عندي مشكلة حرجه ...دعوة وانا صايمه لكل من تفيدني

السلام عليكم
اسعد الله صباحكم

كل اخت هنا تقدر تساعدني او تنصحني باللي تعرفه ياليت ماتبخل علي بالعاجل
وانا بحكي لكم المشكله بالتفصيل لاني والله مالي غيركم بعد الله :(

انا بنت وتوه تحدد زواجي وعندي مشكله موب هينه =(


الدورة الشهريه اتعبتني صارت همي الدايم
ومالها وقت معين تجيني فيه

احيانا لمن اكمل 27 يوم من تجي واحيانا 25 واحيانا 20 واحيانا 18 ووالخ من جد مااعرف لها يوم

واحيانا تجي قبلها اعراض متعبه من الم الظهر وووالخ
واحيانا تجي كذا بدون اعراض

المهم انها تنزل شهريا ولله الحمد

لكن اللي فاجعني الحين ان لي فوق 15 يوم تقريبا ينزل مني (وانتم بكرامه ) دم شفاف
بالايام الاولى قلت يمكن التهاب كالعاده (يجيني احيانا بعد الدورة باسبوع )
بعدها والى يومكم هذا ينزل مني دم مب شفاف مثل الخيوط ولونها احمر لاهو شفاف ولاهو دكان
تقريبا كل شوي ينزل مني كذا
لدرجه انه شكيت هل هي الدورة مقدمه او لا ؟؟؟

تعبت انا من ناحيه الصلوات والله يعفو عني :(
وتعبت من نفسي وربي العظيم :( :(

الحين شلون اتخلص من الهم اللي اتعبني .. وانا خايفه جدا وخاصه اني على وجه زواج
ولااقدر اروح لدكتور نساء
ارجووك افيدوني يااخواتي وساعدوني واعذروني فوالله مالي غيركم احكي له وافضفض له بعد الله
انتظركم :(