عند تشغيل الجهاز يعمل تدقيق للهارد دسك ثم يعطيني شاشه زرقاء

أختي شوفي خبرتي بسيطه ويمكن الأخوات راح يصححون لك المهم عند إقلاع الجهاز إضغطي على f8 بإستمرار راح تطلع لك شاشه أختاري منها فتح الجهاز بالوضع الآمن يعني safe mode وهناك حاولي تحذفي أي برنامج تشكي أنه سبب المشكله يمكن نزلتي برنامج بعد ذلك عملت لك هذه المشكله فأحذفيه من هذا الوضع وأعيدي تشغيل الجهاز ويمكن بجهازك فيروس حاولي تعملي سكان على جهازك وإذا طلع لك فيروس أتركي البرنامج المضاد يحذفه وأعيد تشغيل الجهاز وشوفي ويش راح يصير معك أعذريني هذا اللي أقدر أقوله الحين ونشوف بعدين ويش الحل
تحياتي لك

الله يعطيك العافيه أختي oman 911 على الرد ...بس أختي إذا كانت خبرتك بسيطه ترى أنا بالمره ماعندي اي خلفيه عن التعامل مع مشاكل الكمبيوتر.. :( ...الحين تفرحين طلعتي خبيره مقارنة بي..

المهم عملت كل اللي قلتي لي عليه بس الجهاز مازال يعمل بنفس الوضع ...بس لاحظت شئ ثاني ان الكيبورد لا تعمل ....(اللمبات الموجوده في اعلاها لا تعمل) ..يعني لما أضغط على f8 مارايح يعطي نتيجه لانه مافيه إرسال بين الكيبورد و الكمبيوتر
الله يعافيكم ساعدوني... :icon33:

أختي عاد إذا بجهازك الكيبورد مايعمل ماشيء حيله الا الفورمات وتصبري وراح تروح كل مشاكلك معه قصدي مشاكله معك ولا تبكين ترا الدنيا ما تستاهل ( عملي فورمات وتوكلي على الله ) وعلى فكره أنا شاب مو بنت
تحياتي لك وأعذريني على ردي هذا وأنتظري رد الأخوات يمكن يكونون عندهم حل

اسفه اخوي oman911 على الغلط اللي حصل بالرسالة السابقه...بس والله هالكمبيوتر ماخلى فيني عقل ....لي سنه اشتغل برسالة الماجستير وحافظه كل شئ على الكمبيوتر ...ويوم قربت النهاية قام سوى عمايله الشينه فيني .....والله مستحيه من مشرفي الدراسي يوم سالني عن اخر جزء كتبته .. اقوله حفظته على الجهار والجهاز مو راضي يشتغل .... :(

اخوي ...قرأت بالمنتدى طريقة فرمتة الجهاز وسبق لي ان قمت بها لما كنت بالوطن بس الحين مو كل الدسكات اللازمه للفرمه عندي ( انا حاليا ببريطانيا) ...هل من الممكن الحصول على هذه الدسكات عن طريق التنزيل من الانترنت او من احد اعضاء المنتدى ....

ومشكور اخوي اولا واخيرا