عندي مشكله بسيطه ببيت العمر تأيدوني فيها ولا لا

السلام عليكم ورحمة الله
بنات زوجي بأذن الله بيبني قريبا بيت العمر وجاب المخطط حق الفيلا ...بيكون تصميمها مجالس الاستقبال ومقلطين وغرفة طعام تحت وفوق بيكون غرف النوم وجلستنا لان فيها مطل واحترت بالمطابخ اخلي المطبخ الاساسي فوق ولا تحت والمطبخ المختصر وين ..
علما ان رغبتي اني احط المطبخ الرئيسي تحت لان ضيوفي كثير والمخزن وغرفة الطعام اللي بيكون فيها طاولة الطعام تحت .....
وبأخلي المطبخ المختصر مدري ايش تسمونه اللي يجي مفتوح مثل المطابخ الاميركيه في الصاله فوق عند غرف النوم باخليه للأشياء البسيطه للكوفي والشاي والاشياء السهله ....
وزوجي يقول خلي المطبخ الرئيسي فوق احسن ((كسول الرجال ))يقول مو معقوله كل وجبه بانزل اكل تحت واطلع ......هذا همه بس وانا عارفه لو طعته بأنحرم من المخزن وطاولة الطعام لو طلعتها مالها مكان وغير ان ريحة الطبخ بتنتشر بالغرف فوق....
هو خيرني وقال استشيري واستخيري ...استخرت والخيره فيما يختار الله ومرتاحه لرأيي انه بكون المطبخ وملحقاته تحت من مخزن وغرغة الطعام ...باقي مشورتكم😘