عندي مشكله مع زوجي واتمنى القى الحل عندكم

السلام عليكم
انا اول مره اكتب في المنتدى وتراني سعوديه لايغركم النك نيم :)
عندي مشكله مع زوجي متعبتني مره انا متزوجه من سنتين ومن يوم تزوجت وهو دايم يجيب طاري صديق له ودايم يكلمه ومن كثر ما هو صديقه مره تعرف على اخوانه وعيال خاله وعمانه وابوه ودايم يروح لهم وفجاه اكتشفت ان صديقه هذا يشرب الخمر وفيه احد من اخوانه مثله وزوجي يعرفهم ويحبهم ويقدرهم لدرجه ما تتخيلون وصديقه هذا ماعمره جلس في بيته مع زوجته وعياله دايم مسافر على الفاضي والمليان ولحاله ماعمره سافر مع زوجته يجي من سفره ويجلس اسبوع بالكثير ويسافر مره ثانيه ويكلم زوجي ويطلب منه يروح معه ومشاكلنا بدت من يوم عرفت ان صديقه راعي شراب وانه مو مضبوط نفسيتي تعبت انا انصدمت في زوجي انه يعرف هالنوعيات من الناس وشلون يصادق واحد يشرب وقدامه ويدري انه يشرب وكان قبل الزواج يسافر معه انا ماني متخيله شكله وهو جالس معه على طاوله وحده ويشوفه يشرب وعاجبه الوضع والطامه الكبرى انه قبل فتره اخو صديقه عرض عليه يشتغل معاه في شركته ويترك شغله الي هو فيه ووافق وترك شغله واشتغل معه ويشتغل من قلبه كان الشركه شركته هو مو شركة واحد ثاني يشتغل في الليل وفي النهار وحتى الخميس يداوم ولا يعطونه زياده على راتبه مع انه يشتغل اكثر من اوقات الدوام ومقهروه منه صرت ما اشوفه ولا استفيد ماديا وغير كذا مع ناس ما يخافون الله
والله اني اكتب لكم وانا ابكي من القهر
الله يوفقها الي تنصحني وش اسوي وشلون احل مشكلتي