عند الولادة من تاخذين معك أمك وإلا أم زوجك

مثل ماهو باين بالعنوان .. وقت الولادة من تختاري تكون معك أمك والا أم زوجك .. وليش ؟
طبعا أنا أفضل أنه أمي تكون معي .. بس زوجي يعند .. ويكلم أمه تجي عندي .. وبالاخير يروحوا معي هم الثنتين ..
في الولادتين السابقتين حضروا معي أمي وام زوجي .. بس فولادتي الأخيرة أم زوجي تعبتني كثير بصراحة .. يعني طول الوقت تروح للممرضات تبي يعطونها أدوية. . لأنه عندها سكر .. رغم أنه دواها عندها .. وطول الليل تروح للمريضات تبي تسولف معهم وتتعرف عليهم وكذا .. والمريضات وطبعا كلش مو وقته .. هذا كله قبل الولادة .. كنت وقتها بالقسم لأنه نزل عندي المويه بس الرحم ما انفتح والدكتورة قالتلي لازم طلق وام زوجي رفضت وظليت يومين وبالاخير طفشت ووقع زوجي ع الأوراق .. بس لما عرفت عصبت وقالت تسرعتوا وما أدري أيش .. وبعد الولادة طلع البيبي ملتف الحبل السري ع رقبته مرتين .. والدكتورة قالتلي كان ممكن يموت لو تاخرتي ..
حكيت قصة حياتي بس عشان تفهموا ليش ما أبيها تروح معي ..
ومن يومين كلمني زوجي قالي من بيروح معك وقت الولادة قلت له أمي طبعا .. قال ما ينفع .. خلي أمي تروح معك أفضل .. المشكلة انه وقت مدارس .. وامي ساكنة بمنطقة ثانية.. يعني لو جاتني الولادة وامي مو معاي زوجي بيصر انه امه اللي تروح ..
شو الحل يا بنات ؟كيف أقنعه ؟