عندي مشكله ماديه مدري كيف احلها ( أريد شراء البيت )

أهلين حبيبتي ندو. فعلا كل شي تقدرين تفوتينه الا البيت بس انشاالله أقدر أساعدك.
.روحي لشركه الراجحي او شركه الفهد يشترون البيت لحسابهم ثم يبيعونه عليكم وتدفعون لهم 900000والمتبقي تدفعونه على أقساط شهريه بحساب 7% مضروب في المتبقي وهو 600000مضروب في عدد السنوات التي تحددونها أنتم(هاذي الفوائد) .ثم يضاف الى 600000( الباقيه من المليون و500بعد ماتدفعون الدفعه الأولى) والمجموع يدفع أقساط شهريه.
كلما زادت عدد السنوات قل القسط وزادت القيمه عليكم ...:27:
والقروض على ماأعتقد أنها بسوالف العقار ماتعطيك الا حق 20 راتب يعني يمكن يطلع لكم القرض220000 .وأنتو أعرف بحساباتكم .>>>>>>>>>>>>> متحمسه مع البيت الجديد.
أتمنى اني أفدتك حبيبتي:26: :26:

طيب اقترضتوا وشريتوه ، وقعدتوا تسددون في هالأقساط ونقص راتبكم الي هو يالله مكفيكم ،،،

كم سنة بتقعدون لين تكملون تأثيثه ومن وين بتدبرون فلوس أثاث ؟

فكري شوي في العواقب ولابد من بعد النظر :)

السلام عليكم
اختي اياكي والرباااااااااااااااااااااا اياكي والرباااااااااااااااااااااااااااااااا فما فائدة بيت رائع في الدنيا وبيت سااااااااااااخن من ناااااااااااااار في الاخرة
اختي اعلم انكي لا ترضين به اي الربا او ما يسمي فوائد ما لفائدة منزل راقي ويصرف الله عنكي البركة والصحة والعافية:26: اختي حبيبتي حاولي ان تستديني المبلغ من اهلكي او اهله او اصداقائكم وحاذري من الربا
بارك الله لكي في بيتكي مقدما
وليكن دعائكي دئما
اللهم اغننا بحلالك عن حرامك واعنا بفضلك عمن سواك فهو من الادعية التي يقضي بها الدين ان شاء الله:26:

اااهلا يا ندو ..

ما شاء الله تبارك الله المبلغ الي متوفر عندكم حلو ..

يعني 900000 ريال تجيب لك نفس هذا البيت الي عاجبك ..

شوفي عيوني انا ابقولك عن تجربتنا في البيوت

انا اول ما تزوجت سكنت في فله دبلوكس ايجارها نااااار

على اساس انها مؤقته لين زوجي ما يأخذ لنا بيت ..

وقعد نا نفتر على البيوت الي معروضه للبيع تلاقين مساحاتها ماتستاهل

واسعارها هبااااال يا كافي ..

المهم ابو زوجي شاف لنا بيت واعجبه وصاحب البيت يعرفه

انا اول مره دخلته مثلك مت عليه مره عجبني ..

المره الثانيه لقيت فيه كم شغله يبغى لها تعديل ..

المره الثالثه قلت لزوجي بصراحه مبالغ في السعر مره ..

وبعد كم مره اكتشفنا انه ما كلف على نفسه باي شي في البناء

يعني فخامة البيت كان اساسها الذوق فقط لا غير ولا هو ما جاب شي غالي او مستنكر يستاهل

السعر الخياااالي الي هو طالبه ..

المهم البيت الناس عليه بالهبل وصار بيع البيت حسب السوم يعني الي يدفع اكثر ياخذ البيت ..

اتفق زوجي مع ابوه انه يبني ارض احسن وياخذ نفس المخطط من صاحب البيت وعلى الاقل

يكون ضامن اساساته وضامن ان كل شي فيه على اعلى مستوى مو مثل البيوت الجاهزه

الي كلها غش يعني من برا الديكورات والتعتيق ومن جوا الله العالم وش هو حاط لانه بيبيعه

واي عيب او خراب يبين بعد كم سنه يطيح بكبد الضعيف الي دفع الي قدامه وراء ه على ها البيت ..

الحين بيتنا خلص الحمد الله والمنطقه الي احنا فيها اغلى من منطقته بسع مرات تقريبا

والي حطينه في بيتنا اغلى من الي هو حاط بالف مره وكل الي جبناه وركبناه افخم وافضل الموجود في السوق

اقسم لك بالله ان بيتنا الي بنيناه على افضل مستوى من الاساسات والتشطيب جاء علينا ارخص من هذاك البيت

يمكن بفرق 300000 ريال تصوري !!!!!!!!!

رغم انه مثل ما قلت لك منطقتنا اغلى بسبع مرات والتشطيب الي اختارته افضل بألف مره ..

فنصيحة وحده مجربه اذا عاجبك البيت وانتو معكم مبلغ يستاهل جيبي مهندس انشائي وخليه يأخذ نفس التصميم

وانتي صوري المكان بالكاميرا وتوكلوا على الله وطبقوا البيت نفسه واحلى ..

بس انتبهي تضغطين على نفسك وعلى زوجك وعيالك لسنين حراااااام ..

بكره بيجيك مصاريف لها اول مالها تالي وعيالك كل ما كبروا كل ما كبرت وزادت طلباتهم ..

انتي فكري تبنون على حسب امكانياتكم وصدقيني اذا اخذتوا ارض في منطقه معقول سعرها

وتكون مو كبيره مره صدقيني بيكفي المبلغ الي معاكم ان شاء الله ..

وبعدين حطي في بالك انكم توكم صغار وهذا مو بيت العمر ..

ابني ها الفتره شي حلو وناعم وان شاء الله اذا كبرتوا اشتروا بيت العايله الكبير ..

الي يكفي لعيالك واحفادك ان شاء الله ..

انا هذا رأيي ..

وسلامتك ..


..

دائما عند شراء بيت جاهز , يدفع اكثر من القيمة الحقيقية

لذلك بإمكانكم بناء بيت مماثل بالمبلغ الذي بحوزتكم ...