يووووه ليتني ماقريتهـــآآ تحمسست بقوه


كمــــــــــــــــــــــــــــــــلي ^_^

كملي الله يخليك صعبه ننتظر لليل

(
)
(
)
.
.
.
هاقد حل الشتـــاء وما أدراك مالشتاء ؟
.
.
إنه يستزف أهل هذه (الديرة ) الطينية القديمه فلا تدفئة لهم سوى إحراق الحطب والتلحف بالخيش ..!
.
.
مريم أنهت شهرها التاسع ولم تلد والآن هي في الأسبوع الأول من الشهر العاشر
.
.
مريم : يمه بردانه مره وهي تنتفض ..!
.
.
فلوس : وش نسوي ماعندنا غير غطى خيشه واحد ...شكلنا بننام كلنا جنب بعض وبتغطى بالخيشة جميع وبندفى إن شاء الله ..!
.
.
مريم : اي اي
.
.
فلوس: مريم وش فيك شكلك بتولدين اليوم خل انادي أم عنبر تبات عندنا كم يوم عشان لوجاتك الولاده ولااااااااااش مانشيل هم
.
.
مريم : يمه البيت مافيه شي وتبات عندنا أم عنبر وش نأكلها ؟
.
.
فلوس : بقى عندي قريشات بطلع اليوم بشتري وبمر عليها وبنجي أنا وياها جميع
.
.
مريم : يمه كم بقى معك ؟ يمه وش بنسوي بعدين ؟
.
.
فلوس : هالحين فكري في حملك وولادتك الله يفرجها عليك بالعافيه ..
.
.
مريم : يمه وش بنسوي ؟
.
.
فلوس : بيفرجها ربك واخوك سعد صار رجال وشوفيه يطلع الحوش مع صالح وسلطان ويبيع تمر هه يترزق الله ويعطونه المقسوم
.
.
مريم : يمه يعطونه شوي ؟
.
.
فلوس : شوي ودايم يترشرش علينا ولا كثير وينقطع !
.
.
مريم وهي تمسك ظهرها : يممممه بطني تعورني يمه وظهري آآآي
.
.
فلوس : بتولدين ؟
.
.
مريم : يمه شكلي بولد الم يمه يوجعني بطني سكاكين يمه ااااي
.
.
فلوس : طيب بنادي أم عنبر
.
.
مريم : يمه لا تخليني لوحدي اقعدي معي وهي تمسك امها اي يمه
.
.
فلوس : سعد ياسعد رح ركض بيت خالتك أم عنبر وبسرعه قلها تجي أختك بتولد واسمع إذا شفت أحد بالشارع لا تعلمه عشان تتسهل ولاده أختك يالله بسرعه
.
.
قدمت ام عنبر ومعاها وضحى أخت زوجها الخبيرة في التوليد وطالت ساعات المخاض وتعسرت الولاده حتى شعرت فلوس بإن أبنتها وضناها ومهجة قلبها تذبل وتذبل فظنت بإنها ستموت !
.
.

