عن تجربه....أقول للي تبي التسمين <<<<<

إخواتي الإعزاء

قبل أبدأ كل شي أنا وزني كان 40 وطولي 156

جربت كل شي رحت وجيت ولانفع

إتبعت نظام غذائي ومليت منه مره يضبط ومره لا

أوصل 45 وأنزل 40 وعلى ذالحال

ملاحظه:((العنبريه المسمنه مضره وخطيره))

أمي نصحتني بالحلبه قلت وع وع أنا أشرب الحلبه أنا ريحتها أكرها شلون أشربها

يوم يأست ومالقيت حل غيرها قلت ليه ماأجربها إذا مانفعتني ماراح تضرني

اليوم الأول: طحنتها وحطيت ملعقه صغيره في كوب كبير مع مويه حاره وخليتها تنقع ربع ساعه

شربتها ومن مراراتها قعدت أنقز ووجهي راح أحمر وأصفر وأخضر والبت كله مايسمع غير وااع وااع

اليوم الثاني: نفس الحال بس أخف

اليوم الثالث: ماصدقت إني أشربها عادي مثل الشاهي

اليوم الرابع: ماشربتها وحسيت إني إشتهيتها رحت وسويتها

إستمريت عليها شهرين

ووزني ألحين 50 ك الحمد لله

ومازلت مستمره عليها

ومو بس سمنتني أحس إن صحتي زانت

ملاحظه: للي تبي تستفيد من فوائدها بدون ماتسمنها تآخذها قبل الأكل

صدق من قال إن الحلبه كنز قليل إللي يقدره



أي إستفسار أنا حاضره

دمتم بصحه وعافيه