عندي واااااااااااايد عطورات شاسوي فيهم؟

أنا مثلك بس انا ما اندم وابا اخلصهم. موجودين معاي لغاية ما يخلصون لرواحهم
بس عندي كم من فكرة لك لو تبين تخلصينهم...

1) عطري مخدت نومك بيهم و راح تنامين مع روايح حلوة.
2) جيبي قطع من القماش وكوريه لغاية ما تستوي كوره وجيبي قطعة قماش ثانية واربطيه وبعدين عطري هاي القطعة وحطيهم في شنطك او دولابك او على الطاولات او في الحمام انتي وذوقك اتفنني فيهم.
3) اخلطي العطر مع فازليين او اي مرطب بدون رائحه واستعمليه كمرطب للجسم او لليد.

واذا خطر لي اشياء ثانية بقولك ان شاء الله

مشكورة حبيبتي على الافكار الحلوة
بس ترى انا مثلج احاول استخدمهم قد مااقدر لين مااخلصهم لانهم كلهم حلوين وجداد بس هم مايخلصون :):(

عجبتني فكرة القماش المكور

انزين اذا خلطته مع الفازلين ماراح يسبب لي حساسيه بالجسم ؟؟؟

هلا عيوني
ترى هذا تقريبا اللي اسويه
يعني فيه عطور قوية للزيارات والمناسبات
وعطور خفيفه للداوم
وعطور زوجي يحبها احطها في البيت

تدرين يمكن انا من النوع البيتوتي اللي مالي وايد في الزيارات والمناسبات والاعراس
كل حياتي البيت والدوام وزيارات هلي واهل زوجي
وطبعا طلعاتي للمجمعات والاسواق والجمعيات مااتعطر فيها ..

يمكن عشان جذي عطوري ماتخلص :)

مشكورة لاني اصلا اتحسس من العطر اذا حطيته مباشرة على جسمي

هلا اختي

انا مثلج تقريبا عندي عطور و مو عارفه شو اسوي فيهم

وفيه منهم من يوم ما عرست للحين ما خلصو يعني لهم سنة عندي

المهم اني صرفت نصهم

يعني اوزعهم على اخوي الصغير و اخوان زوجي الصغار

يفرحون فيها

و ارش منهم على الرض وفي الحمام وفي الغرف

وعندي صندوق حق سجادة الصلاة ارش فيه

وفي حركة وااااااااااااااااااااايد حلوه

ارش عطر في المكنسة و لما اكنس تطلع الريحه تجنن وااايد حلوه الحركه جربيها

ارش في كبت زوجي حتى في ملابسه الداخليه

وفيه حركه سويتها لزوجي

اني جبت مفرش اللي يستخدم للمطبخ اللي يتشرب الماي ينحط عليه الصحون المغسوله

تلاقينه في الجمعيات مع ادوات المطبخ مثل الاسفنج والليفه

المهم فرشت فيهم ارفف كبت زوجي و عبيته عطر ونوعت العطور يعني من كل نوع رشيت فيه و بخرت الكبت بعدين حطيت ملابسه فيه

وشوفي الريحه اللي تطلع اول ما يفتح الكبت

و طبعا كل فتره وفتره ارش منه

تقدرين انتي تخترعين اشياء لو فكرتي شويه