عندي مشكله ابي احلها قبل ما اولد..... الواحد ما يضمن عمره

السلام عليكم جماعه

بدخل بالموضوع على طول لاني تعبانه ولا اقدر اجلس على النت كثير

بنات عندي مشكله وابي احلها قبل ما اولد بصراحه الواحد ما يضمن نفسه بالولاده يعيش ولا لا ...((بسم الله علي ههه))

بنات انا متزوجه من شخص كنت مخطوبه له من فتره .. المهم لما جا موعد الخطوبه قال لاهلي انه ما يبي صوووور ابددددددد وشدد بالموضوع لانه مطوع ... واختكم بالله اللي هي انا تموووووووووت في شي اسمه صووووور ولا تستغنى عنها وطلبت من اهلها الا تصور بس رفضوا وقالوا دامه ما يبي خلاص مو لازم وجلسوا يقنعون فيني ويبدون اشياء على اشياء يعني مثل يقولوا لي احمدي ربك انه بيطلع ويسفرك الى اوروبا وهو مطوع ما يبي يروح بس كل هذا علشانك ووووو ...... المهم قالي اخوي لما شافني معزمه اصور وشاف اني من النوع اللي يحب الصور قالي صوري وخبي الصور بيتنا ... انا لما تزينت في المشغل وشفت نفسي ماشاء الله قمر 14 هههههه قلت بصراحه لازم اصور وخاصه ان فستاني كان مررررره حلو فحبيت اصور وتبون الجد كنت بذيك الفتره صغيرونه وكل اللي في بالي ابي اسويه يعني ما حطيت حساب لبعدين ..... المهم صورت وخبيت الصور الى الان علما بان الصور كلها 2 بسسسس .... الحين لي من تزوجت 10 شهور تقريبا وكل يوم ضميري يانبني ابي اقول لزوجي بس مو قادره والله لانه بيقول لي انك خنتيني ولا سمعتي كلامي ... والحين قربت موعد ولادتي وخايفه يصير لي شي ويصير مو راضي علي زوجي واهم شي رضا الزوج لحديث الرسول صلى الله عليه وسلم ..... وبعدين خايفه يزعل وانا ما ابيه يزعل لان هو ما يحب يزعلني وحذر في زعلي فكيف انا ازعله وهذا يعتبر شي كبير بالنسبه له لاني اهلي طلبوا منه التصوير وهو شدد بالموضوع وانا ما طاوعتهم وطاوعت اختي واخوي وهواي ........برايكم خواتي وشو اقوله علشان يرضى ويخلي صور الخطوبه عندي ... لان انا عندي صور ثانيه وانا بنت وعادي شافهم ومستانس عليهم وهو على امل اني بحرقهم بس ينتظرني من نفسي مو جابرني بس صور الخطوبه ما يدري عنهم ....

ساعدوني قبل ما اولد كيف اقوله ؟.....؟ لا تقولون لي احرقيهم ازين لك لالالالا ....... والله حلوين وحرام ابي شي ذكرى يذكرني بزواجي ما عندي شي ذكرى الا كاميرا الفيديو .. وكاميرا الفيدو مو كل الناس تقدرين تورينهم اياه ..

والله يا بنات هذي السالفه مشغله بالي مو عارفه كيف اصلحها ... هذا الشي الوحيد اللي احس اني خاينه زوجي فيه

اريد حلا الله يوفقكم ويرزق البنات ازواج ويرزق الحريم بنات و اولاد ياررررررب ...