السلام عليكم ورحمة الله وبركاته
الموضوع زي ماهو مكتوب في العنوان انا عندي 90 الف وبحلانتن بها مدري وش اسوي بها
مشروع مافيه اي مشروع اقدر ابدا فيه براس مال بهالمبلغ كل المشاريع اقل شي تبغالها 150 الف اقل شي غير انها تبغى لها متابعه واحد يراكض وراها ويتابعها ونا كل الي حولي زوجي واخواني ماعندهم وقت وكل ماقلت لاحد شي قال انا مافضيت لعمري افضى لتس وكلهم شايرين علي اشتري بها ارض واخليها تمسك لي فلوسي ابرك لي طبعا الاراضي الي غير مستصلحه الي بقلعة وادرين الي اقل شي يبغى لها 10 ولا 15 سنه على بال مايجيها العمران هذا في اقل تقدير واقرب زمن لها
ولا احطها بالاسهم والاسهم زي ماانا شايفه في كل الي حولي وكل الي اسمع ان العالم خسرانين الا الهوامير الكبار هم الي مستفيدين الي كل مابغوا رفعوا الاسهم متى مايبون ونزلوها في غمضة عين متى مايبون وصغار الاسهم انت وحظك شحتك بختك ممكن تكسب وممكن تخسر ونا من طبعي مااحب المغامرات ولا احب القلق احس اني لو ادخل الاسهم بيجيني السكر والضغط والسبع المعتركات منهاهههههههه احس ابوسوس كل يوم الاسهم طلعت ولا نزلت احس ماعادني متهنيه بشي بس ابتابعها وابسنتر قدام شاشة الاسهم زي هالعالم الي مساهمين فيها
وغير كذا انا نفسيا موب مرتاحه لها نفسيا من ناحية الحلال والحرام احس انها كنها قمار هههههههه استغفر الله صحيح فيه شركات حلال ومحللينها المشائخ الله يجزاهم خير بس انا اتكلم عن طريقة الاسهم بالشكل هذا الي هي كلها ورق بورق تدار من غير قيمة ماليه فعليه مدري مدري احس من جد موب مقتنعه فيها
وحاليا انا مسلفتها زوجي علشان تصد عن عيني لااصرفها ههههههه
بس في اي وقت ابطلبها منه هو بيتصرف بيدخل جمعيه وبيعطيني اياها على قولته >>>> تقص قصة حياتها بالتفصيل الممل ههههههه
فياليت تشيروا علي وش اسوي في هالتسعين الف لاني من جد محتاره فيها وش اسوي فيها لامشروع بتسوي لانها قليله ولا اسهم هاين علي ادخلها فيها ولا ارض ابي اشتري بها لان الارض مايسوا عليها اشتريها واخليها عشرين سنه والنهايه بس مدبله قيمتها يعني بتجيب لي ان بالغت 200 الف بعد عشرين سنه انتضار يعني ياليل مطولك صدق
هاه يابنات شيروا علي الله يجزاكم كل خير ويوفقكم ربي ويسعدكم دنيا واخره
ملاحظه / بنات انا اقصد شوروا علي بمشروع يدر علي ربح او احطها في شي يزيدها موب اني زايغه على كبدي النعمه وبلشانتن بها ماعادري ادري وش اصرفها فيه هههههه
يلزم عليك تسجيل الدخول أولًا لكتابة تعليق.
بهارات القصيم
•
دامك بحلتن بهن عطين اياهن اشري بهن اراضي وبعد خمس سنين تجين اضعاف 90 الف
لا يمكنك مشاهدة هذا التعليق لانتهاكه شروط الاستخدام.
هههههههههههههه ياويلي منتس يامدام بوفاري اجل هقوتتس اطير ابوها ؟؟
المشكله اني بيتوتيه لااروح ولا اجي ولا احظر مناسبات كبار حتى الزواجات مااحظرها يعني افرتكها كلها على لبس وكماليات مدري احس قلبي مايطاوعني خاصه اني ما أأيد الالماسات والماركات الغاليه الي بالالاف صح البس واشتري وموب مقصره على عمري بشي بس بالمعقول يعني مااحب الفشخره بزياده والله موب بخل وربي بس مسالة مبدا واذا ابشتري شي ماركه اشتري تقليد مااشتري اصلي ههههههه احس حرام اشتري اصلي وهو فيه نفسه تقليد درجه اولى ومايفرق عنه ابد بس هذا بالالاف وهذا بالميات خخخخ
احس فسق الله لايواثمنا
ومشكوره ياعمري الله يجزاتس خيرويعطيتس العافيه
المشكله اني بيتوتيه لااروح ولا اجي ولا احظر مناسبات كبار حتى الزواجات مااحظرها يعني افرتكها كلها على لبس وكماليات مدري احس قلبي مايطاوعني خاصه اني ما أأيد الالماسات والماركات الغاليه الي بالالاف صح البس واشتري وموب مقصره على عمري بشي بس بالمعقول يعني مااحب الفشخره بزياده والله موب بخل وربي بس مسالة مبدا واذا ابشتري شي ماركه اشتري تقليد مااشتري اصلي ههههههه احس حرام اشتري اصلي وهو فيه نفسه تقليد درجه اولى ومايفرق عنه ابد بس هذا بالالاف وهذا بالميات خخخخ
احس فسق الله لايواثمنا
ومشكوره ياعمري الله يجزاتس خيرويعطيتس العافيه
بارق أمل
•
خذي 10الاف واكفلي يتيمين 2400,وباقي العشرة
تصدقي فيهم فك كربة ... مساعدة محتاج تركيب
براد موية في مسجد
وباقي الفلوس خليهم و**** بيفتح عليك بمشروع
بفضل بركة الصدقة
تصدقي فيهم فك كربة ... مساعدة محتاج تركيب
براد موية في مسجد
وباقي الفلوس خليهم و**** بيفتح عليك بمشروع
بفضل بركة الصدقة
الصفحة الأخيرة