فقامت وتوضأت وصلت ركعتين وجلست تدعي : يامخرج النفس من النفس يارب ولدها بالسلامة والعافيه يارب فرج عليها الفرج من عندك يارب هون عليها هالألم واكرمها يارب أنت تعلم إنها ضعيفه ومسيكينه هون عليها يارب السماوات والأرض ...!
.
.
أم عنبر : تعالي يافلوس بسرعه تعالي شكلها بتولد الحين ..
.
.
فلوس وهي خارج الغرفه وعند باب دريشة الغرفة : مقدر خلي وضحى تمسك معك خلوني أدعي هنا وأنتم الله الله في بنتي ..
.
.
وثواني وإذا بصرخة طفل يبكي بكل صوته وأم عنبر بصوت عالي : فلوووووووس مبروك عليكم ولد ولد يافلوس
.
.
بكت فلوس وخرت ساجده لله وهي تبكي ودخلت وهي سعيدة عيناها كلها دموع أهي دموع الفرح أم دموع رحمة تعب مريم أم الإثنان ؟
.
.
أتجهت مسرعة نحو مريم وضمتها بقووووه وقالت : مريم عسى ماتعبتِ ؟
.
.
مريم : تعبت شوي والحمد لله الحين أهون بكثير عطيني الولد بشوفه يمه
.
.
فلوس أخذت الولد من أم عنبر ووضعته في حضن والدته التي نست كل التعب عندما رأت وجهه المنير ..
.
.
أخذته فلوس بعد ذلك للأب الذي ظل يدعو لمريم طول الليل فهو الآخر يسمع صوتها تتألم ولا يملك لها من الله شيئا ..
.
.
فلوس : أبو سعد قوم من النوم قوم شوف حفيدك هالقمر المنور ...
.
.
ابو سعد : أنا طول الليل أسمع مريم ويوم سمعت صوت الولد كنت بقوم أمشي من الفرح ..بشريني عن مريم شلونها ودي اشوفها تعبت كثير هالبنت
.
.
فلوس : لا ابشرك الحمد لله هالحين طيبه بخير ..
.
.
مريم : ابوي شافه؟
.
.
فلوس : أبوك يسأل عنك ...
.
.
مريم : أجل بطلع أسلم عليه
.
.
فلوس : مهبوله تطلعين وإنتِ توك نفاس مالك دقايق ؟
.
.
أم عنبر : خليها يافلوس تسلم على ابوها عادي إذا قامت الصغار إذا ولدو وبيقومون عادي حنا كنا نولد واليوم الثاني نشتغل ههههههههه بس لا يجيها براد المشكله في العجز وهي تناظر فلوس
.
.
مسكت فلوس وأم عنبر مريم وساعدوها على الوقوف وذهبت بها فلوس إلى عرفة والدها ..
.
.

و أخذت الطفل معها وعندما دخلت عند والدها بكت وهو بكى ..!
.
.
مريم : ابوي شفت منصور الصغير ؟
.
.
الأب : مبروك يامريم الله يعافيك ويعافيه لك ويجعله قرة عين ..بس لاتسمونه منصور ؟
.
.
مريم : ليش يبه ؟
.
.
الاب : يمكن أخوانه واهله يزعلون (هو مايدري وش موقفهم من الطفل لإن فلوس ماعلمته !
.
.
مريم : وفيه أحد اغلى منك يبه هذا منصور وأنا وأمي سميناه ..
.
.
فلوس : هذا منصور منصور وربي بينصره على أخوانه
.
.
الأب : بينصره على مين ؟
.
.
فلوس : قلت لك بينصره على كل ظالم كل ظالم وش فيك خرفت صاير ماتسمع زين هاليومين
.
.
وهي تتحدث سمعت صوت أم عنبر تنادي لها :فلوس يافلوس تعالي وراك جحدتينا ؟
.
.
فلوس : لاااا والله ماجحدتكم ولا شي بس من الفرحه مدري وش اسوي

أم عنبر : طيب وراك هجيتي وقت الولاده خبري فيك قووووويه
.
.
فلوس : ايييييه بس يوم إنها الي بتولد بنتك تجيك أو الركب وكل النوافض بس الحمد لله ساعه وفرجها الله ..

أم عنبر : أسمعي يافلوس دفي الولد زين ترى الدنيا براد لا تروشونه كل شوي خلوه لين ينتهي البرد على خير وأمه أنتبهي يدخلها هوى واكلها وشربها لازم ماتجوعينها يكفي الي شافته اليوم ..
.
.
وفلوس تهز راسها ..
.
.
أم عنبر : خذي هذي الفلوس
.
.
فلوس : لاااوالله مشكورة يأم عنبر المفروض حنا نعطيك مو إنتِ ؟
.
.
أم عنبر: أنا آخذ منكم ؟ مهبوله آخذ من الناس بس حنا صديقات وأنا يافلوس أعرف أوقات الوضع والحاجه فيها وإنتِ أختي مايحتاج وحتى لو ماتحتاجين لها صدقيني مدام عندكم نفاس بيتكم مابيخلى من الحريم وأعتبريها هديتي لبنتي مريم ..
.
.
فلوس : شكراً يام عنبر عمرك ماتقصرين معنا
.
.
أم عنبر : وحتى عيال ابو محمد ترى أنا الي بعلمهم وبعلم كل الناس إنـتِ مثل ماقلت لك خليك هنا مع مريم وانتبهو للولد ..
.
.
.
ذهبت أم عنبر وعلمت الجميع بقدوم الطفل الجديد ...
.
.
وعندما علم ابو ابراهيم بولادته أحضر لهم مايحتاجون من مؤنة البرد ونذر بإن يتكفل أمر هذا الولد ووالدته بل وبيت ابو سعد كله ...
.
.
أما فلوس ومريم فأصبح شغلهم الشاغل هو هذا الوليد الأبيض النقي
وبعدما أشتد البردأصبحت الغرفة باردة جداً وهم لا يمكلون سوى غطاء خيش واحد !
قررت فلوس بعد ذلك أن تحضر مريم ومنصور معهم لينام الطفل الوليد بين عائلة فلوس في مكان واحد وهل يوجد أدفى من هذا المكان الذي هو رغم صغره يسع الجميع أم هل هناك وسيلة تدفئه أعظم من الحب الذي يغمر أهل هذا البيت الصغير

