عنــــدي ولـــد وحـــامل..وأخــوي زودهــا باحراجـــي مــع زوجــي/استوفى حقه من الردود

السلام عليكم ورحمة الله وبركاته
الموضوع بصراحه ماهو معقد ولا صعب لكنه محرج
أهلي بالشرقيه ونصيبي أصبح بالرياض من سنتين ونص..وأختي أيضا تزوجت بالرياض من خمسه أشهر..
وأخوي وظيفته بالرياض في البدايه كانت زوجته وطفلينه بالشرقيه ومن شهرين قرر يجيبهم الرياض وينزل مره بالشهر لأهلي..
أنا عندي ولد عمره سنه ونص وحاليا حامل بالشهر الخامس..
وأخي عندي ولد نفس عمر أبني مابينهم ألا ايام وولده الثاني عمره شهرين..ماشاءالله لانها حملت بسرعه..
خلاصـــة الموضـــوع:
أخوي الله يهديه كل يوم والثاني ماأنزعج من ولده شاله وجابه عندي أو عند أختي..
يعني اذا هو ماتحمل كيف يبي رجالنا عيال ناس يتحملون عيال غيرهم..
أنا والله العظيم ماعندي مشكله ودي عشان يلعب ولدي معه ويتسلى ولايطفش..صحيح زوجي طيب ولايقول شي لكني أخاف من اللي يدور بخاطره..
وصراحه ماحبيت أنه يوديه لأختي لانها توها متزوجه وزوجها يداوم يوم ويطلع ثلاثه أيام..فقمت قلت له:لاتوديه الرجال اغلب وقته في بيته مايطلع صعبه يزعجه بنومه أو يخرب عليهم جوهم..
هاته عندي أنا زوجي يطلع من المغرب الى الساعه12 بالليل..حددت له الوقت المسموح فيه..
لكنه للأسف صار يبالغ لما يجيبه يتركه الى اليوم الثاني..يعني صغار دوم أكون وراهم أخاف يضربون بعض أو يطيحون أو يصير لهم شي..لدرجة أني صرت أكذب على زوجي اقول أنا شفت ولدي طفشان وكلمت أخوي يجيب ولده..وأنا بعد طلبت منه مايجي يأخذه صعبه المشاوير يارايح ياجاي..
وتعرفون تعب الشغل بالبيت من أقوم عشان الغداء الى وقت وخاصه على وحده حامل وتنوم أثنين..
وكيف أني أضطر أنلم بالمجلس عشان يقدر ينام زوجي ولانزعجه..
المشكلـــه:
قلت له اذا تنزعج منه ويتعبكم خله عند أهلي أسبوعين وهاته أسبوعين..
خاصه أن عندي 6خوات ماشاءالله وأصغرهم عمرها10 سنوات..
يعني ولدهم ماراح ينزعجون منه..وماعندهم أطفال ويحبونه ويحبون ولدي..لكنه مايطيع..
وهذا أنا أكتب الموضوع وأثنين يعوثون بالارض فسادا..
بالله قولولي وش أسوي أستحي كيف أقوله ماني عارفه كيف أفهمه..
منحرجه كيف اقول لأخوي ومنحرجه من زوجي..أخاف يقول وش هالغثه..جاء وأنتشبنا..
أعرف طولت لكني متشتته ولاأدري وش أكتب..
أعطونــــــي حلــــــول..
:44::44::44: