السلام عليكم


اشكرك على فتح الموضوع


انا اخوي من ذوي الاحتياجات الخاصه والله تعبنا في البدايه حيث اننا لا نفهم ولانعرف كيف نتعامل معه..لكن لما كبر عادي صرنا نعرف له .....وهو انسان طبيعي ماعدا السمع والنطق

المهم لما كبر ووجبت عليه الصلاة تعبنا معه يرفض .......لأنه ماتفهم بالمدرسه ليش الصلاة وماهو الدين...تخيلوا يابنات مايدري ان الصلاة واجبه.......مايفهم اش معنى دعاء مايفهم ايش معنى قدر ولا يفهم ايش التوفيق كل هذا ولا شي والله الدين ولا شي يفهم منه........حتى اذا حاولت افهمه يقول لا الاستاذ ماقالنا ,,,,,,,,,,,,,فعلا ماعندهم تعليم صحيح مادري ليش



والله مقهوره مقهوره على اخوي اللحين عمره 21 ومايحافظ ع الصلاة لانه مايفهم ان الصلاة واجبه,,,,,,,,,وحنا باليت مايقتنع مننا ابد مايقتنع الا من المدرسه وحاولنا نرسلهم نقول فهموه وش معنى الصلاة وش معنى طاعة الرب والجنهو النار ولكن لا حياة لمن تنادي

حتى انا احاول دايم اشرحله بس هو مايرضى يفهم مخه متقفل من هالامور.على انه ذكي,,,,,,,,


\والله ادعيله من كل قلبي ان الله يهديه.......المشكله هو عنييييييييييييد
جتني فكره اني ادور داعيه بلغة الاشاره عشان اخليه يكلمه لان جواله الاتصال المرئي


بنات اذا عندكم حل ساعدوني..........

جمعية الاطفال المعاقين..
حي المروج..الرياض.
4543913
4543916


جمعية الوفاء الخيرية"مركز الوفاء للتأهيل"
4651506
4561488
نوع الخدمة:التخلف العقلي"الاعاقات الحركية المزدوجة

الجمعية السعودية للاعاقة السمعية
2195551
2195553


مدارس النهضة لمتلازمة داون
الحي الدبلوماسي..الرياض
4823755
4887218

الجمعية السعودية متلازة داون
ام الحمام
4421187
4412029
4421060


مركز والدة الامير فيصل بن فهد للتوحد
المحمدية
4805909
4805933


الجمعية السعودية للتوحد
ام الحمام
4421086
4413044


مركز النهضة للتأهيل الخاص
السليمانية
"لجميع الاعاقات مافوق سن الثامنة عشر للاناث"
4782583

