وانتو ياباقي العضوات ابي تفاعلكم معي تكفى

هلا بك في عنيزة النسبة للفنادق فيها فندق عنيزة وفندق الواحة وبودل وبعدها عن الر س 45 كيلو اما بريدة 25 كيلو احسن الاسواق فيها عنيزة مول ستي بلازاء مبارك والاسواق على الشارع التجاري اما المنتزهات فيها دريم لاند وفيها منتزهات الحاجب وهذي مسطحات خضرا فيها مهرجانات في الصيف وقريب منها خيمة اما المطاعم فيها الاسياح الشعبية خمس نجوم هرفي ماكدونلز مطاعم الخيام والجو فيها تقريبا مثل الرياض وعنيزة وهلها يرحبون فيك

اناا مو من القصيم بس اسمع البنات هنا يمدحون مطعم شزان الهندي في بريده ويمدحون السنبوسه الهنديه مرررررررره جربيها وعلمينا هي على مدحهم ولا لا لاتنسين هههها الله يوصلكم بالسلامه

ربي يخليكم ماقصرتو يابنااااااااااات احلى عالم
مشكوره اختي اخت البالود يعطيك الف عافيه
واختي السيده الام ابشري من عنوني ابروح اكل فيه واخبرك

اذا انتدابكم في عنيزة

اسكنوا في بريدة أحلى وأفضل بكثييير والله مو سب لعنيزة بس فرق شاسع بينهم

بريدة فيه مولات ومطاعم وكافيهات بس المنتزهات قليلة فيه منتزهات بين الأحياء صغيرة .


وفيه فنادق كثيييرة .


الله يوفقكم


وعنيزة مب شينة فيها عنيزة مول ومطاعم بس شوية و عادية

ومنتزهاته حلوة .