عندي مشكلة مع زوجي ابيكم تساعدوني في حلها

الموضوع وما فيه ان زوجي عنده شغل وينحجزون فيه مدة ثلاث اسابيع .
ومر على حجزه عشرة ايام ، وانا قاعدة في البيت اوصل من الدوام الين البيت وما رحت لاهلي خلال هذي الايام غير مرة وحدة وقعدت عندهم يمكن ساعتين ، لاني حامل واهلي مرضى عندهم زكام حاد وانا توني في بداية حملي ما رحت وتقريبا خلص منهم المرض ما بقي خير اخوي الصغير شوية تعبان ، امس وصلت اختي الين البيت بعد الدوام ودخلت اسلم على ابوي لاني ما شفته من فترة ، وعزم علي اتغدى عندهم ، وقعدت عندهم واتصلت لبيت اهل زوجي وقلتلهم بقعد عند بيت اهلي الين العصر فلا تنتظروني ، اما زوجي ما اتصلت فيه لاني اعرف انه مشغول في الدوام وكل ما اتصل فيه يتكلم دقيقة "عندكم شيء مهم مشغول " .
بعدها بساعة اتصل زوجي فيني وسألني انت وين قلتله في بيت اهلي ، قالي ليش ما قلتيلي ، قلتله لانك انت مشغول ، قالي المفروض تتصلين بيت اهلي تقوليلهم على الاقل حتى نعرف انت وين بالضبط ، قلتله اتصلت في امك فارتبك قعد يسألني متى قلتيلها قلتله اتصلت فيها اول ما وصلت بيت اهلي وما ردت علي ورجعت اتصلت فيها بعدها بعشر دقائق وقلتلها ارتبك ، قالي خلاص ok، المهم اللي استغربت منه اني يوم وصلت البيت العصر اتفاجا ان زوجي متصل عند امه يتأكد إذا انا اتصلت في امه ويسألها عني وين انا قالتله في بيت اهلها ، وعصب عليها ليش رايحة بيت اهلي المفروض ما اروح .

استغربت من الموقف اللي قالته لي امه كيف انه يشك في كلامي وراح يتأكد عند امه .
اتصلت العصر فيه وقالي انه مشغول كالعادة .وبيرجع يتصل بعدين وما رجع يتصل

واتصلت فيه من الساعة تسع باليل الين الساعة 12 الظهر اكثر من ثلاثين مكالمة وما رد علي ، وانا ما توقعت انه زعلان او ماخذ موقف مني وكل اللي في بالي انه مريض او شيء استواله ورد الساعة 12 ونصف الظهر وقالي توه طالع من الحمام وبيروح يصلي الظهر وبيرجع يتصل بعدين والين اليوم الظهروهو مب متصل .

وهو عادة يقولي روحي لأهلج مثل ما تبين وانا من زواجي وياه من شهرين ما رحت لأهلي غير مرتين ، واول ما اروح ياخذ هذا الموقف مني ،
قاهرني اني قاعدة اتصل فيه وما يرد علي، من يومين تعبانة من الم في البطن وعندي التهاب وابي اروح الدكتورة ، كنت اليوم ابي اروح مع اخوي بس ما رد علي ، وحاسة الالم يزيد ومب عارفة شو اسوي . واخوي باجر مب موجود وما عندي حد يوديني .
شفتوا شو حالتي والله الحين اكتبلكم ودموعي على خدي وانا حاسة بالقهر، كيف اتصل عليه وهو مب راضي يرد علي . اقول هو معقولة ما يحاتي إذا كان يني شيء وإذا محتاجة شيء .
ما اعرف شو اسوي الحين .