السلام عليكم رجعتوني لذكريات عشرة سنوات ماضيه وراح اقصها لكم ويمكن احد يستفيد من تجربتي اوحتى بس يدعيلنا لماكان طفلي في الشهر الثامن اكتشفت انه عنده ضمور بالدماغ وبعد فتره قالو انه توحودي ولله الحمد والشكر على مااعطانا الله لايغضب علي اول ماوديته كنت احسبه طفل هزيل فقط وقالتلي دكتوره الاطفال اني لازم اروح لدكتور اعصاب وحجزت في المستشفى ورحت انا وابوه واخذته معي ولما كشف عليه الدكتور طلب نوعين اشعه كل واحد في مستشفى وركبوني انا ولولد في اسعاف ورفضو ان ابوه يركب معي وعطوه منوم في المستشفى الاولى ونقلوه في الاسعاف للمستشفى الثاني علشان اذا صارله شئ المستشفى الاول يتحمل النتيجه وكل هذا وانا خايفه وميته رعب وابكي طول الوقت وكان عمري واحد وعشرين سنه ولما تكملت الاشعة اجتمع اربع اطباء اعصاب وقالولي انا وابوه واخوه الي اكبر منه كان معي لسوء الحظ ذلك اليوم وكان زوجي يصبرني ويقولي لاتخافين تلقين الولد رخو ويبيله تدليك فقط ولكن في كل دم بارد او هذا مابدالي في تلك اللحظه قالو ان ابنك معاق وماراح يتكلم ولايمشي ولايفهم وماراح يدرس في مدارس السليمين وبعد كذا البكاء سكر اذاني ماعاد اسمع شئ وولدي السليم كان عمرة ثلاث سنوات كان يبكي علشاني ابكي ماهو فاهم القصه ومنهنابدئت رحلة العلاج ماراح اقص قصصي الباقيه على مدى عشرسنوات وثلاث اشهر ولاكن الله يكتبلي ويكتب لابوه وكل العوائل اللي زينا الاجر والمغفرة من الله سبحانه وتعالى على ماصدر منا من لحظات ضعف ممررنا بها او صدر منا ضيق او تسائل عن ماحصل ماسببه ولاكن هناك تسائل يدور في عقلي هل هناك في سيره رسول الله حالات الرسول اخبر عنها والشئ الاخر اوصيكم بالعلاج الطبيعي المكثف لان ابني ولله الحمد خطى بعمر الثانيه والنصف بعد علاج طبيعي مكثف ثلاث مرات في الاسبوع لمدة ساعه وانا اكمل في المنزل مايطلب مني وكنت اقول يارب ارزقة المشي لكي يوسع صدرة وينبسط ولايمل والله استجاب دعائي والحمدلله بعدين اخذناه لكذى مركز وعمره ثلاث سنوات بدئنا معه ولاكن دون فائده ورحنا مره للاردن وجبنا وحده تعطيه حصص في البيت وثبته على الكرسي لانه صار عنده فرط حركه وهذا يعتبر انجاز على مدى شهرين ولكن اهم شئ استفاد منه اهو علاج الطب الشعبي عند وحده في قريه بالذيبيه نواحي القصيم الله يجزاها الجنه والله اسعارها رمزيه ماتذكر من ادويتها تحول من طفل عنده فرط نشاط وتوحودى الى طفل لديه تخلف عقلي وهذا بالنسبه لي ارحم من التوحد وغرابته وسبحان الله صارت مشيته اركزواصبحت عيناه تلتقي بعيني وهذا من اجمل الاشياء في الدنيا ان تتواصل نظراتي معه ويفهم حبي له وخوفي عليه وان لايرفظ عناقي له واصبح مرض الصرع اخف قليلا ولكن تعبت هذه المعالجه عن معالجته نتيجة محاربت وزارت الصحه لها واهل بيتها منجهه كما سمعنا ولكن سمعت قبل ايام انها واصلت المعالجه وذهبت في ابني الى مصر ورئيت العجب في مراكزهم ولم استفد الامن العلاج الطبيعي شدة اعصاب ابني قليلا ولكن الصرع ونوباته لابني في المرصاد كلما اصبح اكله رائع ويمضغ الطعام اتته نوبه وارجعته لحاله الهزال الذي يعيشه وياكل اكل مخلوط كلعصير وبالاجبار وحاولنا معالجته بالقران ولاكن اشتد الصرع عليه وخفنا عليه من الموت وعالجناه بلسعات النحل الله لايعاقبنا على ماسببنا له من الم ولكن لم يغير من حاله شئ ولان هو في مركز خاص يذهب فقط من اجل مشاهدة اطفال مثله ولم يستفد شئ فلا ادري هل السبب منهم ام من حاله ابني الشديده فعمره العقلي لم يستطع احد قياسه ولكن قدر انه بعقل طفل عمره سنتان او سنه ونصف وحدث الكثير ولكن اوصيكم بالتوكل على الله والله اختارنا احنا بالذات من دون بشر كثير لحكمه ما والله ياخواتي اني احيان اقول الحمدلله ان انا الي عندي طفل من ذوي الاحتياجات الخاصه ولاوحده من خواتي او اخواني كان يتقطع قلبي عليهم واتمني ان الله ينزل الصبر على اي وحده تكتشف ان طفلها هكذا ولما اشوفهم في المستشفى ابكي على حالهم واقول الله يعينهم المشوار قدامهم طويل واقولللناس الي اطفالهم سليمين علموا اولادكم بوجود اطفال كاطفالنا وانه يحترمونهم عند رؤيتهم ولا يخافون منهم رحمة ورئفه باخوانهم السليمين لان اولادي السليمين يتئذوا من هذه النظرات الفضوليه التي تخرق جسد طفلي واجسادهم واااااااااسفه على الاطاله وهنك ردود لبعض الاخوات اولا الاختوليده ولله انك بكيتيني والله يصبرك ويبدلك خيرا منه طفل يصبح في يوم ما امام للحرم ويقر الله عينك به وباخوانه ثانيا يااخت ناصحه2 لاتتعجبي من سؤال الام هل طفلها سيتزوج ام لا لأنه مايحس بالجمره الا واطيها وانا احيان افكر من بيقوم بوالدي بعد وفاتي انا وابوه يمكن لوازوجه يجيه عيال سليمين يقومون به واسفه مره اخرى على الاطاله

انا اختي من ذوي الاحتياجات الخاصه

معاها متلازمة داون ذكيه وتفهم عمرها سبع سنوات

طبعا المراكز رفضت تقبلها حتى الخاصه تقول انها صغيره

مشكلتها ماتعرف تروح للحمام تخيلوا عمرها سبع سنوات والى الان تستخدم الحفاضات

مع ان شكلها صغير

مشكلتها النطق ماتتكلم بس تفهم يعني تقولي لها روحي جيبي شي تجيب
لكن لو سالتيها مثلا اي سؤال تكرره بنفس الطريقه وبنفس حركات اليد
حتى لو سوت شي غلط تروح تضرب نفسهاطبعا بشويش او تروح تخاصم نفسها

انا احس بالذنب لاني ماني معطيتها وجه واخاصمها كثير لاني اعرف انها تستهبل اوقات
البيت كله مدلعهابالذاتماماو بابا مايشوف غيرها في البيت لدرجة انها تضربه لكن انا ماتتجرا علي ياعمري عليها لاني اخاصمها فاي واحد مدلعها تلطش فيه واي احد يعطيها العين الحمرا تحترمه وتسمع كلامه

مدري كيف اعلمها الكلام
كيف اعلمها تروح الحمام اعزكم الله
وياليت الي يعرف مركز في المدينه متخصص في هالحالات يقولي لي عليه غير التربيه الفكريه

ام فوفو

مشكـــوررررره ما تقصررييييييييييين :)

للرفع