إنه كالقلب رغم صغره إلا انه كبير يتسع للملايين؟
.
.
.


.
تشدوا بلحن خالد والليل بالترنيم نام
نم يا حبيبي ... نم يا حبيبي .. نم يا حبيبي ... نم يا حبيبي
نم يا حبيب القلب نام .. اهديك زوجا من حمام

(
)
(
)
.
.
.
.
.
مرت أيام (النفاس) سريعة على إمرأة لا ينتظرها رجل فهاهو شهر يمر كأنه يوم!
.
.
أم تستقبل صديقاتها على بساط أحمد يحوي فنجان قهوة وتمر
.
.
أما الطفل الوليد (منصور) فلا يمتلك شهادة ميلاد أو حتى شهادة تبليغ بالولادة ونسب..!
.
.
فأهله وأخوانه على علم بولادته ولكنهم حتى بعد مرور شهر لم يباركوا أو حتى يتكلمو بكلمة تخص وتبت في شأن هذا المولود ..
.
.
من يفرح بولادة الأبن هو الأب لذلك في الإسلام اليتيم هو يتيم الأب من يقدر أن يصرف على الطفل الصغير الضعيف المسكين وأن يدافع عنه ويحميه ويعطيه العزة والكرامه ؟
.
.
إنه يستمدها من والده ..
.
.
ولكن منصور للآن هو طفل مجهول الهويه ...!
.
.
بعد خروج جميع الصديقات العزيزات ذهبت فلوس وجضرت طعام العشاء للجميع أما مريم فظلت سهرانه طوال الليل لإنهم غداً سيذهبون بمنصور لجعفر التكروني الذي يطهر للأولاد ..!
.
.
مريم : يمه لازم نطهر لمنصور ..!
.
.
فلوس : لازم وش نسوي والمفروض أول مانولد بس أنا خفت عليه والحين لازم مانتأخر ..!
.
.
مريم وهي تناظر في منصور : طيب الختان يعور ؟
.
.
فلوس : أكيد يعور يقطعون لحمه وش هو بعد ..! ويوم شافت الخوف والرعب في عيون مريم غيرت كلامها وقالت : لااااا صح صح يقولون هو صغير ومايحس بس كل ماكبر وقسى لحمه تراه يصير يعور لذلك خلينا نطهر له بكره الصبح إ ن شاء الله ونخلص !
.
.
فلوس : يووووه يامريم تبكين ؟ ليش عادي ترى كل العيال كذا ..!
روحي نامي هالحين دام إنه نايم والصباح رباح ..
.
.
ذهبت مريم لتنام بجانب إبنها أما فلوس فكانت أخوف من مريم على منصور
.
.
كانت تقول أخاف أنجب الولد لأجل هذا اليوم العظيم
.
.
وفي الصباح أستعد الجميع للذهاب لمنزل العم جعفر الذي يحجم ويطهر وأحياناً يقوم بعمليات جراحية ..!
.
.
ومريم تبكي ...!
.
.
سعد : يمه وش رايك نخلي مريم تقعد هنا وأنا وإنتِ نوديه ؟
.
.
فلوس : لااااا البيت بعيد والولد بيبكي ولازم أمه ترضعه وتبرد كبده بعد الختان ..!
.
.
سعد : يامريم خلاص تكفين ترى سببتي لنا قلق تقول بنوديه لحبل المشنقه ..
.
.
ذهب الجميع لبيت العم جعفر فوجدوا أربعة أطفال رضع ينتظرون دورهم ..
.
.
فلوس : هه يامريم شوفي الحريم قلوبهم قويه كل هالبزران بيصير لهم مثل الي بيصير لمنصور ..
.
.
والآن دور منصور أخذه سعد وأعطاه جعفر التكروني وبعد دقيقتين صاح منصور بأعلى صوته وطلب جعفر منهم بإن لا يحركوا الرباط لمدة ثلاثة ايام وأن يضعوا زيت الزيتون الدافيء فقط ..
.
.
أخذت فلوس منصور وأعطته مريم التي كانت تبكي رأفة بمنصور ..
.
.
