عندي مشكله وتبي حلللل؟؟؟؟؟؟

مرحبا فيكم خواتي
يمكن تتسائلون وشي هالمشكله ؟؟؟؟؟ وانا راح اقول لكم عليها بس ياليت تعطوني حلولكم اللي ممكن استفيد منها وتحل الازمه اللي انا عايشه فيها ....
انا انسانه متزوجه وعندي ولد والحين حامل ..... احمد ربي على الوضع اللي انا عايشته لكن مشكلتي اني موظفه واجي من الدوام تعبانه واطبخ الغداء يوميا لان امه معانا بالبيت ومااخلص الا على العصر تقريبا وولدي يكون وقتها مافيه النوم فاضطر اجلس معه ويمكن انام بس مو مرتاحه يعني مااكتفي من ربع ساعه ومطالبه بعشاء ومطالبه اني ماانام حتى زوجي ينام يعني ممنوعه من النوم حتى لو حسيت بالنوم . زوجي يطالبني بالسهر معاه وحتى لو كان لاوقات متأخره وانا ماعندي القدره اني اطووول بالسهر وانام قبله .. هو يكره هالشيء وصارت مشاكل بيننا والسبب كذا .... ووقتها فكرت حتى بالاستقاله من مجال عملي لحل هالازمه اللي صارت شاغلتني وشاغله تفكيري
ابي حل لمشكلتي ..... ادري يمكن تكون مشكلتي بسيطه عند البعض ويمكن تكون مكرره عند البعض الاخر .... لكني فعلاا تعبانه مرررررره من هالوضع ونفسي اطوول بالسهر معاه لكن وربي للانسان طاقه وانا بشر من لحم ودم ومحتاجه ارتاح واريح نفسي جسميا ونفسيا لكن برضوا انا حريصه على حياتي الزوجيه وخايفه تأثر هالاشياء على علاقتنا مستقبلا
ارجوووووووووكم ان كان عندكم حلول او نصايح من هالناحيه هذي ياليت ترسلونها لي من خلال ردودكم وتأكدوا ان لكم الاجر من ربي اولا والدعاء مني لكم ثانيا
تحياتي للجميع وبانتظار ردودكم .........