عندي مشكلة وش الحل ؟؟ وأنا حامل ..!

يسعدكم ربي ياحوائيات ،،
أول شيء أنا انسانة موسوسة مرة وإلى الحين مدري كيف الجنين المستشفيات هنا على هواهم ،
( ادعوا لي بس يولدني بالسلامة ويطلع الجنين سليم ومعافى )..

المشكلة ياعسولات..
أنا قلت لأمي من أول ماحملت ، ويوم صرت بالرابع قالت لأخواتي ،،
قاموا أخواتي هاوشوا أمي ليش أحمل بدري ..؟؟
لأني بغربة وحملت بعد زواجي بشهرين ،،
لحسوا مخ أمي ،
يقولون لسا هي بغربة وتوها متزوجة وكيف بتولد وكيف بتدرس ...؟؟
وأكيد زوجها مجبرها تحمل _ طبعاً يقصدوني أنا _
ويقولون كيف تحمل وهي ماتعرف زوجها ..؟؟
يعني حكي كثير يوجع الراس ...

وربي حملت بفضل ربي ياربي لك الحمد أشكر ربي كل ماقعدت وكل ماقمت
هذا أختي جلست سنة ماحملت انجنوا خواتي أكيد بها شيء وأكيد زوجها فيه بلاء ،لاحووووووووووووووول

الحين تقريبا بعد شهر بإذن ربي بننزل عالسعودية ونجلس 3 أو 4 شهور وربي يعيني على أخواتي الكبار إذا نزلت عند أهلي وش بيسوون فيني ..؟؟
أنا انسانة أشيل هم ماأحب الحكي الكثير والفلسفة الزايدة والقرق على راسي..

أعطوني رأيكم تكفووون بجد قلقانة ،


ربي يوفقكم ويخليكم ..