزل وعلى فكره بعد ممكن يكون في الغرشه بعد 4 حبات وسعرها بــ 60 يعني حسب وأعتقد إسمه يمكن يمكن prolacteen بس والله موب متأكده ومثل ما قلت الحين الحمد لله ما أشتكي من شي وعلى فكره قالت لي الدكتوره إنه ارتفاع نسبة هرمون الحليب بعد يأثر بشعر الراس يخليه يتساقط أكثر ويأثر على ملمس الجلد وبعد يسبب برود في العلاقة الحميمية عاد هذا الشي مقدر أفيدك فيه لأني بعدني ما عرست (إدعيلي فديتج بالزوج الصالح عن قريب العاجل ) :) بس بالنسبة لتساقط الشعر والبشره فعلا لاحظت هذا الشي أول كنت أشوف المنطقه الأماميه عندي من الراس فيه منطقه الشعر فيها مش موجود ويوم استمريت على الدوا الحمد لله بدا يطلع شعر خفيف والله العظيم إنه هذا اللي صار معاي وبالنسبة للبشره ما حسيت باختلاف واايد يعني أوكي وعلى فكره قالت الدكتوره إنها عالجت هرمون الحليب بس هذا الهرمون عند بعض الحريم حساس يعني يتأثر بنفسية الوحده يعني ممكن يرد يرتفع مره ثانيه بس مامنه خوف تردين وتستعملين الدوا بيرجع لمستواه الطبيعي ان شاء الله وأنا سويت بحث بالنسبة لهالموضوع وسمعت إنه عشبت الميرميه واااااااااايد أوكي تنزل من نسبة هرمون الحليب
وقالتلي بعد إنه يأثر بالحمل يعني لازم الوحده يكون عندها الهرمون طبيعي عشان يستويلها حمل
هذا كل اللي أعرفه واتمنى أكون أفدتج حبيبتي وأي استفسار أنا حاضره بس السموحه منج لو تأخرت في الرد لأني الصراحه ما دش المنتدى إلا أوقات الدوام

جوري جده
اعتقد لازم تشوفين طبيبه نسائيه وتعملين فحوصات وتحاليل
ماتشوفين شر

حبيبتي دلع وولع...جزاك الله كل خير...والله يسعدك ويرزقك الزوج الصالح اللي يموت فيك....
كفيتي ووفيتي...والحمد لله طمنتيني...مو بس أنا وحدي اللي صار معي كذا....
فديتج يا بعد قلبي ...

حبيبتي حريره..جزاك الله كل خير ومشكورة على الرد...وبالفعل لا زم أشوف دكتورة وهذا اللي راح أسويه ان شاء الله...