عنــــدي مشكله مسببه لي ازمه نفسيه / التلعثم ..معدل/ قديم

السلام عليكم ورحمة الله ,,,

اعاني من التلعثم قبل لا اتزوج ماكنت كذا ولا كنت يعني مميزة بحديثي لينبهر الناس بي

كنت عادي اسولف واضحك لما تزوجت بدا معايا بشكل عادي وقاعده اقول يمكن خجل من الزواج وقدام رجل غريب يعني بداية المشكله كانت الكلمات اقلبها وتتشقلب يعني مااكررها بس اشقلب حروفها مع الكلام وكنت استحي من زوجي مع انو كان يمسكها عليا ويحشني بس مو اهانه او استهزاء لا مزح وانا عادي متقبله المزح ما اابكي وانقهر روحي ولله الحمد رياضيه

بس تتطورت المشكله بعد ماولدت ببنتي صرت اكرر الكلمه مرتين امس ابغى اقول سنه قلتها شششنه ونزلت معايا ماعاد اعرف اتكلم زي قبل زواجي زي البنات ثقتي انعدمت تماما صرت الاحظ الناس الي اتكلم معاهم بعد الاهتمام لكلامي او يمسكو الجوالات او يشوفو التلفزيون بمعنى انوو نتكلم معاكي وانتي ولاشي مفهوم منك ولا مركبة جملكي تعبت مرة نفسيا صرت ابكي لوحدي اشكي همي لنفسي اقول ليه صاير معايا كذا

وانا كنت زمان كويسه وكلامي عادي يعني لا اتاتا ولا اشقلب الحروف ولا اي شي

واخص شي لما اتكلم مع حماتي وتصير معايا تنطش ماتشاركني الكلام تنشغل باي شي ونظراتها ليا احس في نفسها تقول زوجة ولدي وحده ماتعرف تهرج

صرت ماخرج عند احد ولا احب اقابل احد صرت اسمع كثير يتكلمو عني انوو ماتعرف تتكلم

تخاصمت مع زوجي في مشكله وقال انتي حتى كلام ماتعرفين تتكلمينه زعلت مرة مرة بكيت ولا اشتكيت لاحد طبعي ماحب اشكي لا احد حتى لا امي ماشتكي ولا اخواتي وهما مقربين مني ويشكون لي بس احط في قلبي

ثقتي راحت احس لساني ثقيل لما ازور احد ويتكلمون في موضوع ودي اشاركهم لاننوو احيانا لما يتكلمون يسالو المحل ذا وين وكيف مبيعاته انا اكون اعرف بس مو قادرة اتكلم يعني لما ابغى اجي انزل جملتي احس شي يمنعني مقدر احس الكلمه الي بنزلها بتكون غير مركبه او تلعثم

جدا تعبت ابغى حل ابغى ارجع زي اول طبيعيه اكره الخرجات من ذا الشي وماحب احد يجيني واتعذر باي شي وفي نفسي ابغى احد يزورني بس انا ماعرف اتكلم معرف اشارك الناس محد يعطيني وجه من الاخر اقولها بسبب هذي الداء الي عندي , مع انني جميله ماشاءلله وانا واثقه بجمالي وبلبسي والكل يتكلم عن لبسي وعن جمالي وثقتي كانت كبيرة قدام الناس بس اختفى ذا كله بسبب التلعثم انا احس الوم امي في ذا كله لانو وانا صغيرة يعني عمري تقؤيب 12 او 11 سنه والى يومي ذا وانا متزوجه وذي الكلمه ماتفارق لسانها
انوو تقلي مو لازم تتكلمين وليتك مقلتي لفلانه كذا وتقعد تخاصم وانا يعني ماسبيت انا قاعده اسال واتكلم عادي يعني اقلها لي تكبرينها ترا كنت نسولف ماخاصمتها ولاقلتلها شي محرج عادي يعني مثلا قلت لوحده من البنات ماشاءلله شكلك حلو طلع في الزواج بس المكياج ثقلتيه يعني اقول ذا الكلام لوحده مقربه مني وامي لا تقلي مو لازم تقولين كذا دايمن تقول ليتك ماهرجتي ماتعرفين خليك ساكته احسلك زي كذا

