عندي مشكله وهو النزيف اثناء الحمل ساعدوني

مرحباً يا أخواتي في الله

مبارك عليكم الشهر

بنات أنا عندي مشكله جابت لي الهم أنا حامل بالشهر الأول وعندي نزيف دم

في البدايه اول ما حملت ماكان يجيني دم بس إفرازات زي المويه او شفافه كذا تمام رحت الدكتوره

وسوت لي إشاعة سونار وقالت الكيس صغير بس كويس مافي مشكله كل شئ سليم وأعطتني

مثبت دوفاستون وحامض الفوليك وبعد كم يوم نزل إفرازات بني غامق واستمر يمكن ثلاث أو اربع

أيام وبعدين نقطه دم وكل يوم نقطه دم وبعد فتره صار يزيد الدم بدال نقطه صار نقطتين اوثلاث

يعني اقل من الدوره ورحت دكتوره ثانيه وسوت اشاعه سونار وقالت الكيس صغير بس مافي

جنين وقالت سوي تحليل رقمي يوضح اكثر وسويت المره الأولى وطلع النسبة 715 وقالت الحمل

غير سليم وقالت سوي مرا ثانيه وطلع النسبه1049 قالت في زياده الحمل عندك كويس وأعطتني

مثبت الحمل اسمه سايكلوجيست 400 وبعدها زاد الدم قلت لها كيف الحمل سليم وأنا عندي نزيف

قالت يمكن عندك مشاكل ثانيه مؤ من الحمل

بنات تكفون مين اللي زي حالتي هذا أمر طبيعي ولا في مشكله عطوني حل كيف أوقف النزيف

أقلقني مرا اكثر وقت يجئ معي نزيف كثير هو إذا قمت من النوم كنه دوره عطوني حل طمنوني

كلمت حرمه تعالج بالاعشاب تقول اربطي بطنك وارفعي رجولك فوق وخذي معلقه نشاء في نص

كاسه ماورده راح يوقفه خفت ماقدرت اسويه مين جربتها هذا مشكلتي

آسفه أني طولت عليكم لا تؤاخذني بس غصب عني طولتها عشان تفهموني

مين اللي حالتها مثل حالتي