فلوس : خلاص رضعيه هالحين وبيسكت يالله رضعيه ..
.
.
أخذته مريم وأرضعته وذهبوا جميعاً ..
.
.
وفي الضحى وضعت مريم منصور في حضنها وهو لازال يرتعش من الألم وهي لا تريد أن تحركه أبد كي لا يشعربألم الجرح وكانت تنظر اليه بعين الشفقه والرحمه
.
.
وفلوس تعد طعام الغداء فإذا بالباب يُقرع ؟
.
.
فلوس : مين ؟
.
.
فتحت الباب فإذا بإمرأة طويلة تغطي وجهها بخمار أسود غليظ ..
.
.
فلوس : هلا هلا وسهلا ..تفضلي وهي للآن لا تعرف من هي هذه المرأة ؟
.
.
المرأة : شلونك يافلوس شلون أبو سعد ومريم والعيال ؟
.
.
فلوس وهي ودها تعرف من هي ذي : حنا الحمد لله بخير الله يسلمك ..
.
.
المرأة : عرفتيني ؟
.
.
فلوس : الصوت مب غريب علي بس لأ والله أفتشي وبعرفك
.
.
كشفت المرأة عن وجهها فإذا هي ساره شقيقة ابو محمد الصغرى
.
.
قامت فلوس من مكانها وأخذت ترحب وتهلل بصوت مرتفع كما يرحب العبد بسيده ..!
.
.
ساره : أقعدي يام سعد ..
.
.
فلوس: هذي والله الساعه المباركه شوي بجيب القهوة وبجي
.
.
ذهبت فلوس واحضرت القهوه ..
.
.
ساره وهي تشرب القهوه : تصدقين يافلوس للحين ماحد يقدر يصلح القهوه مثلك ..
.
.
فلوس : عطيني أصب لك بعد ..
.
.
ساره :: مبروك ماجابت مريم ..
.
.
فلوس وكأن جروح مغلقه فتحت : الله يبارك فيك .
.
.
ساره : وش القصه هالحين ؟ يعني مريم كانت حامل من أخوي الله يرحمه
.
.
فلوس وهي معصبه وبصوت عال: ايه من أخوك وإذا ماتبون تصدقون كيفكم .
.
.
ساره : طيب ترى أسمعك ..بس علميني شلون ؟
.
.
فلوس : لا تقولين شلون وماشلون ؟ بجاوبك إذا جاوبتيني إنتِ شلون جيتي لهالدنيا وشلون جبتي عيالك يالله علميني ؟
.
.
ساره تنظر بإستغراب ...؟
.
.
.
فلوس : ....سكتت قليلاً ومن ثم قالت هذي إرادة الله
.
.
ساره : طيب تدرين إن الجميع مو مصدق هالكلام ..
.
.
فلوس : إذا كان هذا هو الصدق وإنتم مو مصدقينه وش نسوي لكم ؟نكذب عشان تصدقون نقول الولد ولد حرام عشان تصدقون ؟وهي تبكي
.
.
ساره : استغفر الله حنا ماقلنا كذا
.
.
فلوس : أجل أنتم وش قلتم ...إلا قلتم كذا وعيال أخوك الله يرحمه قالوها لي بوجهي ومحلهم كان كله رجال لاخوف من الله ولا من خلق الله ..
.
.
ساره : ما ألومهم ..فلوس أسمعي أنا بتكفل بهالولد وبعطيكم نفقه دائمه له
.
.
فلوس : ابو ابراهيم ماقصر وحنا مانبي صدقات من أحد ..!
.
.
ساره طيب يافلوس أنا جيت بتفاهم معك وبنصلح الأمور بس إنتِ الله يهداك الظاهر ماودك ..يالله أجل بطلع الحين ..إلا وين مريم خليني أسلم عليها ؟
.
.
فلوس : مريم بجنب ولدها ...في الغرفة الثانية ..
.
.
ساره طيب ودي أشوفها وأكلمها _ وهي تقول في نفسها يمكن البنت أعقل من الام ؟
.
.
فلوس : طيب تعالي هنا وهي تمشي أمامها تدلها على مكان الغرفة ..!
.
.
دخلت سارة فوجدت مريم تجلس أمامها صحن مرق وقرص بر ..أما الولد فكان نائم في مكان مخصص له في زاوية الغرفة ...
