عنوستي حرمتني من فرحة العيد

السلام عليكم
بنات انا كتبت موضوع عن خطبتي السابقه وانها تفركشت وخطيبي تزوج وانا متعلقه فيه مره لي كم شهر احاول انساه ماقدرت صورته مافارقت بالي
حاولت انساه لكن ابي احد يعوضني ابي احس بقيمتي كانسانه مو لازم زوج اب ام اخ عم خال خاله عمه اخت اي احد يالدنيا
ماتتصورو كيف حياتي الناس ذبحوني برمي الكلام لاني قربت للثلاثين وماتزوجت نظراتهم قتلتني انا تعبت نفسيا تعبت تعبت ابي احد يحس فيني بس للاسف الي عندي بالبيت ناس قلوبهم قاسيه ماعندهم اي حب او مشاعر او حنان زدو همي همين لو اموت ماحسو فيني خاصه ابويا الله يهديه قاسي جدا جدا بشكل ماتتصورونه والله ان دموعي وصلت الكيبوورد اه اه بس
ابوي حارمني من السعاده من يوم كنت صغيره كان يضربني بعد ماصرت مراهقه زاد ظلمه لي وكان يعاملني كاني وحده عمرها 30 سنه ضربني شتمني هز ثقتي بنفسي احتقرني كل شي سوواه فيني بعد ماكبرت اول مره انخطبت نكد علي خطبتي وفرحتي كاي انثى تنخطب اول مره مع اني ماكنت صغيره كان عمري 22 وكنت اتمنى انخطب بس فرحتي ماتمت انخطبت بعدها وكل مره اتحطم اكثر مايصير فيه نصيب اتزوجو اخواتي الثنتين الي اصغر مني والله اني دعيت لهم من كل قلبي ان ربي يسعدهم مااقولك انهم تزوجو بسهوله ابوي نكد عليهم وماتهنو بيوم واحد من انخطبو حتى المهور ياخذهها منهم وبعد مايتملكو مايتركهم مع ازواجهم وبعد مااتزوجو مايعبرهم ولا يعبر ازواجهم ودايم يتفشلو عندهم اه بس
خواتي والله اني فرحت لهم وادعي لهم بالتوفيق لان لو رجعو لبيت اهلي راح تكون حياتهم اسوا من اول
بس مهما كان صعب صعب جدا هالموقف على اي بنت ان خواتها الي اصغر منها يتزوجو قبلها خاصه اذا مانقصها شي والله يابنات مااحد راح يحس بهالشي الا الي مجربه شعور جدا صعب ومتعب
ابويا سوا لي حاجه مره تقهر ودحين صار يعاملني كاني حشره عنده حتى الكلام مايتكلم معاي يوم العيد ركبت معاه السياره عايدته مارد علي تخيلو ياااااارب ارحمني
وبعد مارجعنا ركبت السياره معاه تأفف اول ماركبت والله يابنات ان نقابي صار كله دموع ليه كذا ليه ليه
يعني لازوج ولا اب ولا اخ ولا احد يحس فيني يارب ارحمني برحمتك والله اني ماانام دحين الا وانا مشغله سورة البقره من الهم الي فيني وخايفه تجيني حاله نفسيه وجهي صار شاحب واذا جلست مع احد مااقدر اسولف واضحك لاني مهمومه
خلاص مااقدر اكمل لاني ابكي بس حبيت افضفض لكم لان ماعندي احد افضفض له