عندي مشكله مع زوجي وابغا افضفض لكم

يسعدني اول وحده ترد عليك

اختي وسعي صدرك ترى الدنيا ما تسوى شي..

ما تدري ايش راح يصير ..يمكن ما تجي ...وان جت سوي اللي عليك...والي ما تقدري عليه خليه..

الله يوفق ويكتب لك الي فيه الخير..

ماتدرين حبيبتي يمكن لو جت عندك تنبسطين معاها ويدلعك زوجك اكثر واكثر
وبعدين عادي انتي وهي بغربه كذا وكذا راح تسليك وتسلينها
عاد حبيبتي بلا دلع ترى عادي والله اخته هاذي انتي لو اخوك بيجي يدرس عندك كان تغير رايك صح؟؟
بس والله عادي وسعي صدرك وماتدرين يمكن اصلا ماتجي بس يصير كلام

والله ياأختي وسعي صدرك وترى عادي لما تجي
وهي عارفه انك بغربه أكيد بتساعدك يعني تساعدوا بعض
وانتي سوي هالشي لوجه الله سبحانه
وان شاءالله ترجعين مع زوجك زي اول وأحسن يارب
الله يوفقكم ويهدي سركم يارب

اول شي وقبل كل شي احتسبي الاجر

ثانيا انا ماادري كيف علاقتك باخت زوجك بس بكل الاحوال الشي اللي انتي شايله همه ماله اي دخل بجيت البنت انتي شايله هم انها من اهل زوجك ولازم تخدمينها وتراعينها بس بحالة انها بتجي دراسه يعني مو شهر او شهرين فقعدتها بالبيت مثلها مثلك ماتعتبر ضيفه فامنتي مظطره تجاملينها فا الوضع بيكون مرره عادي مشي يومك زي ماكان قبل ماتجي بس بدل ماوجبتكم تكون لشخصين تكون لثلاثه

وبعدين ماتدرين وين الخيره يمكن بجيتها وبالغربه تكون مثل اختك واعز ويكون في احد يسولف معاك وافكاركم متقاربه غير عن زوجك البنت تفهم للبنت مثلها

دايم حطي ببالك الخيار الاسوء حتى تتقبلين الوضع اللي انتي فيه افرضي ان اللي جاي يدرس عندكم اخوه مو اخته هنا راح تروح خصوصيتك ولا راح تاخذين راحتك وبيكون قدامك بالطلعه والدخله وبيكون الوضع متكهرب شوي غير لما يكون اللي عندك بنت وتاخذين راحتك ببيتك ولا تتقيدين بشي

واحمدي ربك على تقبل زوجك لاهلك وضيافته لهم لان كثير ازواج ماعندهم مشكله يستقبلون اهل زوجاتهم بس مايكونون كثير مرتاحين فا نصيحتي لك انك تروحين تكلمين زوجك وتشرحين له ردة فعلك وانك ماطلع منك هالكلام الا من حبك له وتقديرك لاهله وانك ماودك تقصرين معاهم بشي وتبيضين وجهه فاخفتي انك ماراح تعطين اخته حقها بما انها من طرفه بس لما فكرتي بالموضوع حسيتي انك متحمسه لجيتها كثير وانها بتكون اختك مو اخته وانكم بتسوون حزب ضده وتخططون لطلعاتكم سوا وتمشيات بناتيه فقط هو ممنوع منها :) يعني حاولي تفرفشين الجو وتبينين له ترحيبك فيها لانها مو حلوه بحقك ابد ابد انك انتي اللي ترفضين جيتها واذا ماكنتي متقبله انها تجي ادعي ربك الخيره اذا كان بجيتها خيره ييسرها واذا كان فيها شر عليكم يمنعها

حالك من حالي ......... بس الفرق انه اهله في الإمارات لأن امه اماراتية البيت وسيع عندي الحمد لله واهله طيبين بس يوم يجوني لازم ذاك الطبخ والشغل والبيت على طول يتوسخ والشاي والقهاوي وبخري البيت عقب الطبخ ونظفي ورا الأكل والمشكلة انا ماعندي شغالة وخواته كسولات ينامو لين الظهر ويبغو يصحو والأكل كله جاهز وبعد الغدا اللي تروح تتسبح واللي تسوي شعرها واللي ترد تنام وقلبوني انا الشغالة اللي اشتغل عندهم......... ومرة طلبت من الكبيرة بس تساعدني بتنظيف البيت ردت علي بكل هدوء هذا بيتك!!! .............. تخيلي جاتني صدمة !!!
والله مرة جلسو عندي 3 اسابيع طلعو من عندي ونفسي بتطلع بس رغم كذة مابينت لزوجي كنت بس اعاتبه لو وحدة اتلاقفت أو مسختها وهو يقول لي معليش امسحيها فيني والله الرجال تجمل مني وامه وابوه بعد صارو يمدحوني عند الكل يوم ردو ديرتهم
بس والله اني من يومها لاقالو بيجونا ادعي في سري الله يصرفهم ويشغلهم عن الجية واخلي امي تدعي لي كمان لكن ماأبين لزوجي ابد لأني مابغى اجرحه والله اني اقوله ياحياهم الله (عاد وايش اقول البيت بيت ولدهم!!)
انت ادعي ان الله يصرفها عنك ولا تزعلي زوجك يكفي انك زعلانة لا تزعلو انتو الإثنين ........ خليه ينبسط دامه طيب
وادري ان الخوات ملقوفات بتروح تخبر اهلها بكل اللي يدور في بيتك وايش تلبسي ووين تروحي ومتى تردي فعشان كذة لو فعلاً جاتك صاحبيها واكسبيها وقربيها لك منه انت بتلقين لك ونيسة ومنه زوجك يرضى عنك وينبسط منك ومنه ماتكسبي عداوتها بحيث تخرب علاقتك بزوجك والله يوفقك