عندي مشكلة وابغى حل حكيم

الأسرة والمجتمع

:( انا متزوجة لي ثمان سنوات وزوجي جداً عصبي وزعول(بسرعة يزعل)
ماجانا اطفال والسبب من زوجي لكن كانت الحياة ماشية والحمدللة وكان زوجي على قد حالة مادياً
وانا موظفة واصغر منة وكنت مبسوطة وراضية معة نزعل ونرضى ويحاول يراضيني بكل مايستطيع دارت الايام(اللة يكفينى شرها) واغتنى زوجي ونبت ريشة:hahaha: وسكنا حي جديد وبدأت المشكلة
هذا الحي فية شلة كلهم متزوجين على حريمهم ولا هي هذا المشكلة ولكن المشكلة فية واحد يشيش
الرجال على العرس على حريمهم مهما اختلفت الاسباب ويستعين بالايات والاحاديث ونى ان لكل بيت
ظروفة وهو يعرف ان سبب عدم الانجاب من زوجي ومع ذلك ماانهد الله يهدة:30: المهم زوجي بدأ
يتغير أولاً صار يومياً يجلس معهم حتى ويسافر للبرمعهم حتى انة ياكل الوجبات بعض الاحيان معهم:42: المهم... صرت اذا تهاوشت معة مايراضيني بسرعة مثل اول يطلع وطز فيني :22: واذا
تهاوشت معة قال ماتبغيني انقلعي بيت اهلك وترى انتي الخسرانة:( مع اني اضحي بعمري معة وبصحتي واعرض نفسي لاطفال الانابيب ومضاعفاتها ولا بين في عيونة استنفذت جميع كيد النساء من
التزين والتزعل ولا نفع انصحوني هل اطلب الطلاق وانا احبة قبل لايضيع عمري ثم يتزوج على.:eek:
3
678

يلزم عليك تسجيل الدخول أولًا لكتابة تعليق.

تسجيل دخول

BINTalnoor
BINTalnoor
السلام عليكم
يا حبيبتي الحياه الزوجيه يبالها حكمه وطولة بال وصبر ونيه صافيه اذا انتي حاسه نفسك خساره فيه وتبي عيال خلاص هذا شيء راجعلك اذا حاسه انك تحبيه وميته عليه خلاص لا تبيني افضالك عليه ليش انك تقدري تحملي وهو ما يقدر على الانجاب هذي حكمة الله مو من البشر بعدين الانسان يسوي خير ويحتسب الاجر عند الله حكمي عقلك قبل قلبك وشوفي مصلحتك وين
راح عن بالي
راح عن بالي
السلام عليكم
شوفي ياأختي إنتي هالحين عيشي حياتك مع زوجك طبيعي
ولا تخلي شبح الزوجه الثانيه ينغص عليك عيشتك
وتأكدي لو إن الله كاتب هالشيء بيصيرلا محاله
وساعتها راح يكون القرار بيدك سواء حبيتي تكملي مع زوجك أولا
وحاليا استفيدي من الأشياء الحلوه اللي يكتبونها الأخوات مثل الليالي
الرومنسيه وأسرار العاشقات وغيرها وترى بتملكين قلب زوجك
ومادام إنك تحبينه تناسي سالفة إنه ماينجب واحتسبي الأجر من الله
وفيه موضوع لي بعنوان الورقه الرابحه لو قدرتي تخلين زوجك يقراه
إن شاء الله بيستفيد منه