يــااااااااارب رحمتك

اما انا قصتي قصة تركني زوجي عند اهلي 10 شهور تخيلي !!!! في هالوقت كانت تجيني احاسيس ملخبطه انه بيطلقني واحاسيس انه بيرجعني ماكان بيني وبينه اي تواصل سوا اني ارسله مسج رسمي جدا عن حاجيات ابنه وانا ما اطلبه مصروف لي يعني مابينت له اني محتاجتك ع العكس كنت احط خلفيتي في الواتس مدح بنفسي وبأنوثتي واحط شغلات تبين اني مبسووووطه عند اهلي وكان هو يراقب كل تصرفاتي بالسكات رغم انه كان يجرحني ساعات لما يحط خلفيته في الواتس كلام كأنه موجه لي مثل ماخسرت من البشر الا الرخيص كان يبي يغيظني وبالفعل وربي انقهررررت منه وساعات اقول خلاص انا بطلب ورقتي منه بس اهلي يهدوني واتعوذ من ابليس..
كنت في هالفترة استخير ربي اذا كان خير رجوعي له ان ربي ييسرلي وارجعله وان كان شر يصرفه عني..
الی ان جاء ذاك اليوم اللي ماهو علی بالي..
ويتصل علي ويقولي ماودك ترجعين لبيتك ولا عاجبتك الجلسه عند اهلك '' لاني انا كذا بينت له اني مبسوطه عند اهلي واني مش مهتمه فيه وانت ولا علی بالي '' فهو انغاظ وانقهرر لانه ماكان متوقع اني كذا بتخلی عنه او بتركه فهو كان يفكر اني بركض وراه وببادر براضيه لاني انا اعترف اني كنت كثير اراضيه لما كنت عنده قبل الزعل فهو تعود وهذا كان غلط مني عشاان كذا تركني الظاهر انه كان كل يوم يمر ينتظر مني مبادره الی ان طال الوقت وصارت شهوور بس انا طنشته ... كان لما يجي ويجيب اغراض ابنه اول مره انا اخذت منه الاغراض ومرا وراء مره خليت اخواني الصغار هم اللي ياخذو منه الاغراض ..لكن اذا دق علي وقالي اليوم جاي باخذ الولد انا اللي كنت اطلعله واعطيه الولد وهكذا كل مره ...
للأمانه كان سبب قوي زعلي مش حاجه بسيطه...
ولما رجعتله هو اللي قالي كنت اراقب كل تصرفاتك من بعيد واشوف ايش تحطي وايش تعملي..شفتي كيف الرجال لما يحبون بس عندهم كبرياء يمنعهم احيانا من التنازل الا اذا شافو مافي فايده بعدها ممكن يتنازلو بس مو كلهم انا ما ابغی اعمم وبس ...
دعواتك لي ان ربي يهدي زوجي ويسخره لي ويصلح حالي واحوال المسلمين..

احس الي مو متزوج بيكون وضعه مختلف
مثل وضعي مابيكون ذاك التمسك دام فيه زوجه غيري وجاتها فرصه تنفرد فيه وهو من الاساس يحبها
حاولت اطنشه لكن لقيت اني انا الخسرانه لان بكل الاحوال لافاقد اهتمام ولاشي
بس لو جرب يعيش لوحده ويشوف فرق غيابي بيحن ويشتاق


اسال الله بحق هاليوم ان يحرمها عافيتها ويوريني فيها عجايب قدرته
يشهد الله محروووووق قلبي على الي انا فيه

انتي الي اعطيتيها مجال لاتزعلين ارجعي بيتك مو لازم يجي ياخذك هو قولي تعال انا برجع ولارجعتي تغيري ميه وثمانين درجه سواء كنتي الاولى ولا الثانيه لاصار عندها لاتبلشين فيه ولاجاء قومي به على اكمل وجهه لاكن باسلوب مايبين حبك له ولا احاسيسك ترى المتزوج ماينفع تركضين وراه وتدورين رضاه واذا عنده مره لاتتركين بيتك لان شي طبيعي بتستغل هالموقف الرجل المتززززوج مايبلش اذا وحده راحت ببيت اهلها مخدوم ومحشوم وبتقوم بواجبته المره الثانيه انتي ادعي الله دايم ولارجعتي شيليها من بالك واحقيرها ولاتردين قسم غير تتادب وتفقد الامل منك والله يسخره لك وحسبي الله على كل زوجه تحرض زوجها وتحس ان المره هي الي خاطفه رجلها ماتدري انه هو الي ركض وراها وخطبها وقدم الااف لها والله يسخره لك ويعدل بينكم وكرري دايم ربي اكفني شرهم بما شئت ربي اجعل تدبيرهم تدمير ا عليهم وافضحهم امام خلقك انك انت ربي وحسبي ونعم الوكيل

اختي ودي اسألك كم لك متزوجه؟؟؟
وهل عندك اطفال منه؟؟؟