عندي 3 اطباق اتمنى تعجبكم

مساء الفل لكل البنات

شلونكم وشخباركم؟

حبيت اشاركم في هالاطباق .. اللي بصراحة لذيييييذة ودايما يطلبونهم مني سواء في الحفلات او العزايم

اول طبق ( الباذنجان بالصلصة )

المقادير : طبعا لحجم صحن التقديم او البايركس العادي

2 حبات باذنجان مقطعة مكعبات متوسطة الحجم ومقلية

4 حبات بطاطا مقطعة مكعبات متوسطة او صغيرة ( حسب الرغبة ) مسلوقة بماء وملح ومصفاة .. وبعدين تقلينهم لين يتحمرون

5 اكياس بطاطا نايس العيدان الكيس اللي لونه ازرق على كتشب ( متوفر بالجمعيات الكويتية)

مقادير الصلصة :

2 كاسة روب

2 - 3 فص ثوم مهروس

نص - شدة كاملة بقدونس مفرومة

ملح حسب الرغبة

1- 2 عصير ليمون حسب الرغبة

2 ملعقة كبيرة هردة ( طحينة )

الطريقة:

1- تخلطين الباذنجان والبطاطا مع بعض وتضعينهم كطبقة اولي

2- تخلطين مقادير الصلصة مع بعض وتضيفينهم فوق الطبقة الاولى

3- بالنهاية تغطين سطح الطبق بعيدان البطاطا الجاهزة

وبالعافية انشالله

الطبق سهل ولذيذ جددداااااااااااااااااااااا .. علمتني عليه وحدة الله يعطيها العافية


الطبق الثاني : من اختراعي :42::42:

البطاطا المهروسة مع الخلطة بالفرن

انا مقاديري تقديرية وبهالطبق كل وحدة تقدر تحط مقاديرها على كيفها

المقادير :

4- 5 حبات بطاطا مسلوقة جيداا وجاهزة لتهرس ( طبعا كمية البطاطا تقدرين تتحكمين فيها سواء بتقللين او تكثرين )

1 شدة بقدونس مقطعة قطع صغيرة جداااااااا

1 علبة ذرة ( انا استخدم الرجل الاخضر مالت السلطة)

1 كيس جبن مزرولا مبشور

4 ملاعق ممتلئة جبن كرافت ( القلاص )

ربع او نص قلاص بقسماط

2 - 3 ملعقة زبدة ( استخدم اللي عليها صورة برج ايفل ومكتوب انها Low fat 70% )

ملح ( حسب الرغبة )

الطريقة :

1- تييبين ماعون كبير علشان تهرسين فيه البطاطا عددددددددددددددل

2- تحطين باجي المقادير كلللللللللهم مع البطاطا وتخلطينهم عدل وتحطينهم في البايركس

3- اخر شي تغطين سطح الطبق بالبقسماط ( البقسماط المستخدم هني غير اللي بالخلطة )

4- تدخلين البايركس للفرن .. اول شي تشبين العين اللي تحت لين تحسين انه استوى وتالي تشبين العين اللي فوق علشان يتحمر ( اعتقد درجة الحرارة بتكون 180 )

وبالعافية على قلوبكم انشالله


الطبق الاخير : صلصة خضراء تصلح لتقريبا كل انواع السلطات ( الفتوش او السلطة الخضراء او سلطة الملفوف او اي سلطة تعجبج

المقادير : ( كلها تقديرية :01: :01: )

1-2 كاسة روب

2-3 فص ثوم

قليل من النعناع

ليمون

ملح

قليل جدا من الفلفل الاسود

قليل من المايونيز .. تقريبا 1 - 2 ملعقة .. طبعا على حسب الرغبة

زيت زيتون

1 ملعقة خل تفاح

الطريقة :

تضعين المكونات كلللللللها بالخلاط وتخلطينها عدل

وبعدين تضعينها على اي سلطة تحبينها

وبالعاااااااااااااااااااااااااااااااااافية

اتمنى اكون قدمت لكم اطباق خفيفة ويديدة

اختكم .. بنت الكويت:02: