صحيح كلامك اختي عطر الزمن عن موضوع التفكير في الزواج
انا ولدي عمره 7 سنين وانا من زمان وانا احاول اعرف ازا ممكن يقدر يتزوج مو علشان شي بس ابغا اطمن قلبي عليه لانه مهما كان الاحفاد ممكن اشوفهم من غيره لكن الاحساس بالنقص للرجال مرره سيئ ومن دحين باحاول انه اجنبه هادا الاحساس
وولدي الحمد لله يصلي ويصوم ويعرف كل الحقوق اللي عليه
وعلى قولك رضا الناس غايه لا تدرك

(( طفولـــة معـــــــاق )) ..



الطفوله ..

أحلى مافي هالحياه

مرحله من غير هم

كنـّا دايم نبتسم

كنـّا حتى لو بكينا ... وجارت الدنيا علينا

بعد لحظـات وثواني ...

بسمه فينا ترتســم

كنـّ نركض خلف كوره ... لا لا أنا ماكنت معهم؟

وحدي بس بعيد عنهم ... كنت أضحك من ضحكهم ...

جالس لحالي أهذري... جالس أحسب كم( كوبري )...

صلـّحه( أحمد ) في ( ماجد ) ؟؟

والله واجد!!

وقبل ما يحل الظلام ...

للبيوت نروح نجري ... لا لا أنا ماكنت معهم !

أمشي وحدي بعيد عنهم ... أمشي وأعدد أثرهم!

وهم عني يبعدون ...

يبعدون ... يبعدون ...

إلا( ماجد )!

كان مثلي حيل ضايق ...

بس حزنـي كــان حارق

كان يسألني ببراءه : ...

لي تعرج ؟ ... قلت مادري ! - باستياء -

ليش تبكي ؟ قلت مابكي - بكبرياء -

ضاق مني ...

ثم سألني في غباء ...

قال ( وثرايك تـثــابق )؟

وراح عنــّــي ... !!


****************************

كنت أسأل دوم نفسي ...

ليش ما أركض معاهم ؟؟

ليش دوم أمشي وراهم ؟؟

وش بلاي ؟؟ أو وش بلاهم ؟؟

ليه أنا غير الأنام ؟؟
زاحمتني الأسئله...

كل شيٍ أجهله ؟

وإن تعبت من الإجـــابه...

أحظن الحيـــره وأنام .


****************************

مرّت سنين وكبرت ...

صار همّي اليوم أكبر

حتى دمعي صار أكثر

للأسف توي قدرت ...

أفهم إني شخص ( عاجز )!

يعني بيني وبينكم

مليون حاجـــز !!!

صدقوني ذي حقيقه ...

لا طلعت السوق ... كل مامشي دقيقه

القى كل شوي أبله !

يمشي ويناظر صديقه ...

ويغمز له

يقول : ناظر...!

وش يناظر ؟؟

وتتفجّــر في خفوقي
ألف ضيقه

ووحده في وسط الزحام ...

طالعتني باهتمام ...

بنت في عمر الزهو ... أي رشاقه ... وأي أناقه ...

وأي عطـــور !!

قلت في نفسي ياهووووه

هي تناظرني بغرام ؟ أو هي نظره والسلام ؟

بس أكيد إنها تعرفني ... شايفتني ؟

شايفتني في جريده ؟

واعجبتها لي قصيده ؟

إيييييه أنا توي افتكرت ...

لي قصيده ...
كنت ناشر معها صوره

بس صوره ... ياسلااااا م

وفاجأتني ...

لمـّا صارت لي قريبه ... كانت تـتمـتم بطيبه

( يكسر الخاطــر حـــرااااام ) !!!!!

وتركت دمعه غريبه ...

وضاعت بوسط الزحــام
n
دمعه كانت تحكي وضعي ... زلزلتني

ارتطم قلبي بضلعي ... دمرتني

صدقوني ...

أصعب اللحظــات وأقسى

لاغدا الرجـّــــال يكسر ... خاطر انثى

كيف ينسى ؟؟؟

جاوبوني !

******************************

وزاد همّــي ...

يوم فكــّـرت بوظيفه ... ثم زواج

أي وظيفه ... وأي زواج ؟؟

اللــي مثـلي ...

مهما طالب ... لويلف ولو يدور

زين لو حطـــّــوه كــاتب

لا ... وعلى بنــد الأجـــــــور ...

ماهو رسمي !!!

صدقون لو تدرّج ... وصار راتبه يتصاعد

وابتــدا وضعه يزين

ما أظنه بيتزوّج ... إلا من بعد التقاعد

من سنه الى سنتين !


******************************

وفي النهــايه ...

يابلــدنا... مهما كانت تسميتـنا

عاجزين ... معوّقين

لك عهدنا... وذا قسمنا:

أقسم بالله العظيم ... منزل الذكر الحكيم

أن أصونــك يابلادي ... من شرور العابثين

من مطامع كل حاسد ... من نوايا كل فاســد

وإني لك حصن ٍ حصين

إنتي ناديني وشوفي ... لا نويتي باجهــاد

والله أقهر لك ظروفي ... دامك إنتي لي بــــلاد

وباسم كل العاجزين ...

دام فينا أصبع يطول الزنـــاد

لا يهمــّـك يابلادي ...

وازهليهــــــــا.


****************************

الله يخليها لك يارب ويعطيك من خيرها يارب وتشوفينه احسن البنات ولا يحرمك اجرها يارب ويشفيها وياعفيها يارب لك ويطلق عوقها

اختي
والله انهم بركه البيت
مع ان يوم توفي ولدي قالو لي احمد ربك انه مات وارتحي من تعبه وشيله وحطه والمستشفيات البهدذله
والله مايدرون هذولي مايعرفون وش انا مبسوطه معه مايحسون ولا يشعرون رديت وقلت لهم ليه هو اتعبكم بشي والا اذاكم بشي بكلمه والا بحركه وش انتم مضايقكم من حياته
والله ماردو علي لانهم مايعرفون وش يقولون لان مايحس بالالم الا اصحابه اللهم لا اتراض بس تمنيت انه مامات والله :icon33::icon33:

والله يا وليده انك صادقه
انا لما كنت حامل في ولدي والدكاتره قالولي عن حالته الناس اللي حواليني كانوا يقولوا الله يريحك منه ولما عرفت قصدهم انصدمت انهم يدعوا على ولدي قبل ما يشوفوه وكنت اقولهم ما احد له دخل فيه انا امه وانا راضيه الله يهديهم بس

بنات فينكم خلونا نتفاعل