عندي مشكلة وابي الحل منكم؟

بسم الله الرحمن الرحيم
أتمنى أكتب مشكلتي وأجد الحل اللي يسهل علية
أنا زوجة عمري 24 سنة وزوجي عمره 30 سنة عندي بنت وولد ثمرة خمس سنين زواج ….. من بداية زواجنا وحياتنا مليئة بالحب والحنان خمس سنين مرت كلها أيام عسل وأحس أني أسعد أنسانة بها الدنيا وجدت في زوجي الطيبة والحنان اللي عوضتني غربة الأهل بعد الزواج ملء حياتي كلها سعادة كل أمنياتي في الحياة تحققت حتى أصغرها!! غمرني بصدرة الدافي لدرجة نسيت أمي أبوي….. كل الكلام الحلو وكل الطلعات الحلوة والأيام الحلة قضيناها سوا !!!!
تعجز كتاباتي أني أوصف سعادتي معاه كل يوم أسعد من اللي قبل !! حملت وولدت لقيتة الصدر الحنون جنبي لا أهل ولا أخوان
كنت أيام أجلس أبكي وأبكي أتخيل الدنيا بدونه وين بروح؟؟ وش بسوي؟؟ كيف بعيش؟؟ حسيت أننا روحين في جسد واحد وكنت أقول في نفسي ودي أني أكرهه علشان إزا فقدته في يوم من الأيام لا أتجنن ويطير عقلي يعلم الله أحبه حب مافيه أحد بها الدنيا يبادله أياه
أنا ماأمدح نفسي بس الحمد لله جميله ومرتبه ونظيفة كل حقوقه الزوجية أقوم فيها يجي من الدوام أنا والبيت والبنات في قمة النظافة والترتيب والأهتمام وأحلى الأكل على السفرة وازا جاء ينام يلاقي غرفته مرتبة ونظيفة ومبخرة كل يوم على هالحال ما أحس أني مقصرة معاه في شي أبد…. والله ثم والله حتى وأنا في أشد تعبي ومرضي أقوم بواجباتي علشان ما يشوف مني شي موب زين!!!
إللين جاء اليوم اللي أكتشفت فيه زوجي يخونني و يكلم وحده وأنه كان بيحاول يقابلها ويشوفها؟؟؟؟؟؟؟؟؟؟؟؟؟
أنصدمت صعقت تجننت… كل الناس تخون ألا زوجي !!! واللحين هو اللي يخون
(كنت أقول لو أشوفه مع وحده قدام عيني والله ما اصدق عيوني)
أحسه زبحني وطعني أتمنيت أموت ولا أمر بها الموقف اللي خلاني أتغير 180 درجة, كل أحاسيسي ماتت كرهته ما عاد أقدر أنطق أي كلمة حلوة!!!!!!!! هو وعدني ماعاد يكررها وإنها زلة شيطان! بس ماعاد أقدر أصدق حتى نفسي….
أموت ألف مرة وأنا أفكر كيف كان يكلمها؟ وأيش كان يقول لها؟ وأرجع أكرهه زيادة وهو يترجاني أنسى كل شي لاكن مأقدر0000000
أبي رأيكم وأبيكم تقولون لي وش أسوي ؟؟؟؟؟؟؟؟؟؟؟