عندي موضوع يضايقني

مدري كيف ابدء
السلام عليكم وكل عام وانتم بخير
مثل ماقلت مدري كيف ابدء
العيد
مااحبه ماعندنا احد مانزور احد ولا احد يجينا كنا بمحافظة ساكنين ميزتها الاعياد فقط
فقدت حلاوة العيد وعندي رغبه بالعيد في الديرة بس اهلي مايبون
نجلس لحالنا نلبس لنفسنا ثلاثه ايام كذا لاحد يطق علينا فيه خوالي بس رجال ماعندهم زوجات وموكلهم فيه ناس بالمدينه وناس بالديره اغبط صراحه اللي يسافرون من المدينه للديرة عشان العيد احس بملل وطفش مافيه احد يشوف كشختك
وامي ودي انها تنادي الجيران بالايام العاديه لكن ماتسويها هي اللي تقلط عندهم يعني جارة لنا تناديها احنا البنات مانطلع لا الجيران والاقارب نصهم بالديرة واللي بالمدينه ثلاث ثنتين من جهة الاب و وحده من جهة الام ثنين منهم يسافرون للديرة يعيدون ووحده ماتجئ تعيد علينا لان امي الكبيرة الفرض تجئ ماتعيد وتسير لا ماحبيت طريقة هالاعياد هنا مرة بنات قريبتي جاؤ وعيدوا ولا جاؤ وسيروا علينا ابدا
خالي يقول احد جاءكم ولا شئ بالعيد نقول لا قال ياقلبي زي كذا مو ياقلبي كلمه زيها صرتوا مقطوعين من شجرة ضيق صدري زيادة
واحنا مو متزوجات اتمني اتزوج واغير هالروتين بس اهلي مساكين نفس الوضع اقلها انا اجيهم وش اسوي مررره يضيق العيد حلو لمن احد يطق عليكم الباب ويجلسون لابسين لبس العيد وانتوا يشوفونكم وحلو لمن تطلعين وتسيرين على اقاربك اغبط اللي كذا كنا كذا 😪