.
.
ساره : شلونك يامريم حمد الله على السلامه ..
.
.
مريم : الله يسلمك ..تفضلي ياخاله وهي تقسم القرص نصفين وتعطي ساره نصف
.
.
ساره : لا لا الله يخليك يامريم بس جيت بسلم عليك وبقول لك حمد الله على السلامه وطلعت فلوس ومدتها لمريم ..!
ناظرت مريم في الفلوس ووالدتها خلف ساره تأشر لها لا لا لا
.
.
رفضت مريم أخذها وساره تقول : مريم هذي مساعده مني لكم وراكم إنتِ وأمك تغيرتوا كثير ..!
.
.
فلوس: حنا مانبي منكم شي حقنا بنآخذه منكم بس مو بهذي الطريقه ..
.
.
ساره عصبت : أي حق الي تقولون عنه إلا بتسرقوننا عيني عينك أسمعي سوو الي تبونه والله ماتقدرون تآخذون قرش وأنا جيت بوفر عليك مشوار طويل لا تقولين بندافع ومابندافع تدافعين على ايشششششش؟
وأثناء مافلوس وساره يتكلمون بكى منصور فذهبت مريم وأحضرته ووضعته في حضنها ..
.
.
نظرت ساره وهي تتكلم إلى مريم وفلوس وبالمصادفه جات عينها على الولد فرجعت تنظر اليه ..
.
.
وقاطعت ساره فلوس وهي تتكلم وقالت لمريم : عطيني الولد شوي ..
.
.
أخذت الولد وأخذت تنظر اليه بتمعن ..تغيرت كل مشاعرها وتقاطيع وجهها وإنفعالاتها وذرفت عيناها هي هذا المره ..
.
.
فلوس ومريم نظرو إلى بعض بإستغراب ..مالذي غير ساره مائه وثمانين درجه ؟؟
.
.
ساره قبلت رأس الطفل ..وكانت تهم بإن تحضنه ولكن مريم قالت لها بإنه مجروح ...
.
.
ساره : ياربيييه لوكان أبوك حي كان طار بك كان وش سوى ؟ تدرون بإنه يوم ولد محمد ذبح خمس ذبايح غير العقيقه الله يرحمه الله يرحمه
.
.
.
ساره سكتت قليلاً ثم سالت : مريم ..منصور يشبه مين ؟
.
.
مريم : للحين مابانت ملامح وجهه...
.
.
فلوس : يشبه جده ..
.
.
ساره : فلوس قد شفتي جده ..؟
.
.
فلوس : كل يوم أشوفه منصور يشبه جده منصور
.
.
ساره : لاااااااااامنصور يشبه جده أبو ابوه مو أبو أمه يشبه أبوي الله يرحمه ..حتى الحواجب متلازقه عند الجبهه والبياض سبحان الله تقول أبوي قاعد ...
.
.
فلوس : يعني صدقتي إنه ولدكم الحين
.
.
ساره : الولد نسخه من أهله مافيه ولا شي منكم ...!
.
.
فلوس : لو ندري كان وريناك إياه من أول ...حنا ياساره ناس فقراء صح ونشتغل أي شغله صح بس حنا مانكذب ولا نسرق ولا نخون ..
.
.
ساره : أجل خوذي هذي يامريم هديتي لمنصور ولأمه..
.
.
ترددت مريم ..ونظرت لفلوس التي هزت رأسها بالإيجاب هذه المره
.
.
ساره : سامحيني يافلوس كنت ظالمتكم بس الحين اقول لكم دافعوا وطالبو بحق منصور وأنا معكم ..بوقف معكم ومع منصور وبعلم أخوانه إنه أخوهم ..
.
.
فلوس : الله يزود هالوجه المنور نور الله يبيض وجهك إنتِ مو عمة منصور بس إنتِ عمتنا كل أبونا
.
.
خرجت العمه من البيت وهي تمسح دموعها ...
.
.
سـتـرت دمـعـي بـكـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي

وسـريت تـايـه ورى خـطـوات رجـليـنــي
لا الوجـه وجـهي ولا أوصافي هي أوصــــافي

أمـشـي وأقـول لـطـريـقـي لاتـوديـنــــي
لـعـيـون نـاس تـبـي تـدري عـن الـخـافـي


مـاودي الـنـاس تـدري وش يـبـكـيـنـــــي
كـرامـة الـنـفـس ورث أبـوي وأســـلافـــي

أمـشـي وأحـس الـخـنـاجـر فـي شـرايـيـنـي
والـبـرد يـمـشـي وراي ويـنـهـش أطـرافـي

اليوم التالي جمعت ساره كل العائلة في المنزل الكبير بيت شقيقها أبو محمد الذي يسكن فيه أولاده وتجمع الجميع أولهم محمد وأخوانه وأخواته وأولادهم كبيرهم وصغيرهم
.
.
وقالت العمه ساره : أسمعو كل أبوكم أنا بكره إن شاء الله برجع ديرة زوجي وعيالي
أمس رحت بيت فلوس على أتفاقنا القديم ..
.
.
محمد : وعطيتيها الي تبي ؟
.
.
ساره : محمد لا تقاطعني شوي بكمل لكم ..رحت عندهم وكانو توهم جايين من عند العم جعفر طهرو للولد ..وتراهم سموه منصور على أسم جده ابو مريم

محمد : وحنا وش يدخلنا ..يسمونه إن شاء الله مبثور ...
.
قاطعته عمته ساره وقالت : محمد ترى لو ماسكت هالحين بنطلعك من المجلس !أعوذ بالله مافيك صبر خل أكمل وبعدين قول الي تبي ..!
.
.
الموهم إني شفت الولد ومن شكله وملامحه وشامته ولونه عرفت إنه أخوكم وأكثر واحد فيكم يشبه أبوي ..فلو سمحتوا لاتكثرون هرج ومرج المره صادقه والبنت حملت من ابوكم الله يرحمه وبعدين أخوي الله يرحمه كان حاس إن في ظهره ولد وقالها لكم بالحرف وهذا هو الولد ..
.

هاج الجميع على ساره ..فنهرتهم وقالت : أسكتو وكلو تراب هالحين يوم جاتكم فلوس المحل تطردونها وتقذفون بنتها ؟ عسى ماتحسبوني فلوس قدامكم لااااااا تشب ولا كلمه من اصغركم لأكبركم فلوس الولد وورثه من ابوه لازم يآخذها وبعدين يالي ماتستحتون على وجيهكم زوجة أبوكم الله يرحمه كذا تعاملونها تعطونها كم قرش كأنها عبدتكم خافو ربكم ؟
والله لو أبوكم عايش كان صارت علوم ...أخوكم ينولد مثل اليتيم ويتربى عند جده المريض وحلال أبوه ملى الدنيا ؟ ولااااا أزيدكم من الشعر بيت أبو ابراهيم يتصدق عليه ويأكله ويجيب له الكسوه ..!
أبو أبراهيم الي أبوكم عطاه وساعده في التجاره لين صار تاجر ..أبو أبراهيم هالي يآخذ بضايعه منكم وإنتم تغطونه بحلالكم أوف منكم وش تبون أنتم وش تحسون به ؟
.
.
محمد : عمتي ساره لين هنا وخلاص لازم أتكلم واقول وش عندنا ...
أول شي كلامك تغير وهذا مو أتفاقنا حنا أرسلنا لك وقلنا لك تعالي من آخر الدنيا عشان توقفين بصفنا مو بصف فلوس وبنتها..!
.
.

ساره : أنا بوقف مع الحق وكنت أحسب الحق معكم ولإني شفت الولد نسخه منك يوم إنك صغير بس هو يشبه جده أكثر منك ..
.
.
محمد : هالكلام مايمشي عندنا ...فلوس الساحره أكيد حطت لك شي في قهوتها الي تحبينها وتحلمين في قهوتها وش زود هالقهوه إلا إن فيها البلى ..!
.
.
ساره :أستغفر الله الهالدرجه الفلوس عاميه عيونكم شوفوا أنا مع فلوس ومع بنتها مريم لين تعطونها حقها ..قولو مسحوره قولو مخرفه الي تبونه بس حق أخوكم له ولو أبو محمد عايش كان هجدكم بس الله يرحمه الله يرحمه
.
.
عبد الله : ياعمتي هالحين إنتِ معنا ولا علينا ..
.
.
ساره : أنا معكم ..وأخاف عليكم من عذاب الله إن أكلتم مال هاليتيم المسكين ..وبعد حنا ناس مانرضى نظلم أحد ولا نآكل حق أحد ولا لقيتوا تآخذون إلا مال أخوكم ؟
.
.
محمد : هذا مو أخونا ولا أحد معترف فيه ولا أحد بيعترف فيه ..
.
.
ساره وهي تقوم : أثره كذاااااااا أجيكم من آخر الدنيا وأترك عيالي وبناتي عشان تسوون فيني كذا أجل أنا مانيب عمتكم ولا أشوفكم ولا أعرفكم ليمن تعترفون بمنصور وتعطونه حقه هو وأمه ..!
.
.
محمد : ياعمه أقعدي تعوذي من أبليس ..
.
.
سااره : تعوذوا إنتم أول من أباليسكم ..أعوذ بالله منك ياشيطان ...
.
.
محمد : طيب تعوذنا وش يرضيك ؟
.
.
ساره : تروحون بكره تشوفون أخوكم ..لو شفتوه بتعرفون إنه أخوكم من دمكم ولحمكم وبترق له قلوبكم ..والله إنه أخوكم ياناس وش فيكم ..
.
.
.
محمد : طيب صار من بكره بنسير على بيت فلوس أنا وأخواني
.
.
ساره : وخذ خواتك معك يشوفون أخوهم ...وتفاهموا مع فلوس وبنتها وعطوهم حقهم والله الله في أخوكم ..
.
.
محمد وهو يحب راسها : طيب ولا يهمك ياعمتي ساره بس عندنا شرط ..!
.
.
ساره : وتتشرطون بعد هاه علمنا وش هو شرطك ؟
.
.
محمد : لو شفناه وماحسينا إنه أخونا ..!
.
.
ساره : إلا بتحسون لو لكم قلوب تحس بتحسون به وأنا متأكده إنكم بتعطونه حقه ...شوفوه وبعدين يصير خير ..
.
.
أنتهى الإجتماع ..وفي الصباح تجمع الأخوان ..
.
.
محمد : تزهبوا كلكم اليوم بعد العصر بنمر بيت فلوس وبنسلم عليها على أمر عمتي ساره بس مو لازم نعطيهم شي ؟
.
.
لطيفه : بتزعل عمتي ساره ؟؟
.
.
محمد : عمتي بكره بترجع عند زوجها وعيالها إلا اليوم إن شاء الله وش يدريها وش بيصير ؟ ومتى بتجي عندنا مرة ثانية إلا لو فيه عزاء ولا زواج هالمره حنا أرسلنا لها وجات وليتها ماجات ..!
.
.
لطيفه : طيب يمكن إنه أخونا مثل ماقالت عمتي ..لو حسيت أنه أخوي ؟
.
.
محمد : لطيفه أقول أنطمي حنا نقول كذا لعمتي ساره عشان بس نسكتها وماتسافر وتطلع من عندنا وهي متضايقه وزعلانه وتقاطعنا ..بس هذا كلام هرج كذا _ وكان محمد يحرك أصبعه حول لسانه أي كلام كذب !
.
.
.
ودعتهم عمتهم ساره وهي لازالت توصي في منصور ووالدته ..وخرجت وكلها أمل بإن الأولاد سيعطون أخوهم ماله ..!
.
.
وفي العصر ذهب الجميع لبيت فلوس ...
.
.
فلوس : مين ؟ نظرت من طرف الباب فوجدت اولاد أبو محمد وبناته ..

تفاجأت فلوس وكاد عقلها أن يطير و أستبشرت خيراً فزيارة العمه ساره ستنهي كل المشاكل وستأخذ مريم ومنصور حقهم من ورث ابيهم ..
.
.
العمه ساره كلها شموخ ..ولا ترضى إلا بالحق الذي وقفت معه وفي صفه فهل زيارتها ستحل كل هذه المشاكل وبهذه السهوله ؟؟
.
.
إذن شكراً للعمه ساره
.
.
.
.
فيني شموخ غارسن عزتي غرس
ومهما يجور الوقت مالان راسي

" ابوي "
علمني وأنا حافظ الدرس
العز من
طبعي وترى الطيب ساسي

" ‏أنا "
حمست العز في داخلي حمس
وهيلت فنجاله وقندت رأسي