عندي مشكله .. بس لا تظحكون علي

السلام عليكم ورحمة الله وبركاته ..

صباح الورد ..

اتمنى تكونون بخير كللللللللكم .. والله لكم وحشه يا بنات ..

طبعاً كل وحده فينا عندها مشاكلها <=== على بالها جايبه شي جديد

وكل وحده فينا لها طرقها في التخلص من ضغوط مشاكلها اللي في السطر اللي فوق ..

<======== اقول اخلصي

يعني قصدي فشة الخلء .. مهمه

انا اكتشفت اني فقدت فشة الخلء من يوم تزوجت .. على شان كذا امر بحالات صعبه :30:
ضغوط الحياه .. تتراكم لين تصير زي الجبل .. وفجأتن من الفجآت انفجر .. طبعاً مافي وجه المدفع الا ولدي المسكين .. هو اللي راح فيها ..

قبل لا اتزوج كنت آخر الليل .. سواء متظايقه أو لا .. اطلع السطح .. أو اوقف في الشباك أتأمل السماء والقمر والنجوم <====== فديتني رمنسيه منذو نعومة حوافري

فعلاً احس براحه عجيبه .. انسى كل همومي .. الجو يدفعك للدعاء تدعين بإخلاص من كل قلبك ..
اشوف الدنيا واااااااااااسعه توسع همومي اللي في صدري .. احس ان مافيه شي يسوى الهم والضيقه .. وارجع اصلي وانام .. وانا راااااااااايقه وقلبي صافي ..


ومن بعد أن دخلت القفص الذهبي .. ماعاد قدرت امارس هوايتي المعتاده .. أبداً أبداً
لسبب بسيط .. انها تجلب الشكوك ..
تخيلي يصحى زوجك بالليل يلاقيك في الشباك واقفه .. :32: ولا طالعه السطح .. ولا في البلكونه .. أنا أصلاً ما تجرءت اسويها لأني عارفه اللي عندي .. من غير شي وهو متأهب ترى متعوب عليها متأهب ذي وودي اعيدها .. متأهب متأهب متأهب ..
متأهب لأي حركه يحس فيها ريحة طيش ..
مادري شكله يحس ان عندي أعراض مراهقه لا سمح الله ..

المهم .. انا احياناً احس ان ودّي أتقاعد خلاص ..
تكفي ست سنوات خدمه .. في مجال الزواج ..
ابغى اتقاعد .. وارتاااااااااااااااح .. بلا زواج بلا هم ..

كني خرجت عن الموضوع .. بس ماعليش عجبني خطي وانا من زمان ماكتبت .. تحملوني

المهم .. اللي ابغاه منكم الحين .. تعطوني حلول ..
ابغى طريقه تعوضني عن هواية التأمل اللي اموت فيها .. واللي انا محرومه منها ..
يمكن انتم تشوفون مشكلتي تافهه .. وماله داعي احط لها موضوع طويل عريض .. بس يعلم الله قد ايش انا حاسه اني محرومه من الراحه اللي كنت احسها ولحظات الهدوء اللي كانت تاخذني لعالم آخر .. انسى فيه كل شي ..

:06:


بانتظاركم ..



:24: :24: :24: