عندي مشكلة في التعبير عن مشاعري..ساعدوني أكرمكم الله

السلام عليكم ورحمه الله وبركاته..كيف حال البنات الحلوات..ما شاء الله على منتداكم وايد حلو ومفيد.. عندي مشكله صغيره لكن توابعها كبيره.. اني ما أعرف اعبر عن مشاعري و أطلعها..يعني الكلمه الحلوة تطلع مني بالعافية :D ما أعرف ليش ..حتى ان زوجي رومانسي ويقول كلام حلو اكثر عني؟..زوجي ماكو احسن عنه ويحاول يراضيني دايما..يعني يساعد الوحدة تقوله كلام حلو.. بس أنا نادر ما أقول له أو ادلعه..وهو نبهني على هالنقطه كذا مرة ..وما انتبه لنفسي الا آخر الليل بعد ما ينام وأحس بالذنب وأقول باجر ان شاء الله بس بعد ماكو فايدة .. يمكن البيت و العيال يخربون نفسييتي و أنا وايد مزاجيه ..بس هذا ما عذر مثل ما يقولون.. بس بصراحه اذا بغيت اقول كلمه عاطفية لأي شخص بس مب زوجي أحسها ثقيله وكأني أنافق حتى لو كانت صحيحه ..يعني مثلا مرة قال لي والدي انه اشتاق لي ..مع انه اول مرة يقولها بس ما رديت عليه وعادها مرة ثانيه بقوة (يعني يبغي رد) فقلت أكيد احنا بعد ..
ان شاء الله فهمتوني ما اكون طولت.. يا ليت تساعدوني بآراكم وتكونون مشكورين