حسبي الله عليهم

تشكرين اختي موضوع مهم جداا واشكرك على جهدك وتعبك فيه

واشكرك على تنبيهنا فعلا نبهتيني على اشياء جدا فايته علينا

والله ماعمري حسبتها واثقه فيهم ثقه عمياء بس فعلا اسلوبك مشالله ممتاز

مشاءالله عليك والله تعجبييني
ان شاءالله من اليووم ببدا ادقق في الحسابات كانت غايبه هالفكره عن بالي
الله يكفيينا شرررررررهم والله ماتوقعت انها توصل فيهم لهاالدرجه حسبي الله عليهم

حسبي الله

يعني وش الحل اذا كانت العربيه مليانه مواد غذائيه صعبه تقعدين تحسبين كل شي مع الزحمه

واحيان بعض الاشياء ماعليها سعر صعبه كل شوي انادي واحد اقوله هذي بكم وهذي بكم

انا مره اشتريت بلوزه لبنتي تخيلوا كانت اخر قطعتين بالمحل قطعه ممكن تلبس 3 سنوات وقطعه تلبس اربع سنوات

اخذت القطعه اللي بعمر اربع سنوات وماكان موجود عليها سعر ناظرت السعر بالبلوزه الثانيه لقيتها ب70

المهم اخذها واول ماوصل قام الاخ يحسب وقام يسوي انه يفتش عن السعر قالي هذي ماعليها سعر قلت ايه مالقيت بس لقيت على القطعه الثانيه انها ب70 قام ارسل واحد يجيبها

وقام قالي ايوه بس هذي اللي ب70 مقاس ثلاث سنوات واللي بيدك مقاس 4 سنوات وقلت وش الفرق قالي تفرق

قلت يعني كم تفرق قام يطقطق على الكمبيوتر قال يالله عشانك زبونه بحسبها ب100 وقام يحطها بالكيس قلت انت صاحي ولا مخبول فرق سنه تزيد 30 ريال

قالي ايه بسيطه ال30 قلت ادري بس حرام هذا ظلم وتركتها وبروح وانا مقهوره لانها عجبتني يوم شافني مشيت قام ينادي

يقولي امزح عليك تعالي خذيها بس ب80 ناظرته نظره قالي خلاص والله 75 قلت اوكي انا ادري ان حقها 70 بس بعطيك الخمسه حق مويه وفطيره وبعتبرها افطار صايم وابي دعوه منك ههههههههههه اللي وراي جلست تضحك رميت لها الفلوس وطلعت

المشكله اذا كان فيه اكثر من قطعه معي والدنيا زحمه وشلون اجلس احسب

حسبي الله ونعم الوكيل فيهم ..
من جد وربي اكلونا اكل ...
وصارت الناس مضطره اللي معها واللي مامعها تشتري غاااالي ....
بس حمستيني وربي اوقف لهم على كل شي ...