صباح / مساء الخير للجميع :27:
في البداية احب اشكر الاخت ( جووودي أبوت ) على موضوعها التوعوي عن المادة الخطرة المسببة للسرطان والمؤثرة على الخصوبة .. وهي مادة البارابين ( parabens ) ومشتقاتها :
MethylParaben
EthylParaben
PropylParaben
ButylParaben
وهذا رابط الموضوع :
http://forum.hawaaworld.com/showthread.php?t=3697557
انا بعد ما قرأت الموضوع بعناية .. اجريت حملة تفتيشية على كل مستحضرات العناية بالبشرة والجسم والشعر .. وكانت النتيجة اني اكتشفت مادة البارابين موجودة في 15 منتج عندي :35:
وفوراً جمعت كل هالمنتجات الضارة وحطيتها في كيس عشان اتخلص منها .. بس قلت عشان ما اتسرع لازم قبل استشير اي صيدلي واستفسر منه اكثر عن مادة البارابين .. وبما اني قررت اصلاً اروح الصيدلية واشتري منتجات طبية بديلة .. رحت حق صيدلية كبيرة ومعروفة عندنا بقطر .. وسألت الصيدلي عن مادة البارابين ومدى خطورتها للجنسين .. وجاوبني بكل وضوح وصراحة وهذي خلاصة الرد :
" مادة البارابين هي مادة حافظة لبعض المستحضرات مثل الشامبو / الشاور جل / الصابون / الكريمات واللوشنات .. وتستخدم اكثر شي في الكريمات واللوشنات التجارية اللي تطلع بالدعايات .. وهي ضررها يكون على المدى البعيد بالنسبة للبشرات العادية .. اما البشرات الحساسة يكون الضرر واضح عليها خلال شهور من ملامسة مادة البارابين .. وهالمادة تسبب السرطان للمرأة اكثر من الرجل .. لأن المرأة بطبيعتها تحب تستخدم وتجرب وتنوع في المستحضرات اكثر من الرجل .. والمرأة غالباً تفضل رائحة وشكل المنتج اكثر من مفعوله !!
لذلك من الافضل اللجوء لمستحضرات طبيعية او طبية خالية من مادة البارابين .. وهذي مسؤولية الزبون هو اللي يختار المنتج الطبي الآمن .. واحنا في الصيدلية ما نتدخل في الخيارات الشخصية للزبون او نفرض عليه منتجات معينة "
انا اقتنعت 100 % بكلام الصيدلي والمعلومات المفيدة اللي ذكرها .. وقبل ما اطلع من الصيدلية اخترت بنفسي بعض منتجات سيباميد للبشرة والجسم والشعر .. وتأكدت بنفسي من خلوها من مادة البارابين الضارة .. وطلعت من الصيدلية وانا ضميري مرتاح ناحية بشرتي وجسمي وشعري ..
وحالياً صارت منتجات عنايتي محدودة لكنها طبيعية او طبية آمنة بإذن الله .. وما ظل عندي غير منتجات سيباميد / دوف / لاش .. بالإضافة الى الحنا والسدر والنشا وماي الورد فقط ..
وهذي صور المنتجات اللي تخلصت منها وتحتوي على مادة البارابين او مشتقاتها :
من جونسون :
كريم ترطيب 24 ساعة بزبدة الشيا / بودرة للاطفال ما قبل النوم
من نيفيا :
سائل لليدين ترطيب فوري وسريع / مرطب ناتشرال بيوتي التجميلي / ميلك وتونر منعش 2 في 1
من هيمالايا :
مقشر المشمش اللطيف / قناع منعش بالفواكة
من بوتس :
كريم الفانيلا / لوشن وارم فانيلا شوقر
من غارنييه :
مزيل مكياج للعيون الحساسة
من ديرموفيفا :
سيروم مقاومة علامات تقدم سن البشرة
من صانسيلك :
شامبو حيوية وانتعاش للشعر الدهني
يتبع ارجو عدم الرد ..
بودرة كوثر معطرة للجسم
( هذي حقدت عليها لأن والله فيها كل المشتقات الاربع )
من فكتوريا سيكرت :
لوشن ماي ديزير
من جرجنز :
ملطف غني بالصبار
انتهى موضوعي وهذي تجربتي كتبتها لكم بكل امانة وصدق عشان افيدكم .. وانتوا يا خواتي العزيزات اللي حابه تقرأ الموضوع وتظل غافلة براحتها .. واللي حابه تصير واعية براحتها بعد .. لكن اتمنى اللي ما عجبها الموضوع او ما اقتنعت فيه .. يا ليت ما تعلق تعليق سطحي او تعليق سلبي وغير مبرر ..
تقبلوا تحياتي واحترامي
وتمنياتي لكم بدوام الصحة والعافية يا رب :26: