عند الله لا تموت الامنيات ،، ربي يحقق امنياتكم دخلوا فديتكم

السلام عليكم ورحمة الله وبركاته

اليوم ابي افضفض لكم عن ألي بقلبي حاسه بضيق وابيكم تواسوني لاني بجد متضايقة

بخبركم قصة معاناتي ،،،

وانا ادرس بالجامعة آخر سنة دخل انسان بحياتي وهالانسان قبل لا يصير كل شئ أستخرت ربي ف أمره وحلمت بنت خالتي تحنيني برجلي ولما سألت قالوا لي خير ،،

المهم خبرت أختي الكبيرة عنه وهي متزوجه وصاروا اخواتي 3 يعرفوا عن موضوعي 2 متزوجات ووحده بعدها تدرس ..

المهم الولد فاتح صديقة اقرب واحد بالموضوع وراح صديقة سأل عنا وشجعه قال له هذولا ناس زينين وقبايل وصديقة كثير متحمس لانه احد من اهله متزوج من عندنا وهو فرح وتشجع وراح خبر اخوانه وعنده 3 اخوان ،،،

واحد اسمه سالم الاخ الكبير والاوسط ماجد واصغر يوسف وهم متزوجين وبعدين أحمد الي يبي يخطبني

سالم دايما يريد يخطب له عن طريق زوجته يدوروا له ناس عندهم فلوس ورتب وهو يرفضهن يقول ما اريد ،،

المهم راح لماجد وسأله يقوله تعرف الناس الفلانين قال ايوا اعرفهم (( لانه بنت عمي تشتغل مع ماجد )) وتخيلوا مدحنا وقال عرب وقبايل هذولا ،، واحمد سكت وراح

وسال اخوه يوسف وقاله يسال عنا ولما سال عنا قاله يوسف اشجعك تروح تخطب ما عليهم كلام هالناس ،،،

المهم راح احمد وقال لماجد انا اريد اخطب من عند فلانه بنت فلان (( الي هي انا)) وانقلب وجه ماجد ،،

وقاله هذولا عندهم مشاكل وهذولا البنات لسانهم طويل واخاف تتزوجها وتطلقها !!!!! (( حكم كذي من راسه كأنه يعلم الغيب )) وكل كلامه الي قاله عنا ما مقنع ولا منه ،، والله ما شغلي مشاكل ف حالي بس ربكم كريم
والله شاهد انه قلبي نظيف وابيض والحمدلله طيبتي وحنيني ف قلبي كبيرة

المهم مرة سنة وانا خلصت فيها جامعه وهو يكمل ماستروكان باقي له فصل قال من اخلص الماستر بتقدم رسمي خلاص وانتظرته لحد ما خلص وفعلا راح وكلم اخوانه مرة ثانية ،،،

وكان ف الفترة الي هو يكلمهم انا كنت اقوم الليل بجزء تبارك وعم في 8 ركعات وكنت ادعي ربي انه يسر امور خطوبتي ويتم موضوعنا وكنت ابكي واشكي حالي لربي واستغفر ف اليوم 1000 مرة واسبح وكان كثير متعقد الموضوع ومر اسبوع واجى الاسبوع الثاني ويوم الخميس اجت اختي عندنا وقالت لي انه حد اجى يخطبك انا صراحه تشاءمت لانه احد ف بالي ،، سألتها من قالت احمد فتحت عيوني احمد كيف ومتى ؟؟؟ اختي مستغربة تسألني انتي ما عندك خبر قالت لها لا ما خبرني انه خطبني قالت الموضوع صاير من 3 ايام عاد !!!
ورحت صليت ركعتين شكر وحمدت ربي وشكرته والحمدلله ،،
سبحان الله ف لمحة بصر صار (( كيف صار ؟؟ اتصل احمد ف وحده تصير زميلة ماجد ومقربة منه وقالها انه يريد يخطب واخوه معارض وراحت اتصلت ف ماجد ومعرف شو دار بينهم وقنعته وصار الموضوع )))

وخبرتني اختي اتصلت فيها بنت عمي الي تشتغل مع ماجد تقولها شخص اسمه احمد يريد يتقدم لاختك وخبري ابوك عشان هم يريدوكم تردوا عليهم عشان يحددوا موعد مع ابوكم ؟؟

راحت اختي وخبرت ابوي وخبرته انه بينا شئ وانه نريد بعض والحمدلله ابوي صح متدين ومطوع بس انسان متفهم ف هالامور اجى ابوي وسألني عنه وانا بصراحه ما قصرت خبرته كل شئ من يوم عرفته لحد هذيك اللحظه وطمني وقال اذا ناس زينين انا ما بعارض زواجك وربي يوفقك وامي فرحت وابوي نفس الشئ ،،،

ورد عليهم ابوي بعد اسبوع وما طول مسكين بالسؤال عنهم عشان ما يريد يعرقل الموضوع عشاني يريد يسره لي ،،،

وراحت بنت عمي وقالت لماجد انا عمي (( الي هو ابوي )) ينتظركم ف بيته يريد يشوفكم قبل كل شئ وطبعل هذا الي يصير وعطته رقم ابوي عشان يتصل فيه ،،

انا خبرت احمد انه ردينا ع اخوك قال ايوا عارف خبرني وكان متضايق وصار بينا كلام ومن ضمنه اخوه اتصلت فيه وقاله تراه الناس ردوا علينا واذا رحنا خطبنا رسمي ماشئ رجعه عن الموضوع وانا تضايقت وتشادينا وجرحني قال انا اذا جيت اخطب ما معناه انه خلاص الموضوع تم بعده بيجي يسألني ابوي اذا اكمل ولا لا وانا عاد اقولهم اذا بنجي رسمي ولا لا ،،،
(( تراه عندنا بعاداتنا يجي اول شئ الولد واحد من اهله وابوه يتعرفوا على اهل البنت وعاد اهل البنت بعدين يسألوا عن الولد ويردوا عليهم اذا موافقين ولا لا عشان يجوا يتقدموا رسمي ))

انا بصراحه انقهرت مفروض انت جاي تخطب خلاص سال عن البنت الف مرة وجاي مقتنع عشان تخطب والموضوع يكون بيد اهل البنت مو بيدكم !!
قالي اوكي بجي اخطب بس رفضيني قلت له تمام وان بداخلي جرح محد يتصوره !!!!!


ورجع قال انا اسف ما قصدي اقولك كذي من عصبيتي قلت هالكلام وسامحته !!!!

وبعدها انتظرته يجي هو واهله محد اجى وصار الكل يسأل شو صار بالموضوع وليش ما اجوا عاد شهرين ومحد اتصل ف ابوي وابوي انتظرهم لحد ما تعب وامي كل يوم تسالني واختي كل يوم انا وهو نتضارب !!!

وانا صابره عشانه وهو كل يوم يقول تمام بقنعهم ومخوفني بمنازعته وضرابته كل ما فتحت الموضوع جليت يصارخ احيانا احس نفسي ذليت نفسي عشانه والله اكتب وانا ابكي من القهر ،،،

وقبل اسبوع انا خلاص طفح الكيل عندي قلت له يا تنساني يا تخطبني رسمي انا ما مستعده ابيع اهلي عشانك !!

بس عشان اهلي مش تبع مشاكل ومتفهمين انا اخذ راحتي معك واكلمك !!! ولو انهم ساكتين بس ما راضين ولا مرتاحين اني بعدني متواصله معك !!!

وقطعت كل شئ وتركته اول يوم اتصل وبعدها رسل وطنشته !!! واليوم عاد 5 يوم ولا سأل ولا حد اجى يخطب !!!

انا رفضت كل حد عشانه وتمسكت فيه وقطعت الطريق لاني تمسكت بوعده !!!
ولما احد يجي يخطبني قلت لاهلي انه بحياتي انسان وبنتظره !!!

شو فاد انتظاري وانا الحين 28 سنه !!!

