عندي مشكله...وشلون أقنع زوج المستقبل بالتصوير؟؟؟؟؟

أحلى تحيه وأعطر سلام لحبيباتي وصاحباتي الجديدات...
ياحبايب والله بجد عندي مشكله كبيره وما ادري وش أسوي؟؟أنا ما عندي أخوات ينصحوني واللي عندي خمس أخوان الله يحفظهم لنا..وأنا اعتبركم أخواتي عشان كذا تهمني نصايحكم لي وأمانه دلوني للشيء الأفضل لي ولكم وجزاكم الله عني خير الجزاء..
مشكلتي أني زي أي عروس يهمها طلعتها في ليلة عمرها...لكن أنا بعد ما ملكت الشهر الماضي وتقربت من شريك حياتي أكثر عرفت أنه لا يحبذ التصوير بشتى أنواعه فيديو أو فوتوغراف؟؟؟؟!!!!
أنا أبي صور زواجي ذكرى لي طول عمري أبي أتذكر أحلى يوم بحياتي لكن هو دائمآ يقنعني أو يحاول إقناعي بأن الذكرى مو لازم تكون بالصور!!!!
بصراحــــــــــــــــــــــــــــــــة أنا تعبت من كثر ما أناقشه بهالموضوع لأنه غالبآ ماينتهي بخصام وبصراااااااااااااحه أكثر أبي أرتاح من ذا الموضوع بأقرب فرصه لأني أبي أتفرغ لأمتحاناتي بعد أسبوع..وأبي بالي يكون مرتاح ,,,بس هو الله يسامحه..
حقيقة هو مره طيب ووعدني بأنه يعوضني باللي أبيه إلا التصوير لأأأأأأأأأ...
أمانه ساعدوني بأفضل طريقه لإقناعه وبأقرب فرصه بعد عشان أبي أرتاح قبل إمتحاناتي لأن لو صار بالنتيجه شيء أهلي ياكلوووووووووووووووني بالشماته ويقولي عشان بتعرس أنهبلت...أمانه لا تخلوني والله مالي بعد الله غيركم ياخواتي..
اللي جربت مثل هذي السالفه ترسل لي وتشرح مشكلتها وشلون حلتها بعد وماعليكم أمر....
والله يوفقكم ويسعدكم يارب