امي مو احسها مسبب لي ذي المشكله

امي عصبيه وحارة جدا ماتقبل اي شي من عيالها وبناتها لكن برا اخواتها بناتهم جيراننا زي العسل ماكانها امي العصبيه الحارة الي اذا مزحنا معاها قامت فوقنا تحبنا وكل شي بس ذي مشكلتها
قبل لا اتزوج ماني عصبيه بالعكس اطيب وحده في البيت والكل يجيني لما يكون متضايق

بس يمكن اخويا اخذ طبع امي حاار يعصب بسرعه بس عادي يمزح متى يعصب ويصير حار في السيارة مثلا زحمه وطفش من الزحمه يقوم يتنرفز مثلا يبغى يشبك شي موراضي يظبط معاه يتنرفز

انا مو كذا انا واخواتي وباقي اخواني لا عادي ممكن اختي الكبيرة تعصب بس عادي احنا زي ابوي قلبه طيب الله يخليه يارب لنا وصدرة وسيع ويتحمل عادي انا زي بالظبط حتى امي تقلي زي ابوك انتي

المهم لما تزوجت صرت امي بالظبط كانو الي في البيت امي مو انا صرت عصبيه واتنرفز بس اتقبل المزح

ولما اكون رايقه ابسط الي معايا

بس اتمشكل مع امي اقلها ترا ذا كله انتي السبب ولاتنكرين تقوم وتروح وتزعل وهاتك مشاكل مع اخواني

يعني تعصب على اي شي تحط الاكل اقلها ماشاءلله يجنن الاكل بس ناقصه ليمون اقلها عادي ناقص احط ليمون على الايدام ويصير ولا اروع تقوم تقلي والله اسفين ماحسبنا حساب الليمون ونسينا نحطه على السفرة !!!!!!!! طيب وش قلت انا .! عصب وقمت من السفرة وقلتلها قدام ابويا واخواني واخواتي الله يعينك على نفسيتك وقمت وانا مرة مخنوقه يعني تفهم كل شي من عندها انا الي اقصده انوو حلاة الايدام لما نعصر ليمون زي العصير حلاته بالسكر وهيا فهمتني انوو ليه ماجبتو لي ليمون وانني اتشرط يعني شي فضيع ولما تكون رايقه امي تكون كويسه بس برظو تزعل وتفهم كل شي من عندها
مو معايا مع الكل بس انا احس تاثرت اكثر اقلها انا الصغيرة انا بنتك المفروض دلوعتك ماتبهذليني كذا يكفي الحاله الي وصلت لها ماعاد اعرف اهرج زي الخلق منك تزعل وتروح وانا صرت زيها وخااايفه اكون مع عيالي كذا بعدين احاول دايمن امسك نفسي بس مقدر احس ينفجر وافجر البيت كله بصياحي واسمع الجيران الا مع ابويا لما يكلمني حتى لو بموضوع ممكن يضايقني لا عادي صدري وسيع وسمعله ولا ازعل ولا اعصب عكس امي

تقارني ببنات الناس شوفي ديك كيف وشوفي كيف كان شكلك !!! اقلها انتي عارفه انني انا جميله وعارفه انني اعرف البس واتظبط وعارفه الناس كيف لما يتكلمون عني ليه تحبين تنزلين من ثقتي بنفسي

قالت ذي الحقيقه قلت ياحياتي بكيفها اصلاا لو انتتي تبحبيني مابتقولين كذا ببالعكس واللهه طلعتي احلا وحده بالزواج باي مكان بس نرجع البيت تديك ذي المحاضرة واذا مارجعت البيت معاهم ماترتاح لازم اليوم الثاني تدق وتقلي وانا احاول اطنش ودحين الثقه زفت والاخلاق زفت وكله كوك ومشكلتي الي من جد جاتني حاله نفسيه منها التلغثممممممممم ا

ابغى علاج لهاا الله يسعدكم
ادري طولت مرة بس ابغى ارتاح نفسيتي زفت مرة ساعدوني الله يساعدكم ويفرج همومكم

حزاكم الله خير