بس الحمدلله على كل حال وربي ينتقم من كل ظالم !!!
وسبب رفض اخوانه انه ابوي رجال فقير هههههههههههه
والله انهم يهتموا بالمظاهر
ما اريد امدح ابوي بس كلام الحق يقال : ابوي انسان متقاعد متدين حافظ القراءن وامام مسجد ويغسل الموتى ويملك الناس الكل يريده يملك لاولاده لانه تعجبهم اسلوبه في القاء الخطب ،، رجال مثقف وصاحب علم بعد التقاعد استغل وقته في قرآءة الكتب طول وقته تشوفوه ماسك الكتب ويقرا فيها ويستنبط منها ويقارن وعنده علم والحمدلله ،،
الناس تحب تجالسه كل احد يقوله لو يوم وحد ما شفناك بالمسجد المسجد ظلام ووجودك نور ،، ف حارتنا كم مسجد والله الكل يضارب عليه نريدك معنا ف المسجد الفلاني وكل حد يطلبه محبوب بين الناس ،،
اصاقاءه المقربين الشيوخ وناس معروفين ،،
درسني انا 7 سنوات ف اغلى جامعه عندنا وع حسابه الخاص محد ساعده ولا تسلف سبحان الله ودرس اختي بكلية بس غالية واجد يقول راتبي قليل بس يجلس لنهاية الشهر وزياده والله ما تصدقوا 2000 ريال سعودي مصروف البيت كامل عليه ودراستي انا ف الفصل 15000 ريال سعودي واختي ف الفصل 12000 ريال سعودي ،،
البيت يتكون من اخواتي 3 وزوجاتهم ولا يدفعوا ريال ع مصروف البيت مصروفهم لهم وحدعم وابوي يصرف ع البيت ،،،
يقول الحمدلله ربي مبارك لي في رزقي ،، وفعلا هذا الي شفته يده بركه ورزقه ولو قليل بس يسوي فيه كثير اشياء ،،

وامي لو جلستوا معها بتحبوها موووت جلستها خفيفة وتضحك وكل من شافها من صديقاتي وصديقات اخواتي ماتوا فيها وحبوها ،،، والصباح تروح تعلم قراءن والعصر تروح مدرسة تدرس صف اول وهذا وقتها تقضي
وف البيت تجلس تحفظ القراءن والله بختها هي وابوي وربي يحفظهم ،،،

كل ما نطلب شئ وفروه لنا والله ما يبخل علينا لو غالي يشتريه لنا ،، مهما وقف ثمنه حتى الكل حاسدنا يقولوا الحساد نحن بناته مدلعنا وقاصين عليه لانه ما نتنازل عن الغالي كل اشياآنا غاليه وفشار ؟؟ ومن يقول كذي بنات خالتي الله يسامحهم ،، لو طلبت منه 200 عطاني 400 وكذي طبعه ما يحب يقصر علينا بشئ !!

ونحن7 اخوات 5 متزوجاات وباقين انا والي اصغر مني ،،،

ومحد يعرفنا بالحارة بالاخص انا لاني درست بالثانوية بعيد عن اهلي بمنطقة ثانية وعشت مع اختي الكبيرة والجامعه هم بعيد خذيت سكن !!!

وسمعتنا طيبة ومعروفين بجمالنا واصلنا ونسبنا نعروف !!!!!


والحين بخبركم عن الي خاطبني ومبهدلني ،،،

ابوه متقاعد وامه مصرية مع احترامي لهم وللمصريين ،،
واخوه الي معارض يشرب وكان مطلق وتزوج مرة ثانية واحسه معقد واحسه فيه غيره ربي يعينه بس

ولو قلت وبلهجتنا ظهري وبطني عرب واصل !!!!!!

الحين من له حق يرفض الثاني !!!!

وشو تشوروا علي بعد ما خبرتكم كل شئ

وبخبركم حاجه اني من عرفته واحلامي كلها خيره وع فكرة انا كثير استخير حتى حلمت حلم انا وهو فيه وفسرتت وقالوا لي خيره لك سبحان الله ،،،
ومعلومه ثانيه فيني مس مانع زواجي وانا الحين ف فترة علاج ودعواتكم لي بالشفاء وربي يسر الامور

خبرتكم قصتي وعاد عرفتكم بنفسي واهلي مرة وحده هههههههههههههههههه عشان احسسكم بوضعي وبحرقتي !!!!!


انتظر ردودكم يا حلوات لا تخذلوني ولو بدعاء من ظهر قلب ربي يسر اموري ،،

لاني لحظت فيني حاجه ما يتم موضوع الا لازم اتعب قبل لا يتم سواء بدراسه ولا بزواج ،،

وع فكرة توظفت باركولي ههههههههههه


وسامحوني اذا ف اخطاء والموضوع ما مرتب لاني داشه من فوني ،،،،،