الله يكون بعونك ويصلح لك الذريه

اللــــــــــه يهديـــــــــــه يـارب ويصلحــــــــه

الله يهدي ذرياتنا ويصلحهم ويستر عليهم في الدنيا والاخره

اختي انتي ابد ماااينفع تكلمية


قولي لبووه وابووه يكلمه لانه راح يتقبل من ابوه

بس انتي كونك امراءة يمكن مايتقبل منك


وخلي ابوويه ينصحة ويوجهه

شوفي حبيبتي لاتكررين نفس خطأ بعض الأمهات تقولين طبيعي هالشي ومصيره يكبر ويعرف لاااأ
أبدا بعدين إنتي شفتي بنفسك كيف تشتت تركيزه ويمكن بعد تلاحظين إذا زاد معه هالتصرف إن سمعه بيثقل شوي وبتكون معاه فهاوه ويبحث عن النوم غالبا ويصير يحس بثقل في راسه فيه كم نقطه أذكرها من إطلاعي
على مواضيع وكتب عن هذا الموضوع..
1\ أهم شي إنتبهي لايطلع على أي مقاطع مخله سواء في حاسب أو تلفزيون أو جوال لأنه إذا شاف مقطع جنسي وهو في هذا
الإندفاع ووقت ثوران الطاقه الجنسيه عنده بيبحث عن التطبيق سواءا بنفس الطريقه اللي شافها
أو تجره إلى تصرفات شاذه ويساعده فيها من أطلعه على هذي المشاهد

2\حاولي مايكون فيه إحتكاك جسدي في هذي المرحله بينه وبين إخوته الصغار حتى لو كانو أولاد
وفرقي بينهم في النوم لحد ماتهدأ طاقته وتتهذب وتوجه من قبل الأهل منك أو من أبوه لاتقولين إنهم إخوته
ومستحيل يفكر في هذي الأمور إنتي يمكن ماتدركين قد إيش هذي المرحله يلعب فيها
الخيال والبحث عن أي طريقه تريحه فيها ويدعمه ويساعده فيها بعض الرفقه إذا كانوا سيئين

3\قرأت مره في مجله ثقافيه عن ضرورة تنبيه الولد أثناء نومه على بطنه وتعديل نومته
حتى يتجنب الإحتكاك والضغط اللي يسبب بتهيجه

4\ أبعطيك طريقه تسهل عليك فتح الموضوع معاه بحيث ماتنحرجين ولاتحرجينه معاك
وهذا أهم شي:
تبدين تبحثين عن كل مواضيع أضرار العاده السريه وتجمعينها في ملف وورد
من غير ماتنسخين معاها كيفيتها لأنوا فيه مواضيع كثيره توضحها بشرح بعض الطرق
للتوضيح هذي لاتنسخينها المهم إطلعي عليها وحاولي تبحثين بشكل موسع وتنسخين أول شي
حكمها والحكمه من تحريمها تدرجين بعدها الأضرار وطرق التخلص منها وإنها توجب الغسل بعدها
بعدين
إذا الأب رافض يفتح هذا الموضوع مع إبنه فمالك إلا إنك إنتي تجين للولد بوجه مريح
من غير شد ولا خجل وتبدين تعطينه مقدمه للموضوع مثل ماذكرت الأخت محارة لؤلؤ
أبنسخها لك حتى تتضح لك:
تقولين له:انت لما كنت صغير علمتك كيف تاكل وكيف تدخل الحمام ولما دخلت الابتدائي تعلمت كيف تقرأ وتكتب والحين كبرت لازم تتعلم اشياء جديده لانها مهمه في سنك.
إنت الآن خلاص كبرت وصرت شاب ماشاء الله عليك )خليه ينبسط ويحس بالفخر( وأكيد بتلاحظ
إنك تغيرت وصرت تحس في أمور ماكنت تحس فيها وهذا الشي طبيعي صار مع كل الرجال
الي مروا في عمرك )حتى مايحس إنو شاذ عن غيره( بس فيه أمور لازم تنتبه لها
يمكن إذا مرت عليك ماتعرف تتصرف وماتدري وش أضرارها وتعطينه اللي نسختيه وخليه
لحاله ياخذ وقته طبعا بياخذ وقت يحاول يستوعب فيه اللي قراه بس إن شاء الله بيستفيد
وبكذا إختصرتي على نفسك كلام كثير ممكن المراهق ماراح يتقبله منك أو حتى من أبوه لو سمعه
بيحس بالإشمئزاز والرفض لأنه مو متعود على هذا الكلام منكم وأساسا هم في هذا العمر يحبون
يكتشفون كل شي بأنفسهم ويمكن تلاحظين بعدها بيصير يبحث هو عن مواضيع تتكلم عن هذي العاده حتى يقتنع
بنفسه..
5\ طبعا أكيد مافيه مجال للشك إنو الدعاء للأبناء وتحصينهم شي ضروري
دائما إدعي له ولأخوته ((اللهم طهر قلوبهم وحصن فروجهم))
ودائما إذا بيطلع من عندك حتى لغرفته إستودعيه الله
((أستودع الله سمعه وبصره وقلبه وفرجه ودينه وأمانته وخواتيم عمله يامن لاتضيع ودائعه))

ربي يهديه ويصلحه ويقر عينك فيه